ຍີ່ປຸ່ນພັດທະນາ “ໄມ້ຄີບທູ່ໄຟຟ້າ” ເພີ່ມລົດເຄັມຂີຶ້ນ

ຍີ່ປຸ່ນພັດທະນາ “ໄມ້ຄີບທູ່ໄຟຟ້າ”

ເຮັດໃຫ້ອາຫານມີລົດເຄັມຂຶ້ນ ເພື່ອຊ່ວຍໃຫ້ຄົນກິນເກືອນ້ອຍລົງ

ເກືອ ນັບວ່າເປັນໜຶ່ງໃນສ່ວນປະສົມຂັ້ນພື້ນຖານທີ່ຊ່ວຍໃຫ້ອາຫານມີລົດຊາດດີຂຶ້ນ ແຊບຂຶ້ນ

ແຕ່ການກິນເກືອໃນປະລິມານທີ່ຫລາຍເກີນໄປ ກໍອາດສົ່ງຜົນເສຍຕໍ່ຮ່າງກາຍຂອງມະນຸດໄດ້

ຮູ້ຫລືບໍ່ວ່າ? ປະຈຸບັນມີນະວັດຕະກຳໃໝ່ໆ ນັ້ນກໍຄື “ໄມ້ຄີບທູ່ໄຟຟ້າ” ທີ່ຈະຊ່ວຍໃຫ້ຜູ້ບໍລິໂພກໄດ້ລອງລົດຊາດເຄັມໄດ້ຫລາຍຂຶ້ນ ໂດຍບໍ່ຕ້ອງໃຊ້ເກືອແທ້ໆໃນປະລິມານຫລາຍ ຫລື ໃນອາຫານເພື່ອສຸຂະພາບທີ່ມີໂຊດຽມຕ່ຳ

ໂດຍໄມ້ຄີບທູ່ໄຟຟ້ານີ້ ເກີດຈາກການພັດທະນາຮ່ວມກັນລະຫວ່າງນັກວິໄຈຈາກມະຫາວິທະຍາໄລເມຈິຂອງຍີ່ປຸ່ນ ແລະ Kirin ທີ່ຫຼາຍຄົນຮູ້ຈັກກັນໃນນາມຜູ້ຜະລິດເບຍລາຍໃຫຍ່ຂອງຍີ່ປຸ່ນ

ມີວັດຖຸປະສົງເພື່ອຊຸກດັນໃຫ້ຄົນຍີ່ປຸ່ນບໍລິໂພກເກືອໃນແຕ່ລະມື້ນ້ອຍລົງ ຕາມເປົ້າໝາຍຂອງກະຊວງສາທາລະນະສຸກຂອງຍີ່ປຸ່ນ ຫຼັງພົບວ່າ ຊາວຍີ່ປຸ່ນບໍລິໂພກເກືອສູງກວ່າຄຳແນະນຳທີ່ອົງກອນອະນາໄມໂລກ (WHO) ກຳນົດຢ່າງຫລວງຫລາຍ

ອະທິບາຍງ່າຍໆ ກໍຄື ບໍລິເວນປາຍຄີບຂ້າງໜຶ່ງຈະມີລັກສະນະເປັນໂລຫະ ທີ່ເປັນຕົວສົ່ງກະແສໄຟຟ້າອ່ອນໆ ທີ່ມີຮູບແບບຄື້ນໄຟຟ້າຈຳເພາະເຂົ້າໄປໃນອາຫານ ຊຶ່ງຈະສົ່ງຜົນຕໍ່ໄອອອນຂອງໂຊດຽມຄລໍໄຣ ທີ່ຢູ່ໃນອາຫານ ເຮັດໃຫ້ລົດຊາດເຄັມຂຶ້ນ

ແລ້ວຄີບທູ່ໄຟຟ້ານີ້ມີຫຼັກການເຮັດວຽກງານແນວໃດ?

