Breaking News

ມີພະນັກງານລັດ 100 ກວ່າຄົນ ມີສ່ວນເຮັດຜິດລະເມີດຄຳສັ່ງເລກທີ 15 ເລື່ອງໄມ້

ມີພະນັກງານລັດ 100 ກວ່າຄົນ ມີສ່ວນເຮັດຜິດລະເມີດຄຳສັ່ງເລກທີ 15 ເລື່ອງໄມ້

ສຳລັບປະຊາຊົນທີ່ບໍ່ໄດ້ຮັບຮູ້ເລື່ອງລາວຫຍັງກໍຫາວ່າລັດຖະບານບໍໄດ້ເຮັດຫຍັງບໍໄດ້ປັບໃໝໃສ່ໂທດພະນັກງານລັດທີ່ເຮັດຜິດລະບຽບ

ແຕ່ໃນຄວາມເປັນຈີງ ພາກລັດເອງກໍ່ເຮັດໜ້າທີ່ຂອງຕົນຢ່າງເຕັມທີ່ ຜູ້ໃດເຮັດຜິດກໍ່ຮັບໂທດໄປຕາມກໍລະນີໜັກຫຼືເບົາ ທີ່ຕົນໄດ້ກະທຳລົງໄປ

ຫຼ້າສຸດນີ້ຕາມລາຍງານມີເຖິງ 100 ກວ່າຄົນທີ່ເປັນພະນັກງານລັດ ແລະໄດ້ມີສ່ວນຮ່ວມ, ຮູ້ເຫັນລະເມີດຄຳສັ່ງເລກທີ15/ນຍ ກ່ຽວກັບເລື່ອງໄມ້.

ໃນກອງປະຊຸມວຽກງານກວດກາທົ່ວປະເທດ ຄັ້ງທີ IV ​ສຳ​ລັບກະຊວງ-ອົງການອ້ອມຂ້າງສູນກາງທີ່ຈັດຂຶ້ນໃນວັນທີ 19 ເມສານີ້ ທີ່ສະໂມສອນໃຫຍ່ຫ້ອງວ່າການສູນກາງພັກໃຫ້ຮູ້ວ່າ:

ໃນ​ໄລ​ຍະ​ຜ່ານ​ມາ ຄະນະກວດກາສູນກາງພັກ ໄດ້ສົມທົບກັບຄະນະນໍາກະຊວງ-ອົງການ, ນະຄອນຫຼວງ, ແຂວງ ແລະ ຄະນະກວດກາແຕ່ລະຂັ້ນ ດໍາເນີນການຕິດຕາມ, ກວດກາປົກກະຕິ, ກວດກາຕາມຄຳສັ່ງ,

ຕາມການສະເໜີຂອງພົນລະເມືອງ, ໃນນັ້ນອັນພົ້ນເດັ່ນແມ່ນກວດກາບັນຫາໂຄງການລົງທຶນກໍ່ສ້າງພື້ນຖານໂຄງລ່າງ, ການຄຸ້ມຄອງນໍາໃຊ້ທີ່ດິນ, ການຂຸດຄົ້ນ ແລະ ທຸລະກິດໄມ້, ການສຳຫຼວດຂຸດຄົ້ນແຮ່ທາດ ແລະ ອື່ນໆ.

ນັບແຕ່ປີ 2016 ເຖິງປັດຈຸບັນ ສາມາດກວດກາໄດ້ທັງໝົດ 4.185 ເປົ້າໝາຍ, ພົບເຫັນຜົນເສຍຫາຍທັງໝົດ 8.370 ຕື້ກີບ,​ 50,22 ລ້ານໂດລາ ແລະ 36,89 ລ້ານບາດ; ໃນເບື້ອງຕົ້ນສາມາດເກັບກູ້ຄືນມາໃຫ້ລັດໄດ້ 1.782 ຕື້ກີບ, 3,55 ລ້ານໂດລາ,​ 11,16 ລ້ານບາດ;

ສະພາບໃນການກວດກາໂຄງການລົງທຶນຂອງລັດ ຕາມແຈ້ງການຂອງຫ້ອງວ່າການສຳນັກງານນາຍົກ ລັດຖະມົນຕີ ສະບັບເລກທີ 130/ຫສນຍ, ສໍາເລັດແລ້ວ 2.004 ໂຄງການ ໃນຈໍານວນ 5.542 ໂຄງການ.

ພ້ອມນີ້ໄດ້ດໍາເນີນການຈັດຕັ້ງປະຕິບັດຄໍາສັ່ງເລກທີ 15/ນຍ, ພົບເຫັນການລະເມີດ ແລະ ຜູ້ມີສ່ວນຮ່ວມພົວພັນ 1.119 ຄົນ, ໃນນີ້ ມີພະນັກງານລັດ 127 ຄົນ, ຜູ້ປະກອບການ 246 ຄົນ,

ປະຊາຊົນ 746 ຄົນ, ຢຶດໄມ້ໄດ້ 11.351,75 ແມັດກ້ອນ ແລະ 33,17 ໂຕນ, ປັບໃໝ 22,28 ຕື້ກີບ, ພົບເຫັນການຄ້າງມອບພັນທະ ແລະ ຄ້າງຊໍາລະຄ່າໄມ້ໃຫ້ລັດ 121.120.861 ແມັດກ້ອນ ມູນຄ່າ 66,57 ຕື້ກີບ ແລະ 4,87 ລ້ານໂດລາ.

About admin

Check Also

ແຊ໌ເຕືອນໄພສັງຄົມ ນັບມື້ນັບປ່າເຖື່ອນ ຢູ່ຍາກອີ່ຫລີ🥹ຢາກໃຫ້ທຸກຄົນມີສະຕິລະວັງຕົວກັນໃຫ້ຫຼາຍກວ່ານີ້

📣 ເຕືອນໄພສັງຄົມ ນັບມື້ນັບປ່າເຖື່ອນ ຢູ່ຍາກອີ່ຫລີ🥹ຢາກໃຫ້ທຸກຄົນມີສະຕິລະວັງຕົວກັນໃຫ້ຫຼາຍກວ່ານີ້ ຂ້ອຍກະສຸດທີ່ແຕ່ຈະລະວັງແລ້ວ ເພາະເປັນຊ່ວງທີ່ຈະຮັບໃບປະກາດຄິດຢ້ານກັບເຫດການຫຼາຍໆຢ່າງ ຍັງມີເລື່ອງແບບນີ້ເກີດຂື້ນກັບໂຕເອງ . ຈັ່ງແມ່ນມຶງກ້າຄົນຫຼວງຄົນຫຼາຍຍັງບໍ່ຄິດຢ້ານ ສະຖານທີ່ແບບນີ້ຍັງບໍ່ເວັ້ນ ທີ່ເຫັນໃນວີດີໂອແມ່ນຂ້ອຍໄດ້ໄປຊື້ເຄື່ອງໃນຮ້ານມາແລ້ວກຳລັງຊິບໍລິຈາກຊ່ວຍເຫຼືອໄພນ້ຳຖ້ວມ ແຕ່ບຸກຄົນນີ້ໄດ້ພະຍາຍາມເຂົ້າມາລວນລາມຂ້ອຍຈາກທາງຫລັງໂດຍທີ່ບໍ່ທັນຕັ້ງໂຕ 😤 ຄລິບ ດີແຕ່ມັນບໍ່ໄດ້ຖືຂອງມີຄົມມາ …

Leave a Reply

Your email address will not be published.