ຂ່າວທົ່ວໄປ
ຈັບຄົນລັກລອບຈາກຝັ່ງໄທຈະມາລາວໄດ້ 11 ຄົນ ກອງຮ້ອຍຊາຍແດນ 243 ກັກຕົວໄດ້ ມື້ປີໃໝ່
ລາຍງານຈາກ ອ້າຍນ້ອງທະຫານ ກ້ອງຮ້ອຍຊາຍແດນ 243 ໃຫ້ຮູ້ວ່າ ໃນວັນທີ 1 ມັງກອນ 2021 ຜ່ານມາ ກອງຮ້ອຍທະຫານຊາຍແດນ 243 ໄດ້ອອກລາດຕະເວນເຂດເມືອງຫາດຊາຍຟອງ, ນະຄອນຫຼວງວຽງຈັນ ໄດ້ພົບເຫັນຄົນລັກລອບເຂົ້າເມືອງ (ມາຈາກປະເທດໄທ) ຈໍານວນ 11 ຄົນ.
ດັ່ງນັ້ນ, ທະຫານຊາຍແດນຈືງປະສານງານຫາພາກສ່ວນທີ່ຂ້ອງເພື່ອນໍາເອົາພວກດັ່ງກ່າວໄປກັກຕົວ ຕາມມາດຕະການ ປ້ອງກັນ ໂຄວິດ-19.
ພ້ອມທັງແຈ້ງເຕືອນໃຫ້ ທຸກຄົນ ໂດຍສະເພາະແຮງງານລາວ ທີ່ລັກລອບເຂົ້າເມືອງຜິດກົດໝາຍ ອາດນໍາເອົາເຊື້ອໂຄວິດ-19 ມານໍາ, ຄວນເຂົ້າອອກ ໃຫ້ຖືກຕາມມາດຕະການ ແລະ ເຂົ້າກັກຕົວ ເພື່ອປ້ອງກັນຕົນເອງ, ຄອບຄົວ ແລະ ປະເທດຊາດ. ປ້ອງກັນ ໂຄວິດ-19 ແມ່ນໜ້າທີ່ຂອງທຸກຄົນ.
