Breaking News

ພະຍຸເຂົ້າ ເມືອງຫົງສາ ເສຍຫາຍເກືອບ 45 ລ້ານກີບ

ຝົນຕົກ ແລະ ລົມພັດແຮງຢູ່ເມືອງຫົງສາ ເສຍຫາຍເກືອບ 45 ລ້ານກີບ.

ອີງຕາມບົດລາຍງານຫ້ອງການແຮງງານ ແລະ ສະຫວັດດີການສັງຄົມ ເມືອງຫົງສາ ແຂວງໄຊຍະບູລີ ກ່ຽວກັບ ເຫດການ ຝົນຕົກໜັກ ແລະ ລົມພັດແຮງໃນວັນທີ 12 ເມສານີ້, ໃຫ້ຮູ້ວ່າ:

ເວລາ ປະມານ 15 ໂມງ ຢູ່ເມືອງຫົງສາ ໄດ້ເກີດມີຝົນຕົກໜັກ, ລົມພັດແຮງ ແລະ ຟ້າຮ້ອງ. ເຮັດໃຫ້ຫ້ອງການ, ຮ້ານຂາຍຜັກ-ໝາກໄມ້ຢູ່ພາຍໃນຕະຫຼາດ ແລະ ເຮືອນຂອງປະຊາຊົນ ໄດ້ຮັບຄວາມເສຍຫາຍຈໍານວນໜຶ່ງ.

ຕໍ່ກັບສະພາບການດັ່ງກ່າວ ທາງຄະນະກໍາມະການຄຸ້ມຄອງໄພພິບັດຂັ້ນເມືອງ ໄດ້ສົມທົບກັບຄະນະບ້ານ ທີ່ມີຄອບຄົວປະຊາຊົນຖືກຜົນກະທົບ.

ໄດ້ລົງກວດກາ, ເກັບກໍາຂໍ້ມູນ ແລະ ປະເມີນຜົນເສຍຫາຍຕົວຈິງ ເຫັນວ່າ: ມີບ້ານທີ່ໄດ້ຮັບຜົນກະທົບທັງໝົດ ຈໍານວນ 3 ບ້ານ. ມີ 22 ຄອບຄົວ, ຫ້ອງການບ້ານ 3 ຫຼັງ, ວັດ 2 ຫຼັງ, ຫ້ອງການຂອງລັດ 1 ຫ້ອງການ ແລະ ຮ້ານຂາຍເຄື່ອງຢູ່ຕະຫຼາດ ຈໍານວນ 8 ຮ້ານ.

ລວມມູນຄ່າເສຍຫາຍທັງໝົດ 44,960,000 ກີບ

ຂ່າວ: ກິດຕິສັກ ບົວໄລພາບ: ຫ້ອງການ ຮສສ ເມືອງ

About admin

Check Also

ຂໍເປັນກຳລັງໃຈໃຫ້ເຈົ້າໜ້າທີ່ ທີ່ກຳລັງປະຕິບັດໜ້າທີ່ກັບຄະດີນີ້ (ຍັງບໍ່ເປັນທາງການ)

ເຫດການສະເທືອນຂວັນ ສາວລາວ ຖືກຄາດຕະກໍາ ພັບຍັດສົບໃສ່ຫີບໄຫຼນໍ້າຂອງຕິດຝັ່ງໄທ ພ້ອມຊອກລູກນ້ອຍບໍ່ທັນເຫັນ🥲 ຈາກຄະດີປິດສະໜາ ວັນທີ 29 ກັນຍາ 2022 ເວລາ 11:00 ໂມງ ມີຄົນພົບສົບ ຍິງສາວ …

Leave a Reply

Your email address will not be published.