ແມ່ໆທັງຫຼາຍລອງເບິ່ງເດີ້..!! 7 ວິທີ ຈັດການກັບພຶດຕິກຳລູກຕິດເກມ

ເກມອອນລາຍນັບເປັນສື່ເພື່ອຄວາມບັນເທິງຊະນິດໜຶ່ງ ຄືກັບຜູ້ໃຫຍ່ທີ່ຕິດລະຄອນ ຫຼື ສັງຄົມອອນລາຍ ແຕ່ຢ່າເບິ່ງວ່າເກມອອນລາຍເປັນໂຕບັນຫາ ຫຼື ຮ້າຍແຮງ ເພາະບັນຫາບໍ່ໄດ້ຢູ່ທີ່ເກມ ແຕ່ຢູ່ທີ່ຄວາມພໍດີໃນການໃຊ້ເວລາກັບມັນໃນແຕ່ລະມື້ຫຼາຍໜ້ອຍພຽງໃດ

ສັນຍານທີ່ບົ່ງບອກວ່າລູກນ້ອຍຂອງທ່ານເລີ່ມຕິດເກມຈົນກາຍເປັນບັນຫາ ແລະ ຕັດຂາດຈາກໂລກພາຍນອກບໍ່ເວົ້າກັບພໍ່ ແມ່, ບໍ່ຫຼິ້ນກັບໝູ່, ບໍ່ເຂົ້າສັງຄົມ ຫຼື ເຮັດກິດຈະກຳອຶ່ນໆ ບໍ່ຍອມໄປໂຮງຮຽນ ດັ່ງນັ້ນມື້ນີ້ມີຄຳແນະນຳໃຫ້ພໍ່ແມ່ມືໃໝ່ຈັດການກັບພຶດຕິກໍາຂອງລູກຕິດເກມດັ່ງນີ້:

1 ຖ້າລູກຕິດເກມອອນລາຍກໍ່ໃຊ້ແອັບພີເຄຊັນຊ່ວຍ: ເອົາເຕັກໂນໂລຊີ ມາໃຊ້ໃນການລ້ຽງລູກເລີຍ ແນະນຳໃຫ້ລອງດາວໂຫຼດໂປແກມລ໋ອກເກມ ຫຼື ແອັບພີເຄຊັນ ມາໃຊ້ງານເພື່ອຈຳກັດການເຂົ້າເຖິງເກມອອນລາຍຮຸນແຮງບາງເກມໃນອຸປະກອນຂອງເດັກນ້ອຍ ຫຼື ຈຳກັດເວລາໃນການຫຼິ້ນເກມ

2 ອະທິບາຍໃຫ້ລູກເຂົ້າໃຈເຖິງໂລກແຫ່ງຄວາມເປັນຈິງ ແລະ ໂລກໃນເກມ: ຜູ້ປົກຄອງຄວນອະທິບາຍຢ່າງໃຈເຢັນໃຫ້ເດັກນ້ອຍຟັງເຖິງຄວາມແຕກຕ່າງລະຫວ່າງໂລກແຫ່ງຄວາມເປັນຈິງ ແລະ ໂລກໃນເກມທີ່ຖືກສ້າງໃນເກມ ເພາະເດັກນ້ອຍໄວນີ້ ຈະມີຈິນຕະນາການສູງ ແລະ ຍັງແຍກບໍ່ອອກລະຫວ່າງໂລກທັງສອງ.

3 ຫາເກມທີ່ສ້າງພັດທະນາການເດັກ ຫຼື ເກມເພື່ອຄວາມບັນເທິງໃຫ້ລູກຫຼິ້ນ: ມີເກມຫຼາຍຊະນິດທີ່ສ້າງຂຶ້ນມາເພື່ອເປັນສື່ການສອນ ຊ່ວຍສົ່ງເສີມພັດທະນາການຂອງເດັກນ້ອຍ ແຕ່ກໍ່ໃຫ້ຄວາມເພີດເພີນ ເຊິ່ງແຕກຕ່າງຈາກເກມເພື່ອຄວາມບັນເທິງພຽງຢ່າງດຽວ ພໍ່ແມ່ຄວນຮູ້ວ່າເກມອອນລາຍທີ່ສົມກັບພັດທະນາການຂອງລູກຫຼິ້ນແລ້ວໄດ້ປະໂຫຍດຫຍັງແດ່ ອາດນຳມາຊ່ວຍທົດແທນເກມເພື່ອຄວາມບັນເທິງອື່ນໆ

4 ກໍານົດເວລາໃນການສ້າງວິໄນ: ຄວນກໍານົດເວລາ ແລະ ສ້າງເງື່ອນໄຂໃນການຫຼິ້ນເກມອອນລາຍໃຫ້ລູກ ໂດຍການໃຫ້ເຂົາເຮັດສິ່ງໃດສິ່ງໜຶ່ງແລ້ວກ່ອນ ຈັ່ງຫຼິ້ນເກມ ເຊັ່ນ: ໃຫ້ເຂົາຫຼິ້ນຫຼັງຈາກເຂົາເຮັດວຽກແລ້ວ ຫຼື ອ່ານໜັງສືແລ້ວ ອອກກໍາລັງກາຍ ຫຼື ກິນເຂົ້າແລ້ວ ກໍານົດເວລາໃຫ້ເຂົາວ່າ ຫຼິ້ນເກມໄດ້ມື້ລະ 1 ຊົ່ວໂມງ 2 ຊົ່ວໂມງ ຕາມເງື່ອນໄຂ.

