Breaking News

ຄົ້ນພົບຊາກໂຮງງານເຄື່ອງປັ້ນດິນເຜົາຂະໜາດໃຫຍ່ຈາກຍຸກຈັກກະພັດໂລມັນຕອນຕົ້ນ

ອີງຕາມສຳສນັກງານ ຊິນຫົວ ລາຍງານວ່າ: ກະຊວງການທ່ອງທ່ຽວ ແລະ ບູຮານວັດຖຸອີຢິບ ເປີດເຜີຍວ່າໄດ້ຄົ້ນພົບຊາກໂຮງງານເຄື່ອງປັ້ນດິນເຜົາຂະໜາດໃຫຍ່ຈາກຍຸກຈັກກະພັດໂລມັນຕອນຕົ້ນ ໂດຍນັກບູຮານຄະດີຊາບອີຢິບໃນພຶ້ທີ່ທາເບດ ແມດໂທ ທາງຕາເວັນອອກຂອງເມືອງອາເລັກຊານເດຍ.

ທ່ານ ມໍສຕາຟາ ວາຊິລິ ເລຂາທິການສະພາສູງດ້ານບູຮານຄະດີແຫ່ງອີຢິບ (ເອັດຊີເອ) ກ່າວວ່າ ໂຮງງານນີ້ປະກອບດ້ວຍເຕົາເຜົາກຸ່ມໜຶ່ງ ເຊິ່ງສອງເຕົາເຜົານີ້ໄດ້ຖືກແກະສະລັກໄວ້ເທິງກຳແພງຫີນ ແລະ ເຕົາເຜົາໜຶ່ງຢູ່ໃນສະພາບດີ.

ທ່ານ ໄອມານ ອັດມາໄວ ຫົວຫນ້າພາກບູຮານຄະດີຈາກສະພາສູງ ກ່າວວ່າ: ຄະນະນັກບູຮານຄະດີຍັງພົບສິ່ງກໍ່ສ້າງອີກແຫ່ງໜຶ່ງຊຶ່ງຕັັ້ງຢູ່ທາງໃຕ້ຂອງເຕົາເຜົາສອງເຕົາທີ່ກ່າວມາຂ້າງຕົ້ນ ແລະ ອາດເຄີຍໃຊ້ເກັບເຄື່ອງມືທີ່ໃຊ້ງານປະຈຳ ເນື່ອງຈາກມີອຸປະກອນເຮັດອາຫານ ແລະ ເຄື່ອງໃຊ້ເຖິງໂຕະອາຫານຈຳນວນຫຼາຍຢູ່ພາຍໃນ.

ຂະນະດຽວກັນ ທ່ານ ອິບຣາຮິມ ມໍສຕາຟາ ຫົວຫນ້າພະລະກິດບູຮານຄະດີນີ້ເວົ້າເສີມອີກວ່າ: ມີການຂຸດພົບຫຼຽນສະສົມ ເຊິ່ງມີພາບຂອງອະເລັກຊານເດີມະຫາລາດ ເທບພະເຈົ້າຊູສ ແລະ ພະລາຊິນີກລີໂອພັດຕາ ສ່ວນໃຫຍ່ແລ້ວແມ່ນມາຈາກຍຸກຮາຊອານາຈັກ ທໍເລມີ (Ptolemaic era).

About admin

Check Also

ເຮັດແທ້!..ໃຜຂາຍບໍ່ໃຫ້ລອດ 11 ເດືອນ ຢຶດໄດ້ຫລາຍປານນີ້ ຢາ 13 ກວ່າໂຕນ.

11 ເດືອນ ຢືດຢາບ້າ 13 ກວ່າໂຕນ. ໃນໄລຍະເດືອນມັງກອນ ຫາ ເດືອນພະຈິກ 2022 ໃນຂອບເຂດທົ່ວປະເທດ ສາມາດແກ້ໄຂມ້າງລາຍຄະດີຢາເສບຕິດ ໄດ້ 4.707 ຄະດີ, ຈັບຜູ້ຖືກຫາໄດ້ …

Leave a Reply

Your email address will not be published. Required fields are marked *