ແລະທີ່ພິເສດກໍຄື ຍັງສົ່ງຜົນຕໍ່ໄອອອນຂອງໂມໂນໂຊດຽມກລູຕາເມດ ເຊິ່ງກໍຄືຜົງແປ້ງນົວ ເຮັດໃຫ້ອາຫານລົດຊາດເຄັມຂຶ້ນ ແລະກົມກ່ອມຫລືອູມາມິຂຶ້ນ

ເມື່ອບໍ່ດົນມານີ້ ທັງ 2 ຜູ້ຮ່ວມພັດທະນາ ໄດ້ມີການທົດສອບປະສິດທິພາບຂອງໄມ້ຄີບທູ່ໄຟຟ້າກັບອາສາສະໝັກ

ໂດຍໃຫ້ຮັບປະທານອາຫານໃນຮູບແບບເຈນ ທີ່ມີທັງລົດຊາດທຳມະດາ ແລະຫລຸດເຄັມ ລວມເຖິງທົດລອງທຽບລະຫວ່າງໄມ້ຄີບທຳມະດາ ແລະຄີບໄຟຟ້າ

ຜົນການທົດລອງພົບວ່າ ໄມ້ຄີບໄຟຟ້າຊ່ວຍເພີ່ມລົດຊາດເຄັມໄດ້ແທ້ ໂດຍຄວາມເຄັມເພີ່ມຂຶ້ນເກືອບ 1.5 ເທົ່າ ເຖິງວ່າຈະຮັບປະທານອາຫານທີ່ເຮັດຈາກເກືອຫລຸດລົງ 30%

ລວມເຖິງຍັງມີການທົດສອບກັບຊຸບມິໂຊະທີ່ໃສ່ເກືອນ້ອຍກວ່າປົກກະຕິ ແຕ່ຜູ້ທົດລອງບອກກົງກັນວ່າ ບໍ່ພຽງແຕ່ຊຸບມິໂຊະຈະມີຄວາມເຄັມເພີ່ມຂຶ້ນ ແຕ່ຍັງມີລົດຊາດກົມກ່ອມເພີ່ມຂຶ້ນນຳອີກ

ຢ່າງໃດກໍດີ ຫຼາຍຄົນອາດຕັ້ງຄຳຖາມວ່າ ແລ້ວກະແສໄຟຟ້າທີ່ໃຊ້ຈະສົ່ງຜົນກະທົບຕໍ່ຮ່າງກາຍຫລືບໍ່?

ທາງນັກວິໄຈຜູ້ຢູ່ເບື້ອງຫຼັງໄມ້ຄີບໄຟຟ້າຢືນຢັນວ່າ ກະແສໄຟຟ້າທີ່ໃຊ້ນັ້ນອ່ອນເກີນໄປທີ່ຈະມີຜົນກະທົບຕໍ່ຮ່າງກາຍມະນຸດ ນີ້ນັບວ່າເປັນໜຶ່ງໃນເທັກໂນໂລຢີໃໝ່ ໆ ທີ່ຊ່ວຍສົ່ງເສີມສຸຂະພາບໄດ້

ບໍ່ແນ່ວ່າ ນອກຈາກເລື່ອງຂອງຄວາມເຄັມແລ້ວ ໃນອະນາຄົດກໍອາດຈະມີໄມ້ຄີບໄຟຟ້າທີ່ຊ່ວຍເພີ່ມຄວາມຫວານໄດ້ ໂດຍບໍ່ຕ້ອງໃຊ້ນ້ຳຕານແທ້ໆ ເພື່ອຊ່ວຍຫລຸດການກິນນ້ຳຕານຂອງຜູ້ຄົນ ແລະຜູ້ປ່ວຍພະຍາດເບົາຫວານ ກໍເປັນໄດ້..

ແຫຼ່ງຂໍ້ມູນ

:https://www.facebook.com/922226841236577/posts/4886085751517313/

About admin

Check Also

ຜົນກະທົບຮ້າຍຈາກນໍ້າກະທ້ອມ ທີ່ໄວລຸ້ນລາວກຳລັງຮິດ•

😱ຜົນກະທົບຮ້າຍຈາກນໍ້າກະທ້ອມ ທີ່ໄວລຸ້ນລາວກຳລັງຮິດ •ເຊິ່ງທາງເຟສບຸກຂອງ Phonthida Loy ໄດ້ແຊປະສົບການຕົນເອງວ່າ: ຫາກະເຄີຍເຈີກັບໂຕເອງ ຍ້ອນກິນທ້ອມທຸກມື້ ຍ້ອນວ່າຢາກນອນຫລັບ ກິນເບຍໃສ່ຍາມໃດຕ້ອງອັດທ້ອມໃສ່ ຫມູ່ຄູ່ຮູ້ດີ ມາມື້ນີ້ ຂ້ອຍຄິດວ່າຂ້ອຍຊີເຊົາກິນ ເພາະມີອາການ ເມື່ອຍ …

Leave a Reply

Your email address will not be published. Required fields are marked *