5 ຫັນຄວາມສົນໃຈເຂົາໄປໃຫ້ກັບສິ່ງອື່ນ ແລະ ໃຫ້ລາງວັນເຂົາ: ເຊື່ອບໍ່ວ່າ ການທີ່ເຮົາເອົາສິ່ງອື່ນມາໃຫ້ເຂົາຫັນໄປສົນໃຈແທນເກມ ຈະເປັນການເຮັດໃຫ້ເຂົາຫັນມາສົນໃຈກິດຈະກໍາອື່ນທີ່ພໍ່ແມ່ຫາມາໃຫ້ ແລະ ມີຜົນດີໃນໄລຍະຍາວເຊັ່ນ: ການອ່ານໜັງສືກ່ອນເຂົ້ານອນ ຫຼື ຕອນເຊົ້າ ຮ່ວມກັບທ່ານ ຈະຊ່ວຍເພີ່ມສະມາທິໃຫ້ກັບເດັກໄດ້ເປັນຢ່າງດີ ແລະ ເມື່ອເຮັດເລື້ອຍໆເຂົາກໍຈະລຶ້ງແລ້ວການຈັບໂທລະສັບຫຼິ້ນເກມຂອງເຂົາກໍຈະໜ້ອຍລົງ.

6 ໃຫ້ລາງວັນກັບເຂົາ: ຂໍ້ນີ້ເປັນສິ່ງສໍາຄັນ ເພາະເດັກນ້ອຍ ຫຼື ລູກທຸກຄົນແມ່ນຢາກໄດ້ຂອງຂວັນ ຫຼື ລາງວັນຈາກພໍ່ແມ່ຢູ່ແລ້ວ ເມື່ອຕົນເອງເຮັດຫຍັງໄດ້ ລອງສະເໜີໃຫ້ເຂົາບໍ່ຫຼິ້ນເກມມື້ນີ້ ແລ້ວເອົາລາງວັນໃຫ້ ເພື່ອໃຫ້ກໍາລັງໃຈ ເຊ່ນ: ຂອງຂວັນທີ່ລູກຢາກໄດ້, ເຮັດອາຫານ ຫຼື ພາໄປກິນສິ່ງທີ່ລູກມັກ, ສັນຍາວ່າຈະພາໄປທ່ຽວ.

7 ເອົາອຸປະກອນໃນການຫຼິ້ນເກມ ລວມທັງໂທລະສັບອອກຈາກຫ້ອງນອນລູກ: ຄວນເຮັດໃຫ້ຫ້ອງຂອງລູກທ່ານມີພື້ນທີ່ສະອາດ ບັນຍາກາດເປັນຕານອນ ໂດຍເອົາອຸປະກອນເຊັນ ຄອມ, ມືຖື ແລະ ອຸປະກອນອື່ນໆ ທີ່ໃຊ້ໃນການຫຼິ້ນເກມອອກໃຫ້ໝົດ ເພາະເຂົາຈະລັກຫຼິ້ນຈົນເດິກ ບໍ່ໄດ້ພັກຜ່ອນຢ່າງເຕັມທີ່.

About admin

Check Also

ຜົນກະທົບຮ້າຍຈາກນໍ້າກະທ້ອມ ທີ່ໄວລຸ້ນລາວກຳລັງຮິດ•

😱ຜົນກະທົບຮ້າຍຈາກນໍ້າກະທ້ອມ ທີ່ໄວລຸ້ນລາວກຳລັງຮິດ •ເຊິ່ງທາງເຟສບຸກຂອງ Phonthida Loy ໄດ້ແຊປະສົບການຕົນເອງວ່າ: ຫາກະເຄີຍເຈີກັບໂຕເອງ ຍ້ອນກິນທ້ອມທຸກມື້ ຍ້ອນວ່າຢາກນອນຫລັບ ກິນເບຍໃສ່ຍາມໃດຕ້ອງອັດທ້ອມໃສ່ ຫມູ່ຄູ່ຮູ້ດີ ມາມື້ນີ້ ຂ້ອຍຄິດວ່າຂ້ອຍຊີເຊົາກິນ ເພາະມີອາການ ເມື່ອຍ …

Leave a Reply

Your email address will not be published. Required fields are marked *