Breaking News

ແຮງງານລາວຈໍານວນໜຶ່ງ ຈ້າງເຮືອຄົນໄທໃຫ້ມາສົ່ງຢູ່ດອນ ກາງແມ່ນໍ້າຂອງ

ອໍານາດການປົກຄອງເມືອງສອງຄອນ ແຂວງສະຫວັນນະເຂດແຈ້ງຕໍ່ທີມງານວຽງຈັນທາຍເມື່ອບໍ່ດົນມານີ້ວ່າ: ພາຍຫຼັງທີ່ມີການແຜ່ລະບາດໂຄວິດ-19 ຢູ່ປະເທດໄທ ໃນຮອບໃໝ່ໄດ້ມີແຮງງານລາວຈໍານວນໜຶ່ງທີ່ໄດ້ຈ້າງເຮືອຄົນໄທໃຫ້ມາສົ່ງພວກເຂົາປະໄວ້ຢູ່ດອນ  ກາງແມ່ນໍ້າຂອງແຕ່ບໍ່ພົບຜູ້ຕິດເຊື້ອພະຍາດໂຄວິດ-19.

ເຈົ້າເມືອງສອງຄອນ ທ່ານ ພັນເອກ ລຳຄູນ ວໍລະວົງ ໄດ້ກ່າວຕໍ່ທີມງານວຽງຈັນທາຍເມື່ອບໍ່ດົນມານີ້ວ່າ: ເມືອງສອງຄອນ ແຂວງສະຫວັນນະເຂດເປັນເມືອງທີ່ມີຊາຍແດນຕິດກັບປະເທດໄທ ໂດຍມີແມ່ນໍ້າຂອງເປັນຈຸດຂັ້ນຊາຍແດນ ຊຶ່ງມີຄວາມຍາວປະມານ 54 ກິໂລແມັດ ແລະ ມີ 15 ບ້ານທີ່ຕັ້ງຢູ່ແຄມແມ່ນໍ້າຂອງ,ພາຍຫຼັງທີ່ມີການແຜ່ລະບາດຂອງພະຍາດໂຄວິດ-19 ຢູ່ປະເທດໄທ ມີແຮງງານຈໍານວນໜຶ່ງໂດຍສະເພາະແຮງງານລາວຢູ່ແຂວງສະຫວັນນະເຂດທີ່ໄປເຮັດວຽກຢູ່ປະເທດໄທ ໄດ້ຂ້າມແມ່ນໍ້າຂອງໂດຍຜ່ານດ່ານທ້ອງຖິ່ນ ແລະ ມີແຮງງານລາວຈໍານວນໜຶ່ງທີ່ຖືກປະໄວ້ຢູ່ດອນ ຂອງແມ່ນໍ້າຂອງ, ທຸກຄົນທີ່ເຂົ້າມາແມ່ນໄດ້ນໍາສົ່ງໄປສູນກັກກັນຢູ່ເມືອງສອງຄອນເປັນເວລາ 14 ວັນ ແຕ່ບໍ່ພົບຜູ້ຕິດເຊື້ອພະຍາດ ໂຄວິດ-19.

ທ່ານພັນເອກ ລໍາຄູນໄດ້ກ່າວຕື່ມວ່າ: ພາຍຫຼັງທີ່ປະເທດໄທໄດ້ເກີດມີການແຜ່ລະບາດຂອງພະຍາດໂຄວິດ-19 ໃນຮອບໃໝ່, ພາຍໃນເມືອງກໍ່ໄດ້ມີການປ້ອງກັນຢ່າງເຂັ້ມງວດກວ່າທີ່ຜ່ານມາ ໂດຍໄດ້ຈັດວາງກຳລັງໄວ້ເປັນໆຈຸດຄື 100 ແມັດໃດແມ່ນໃຫ້ມີເຈົ້າໜ້າທີ່ປະຈຳຢູ່ 2-3 ຄົນ ຍ້ອນວ່າອາດຈະມີແຮງງານລາວລັກລອບເຂົ້າມາ.

About admin

Check Also

ຂ່າວດ່ວນ ພົບຕົແລ້ວ ໃຜໄດ້ໃກ້ສິດຫລືສຳພັດໃຫ້ຮີບໄປກວດດ່ວນເດີ

ຕາມການລາຍມື້ເຊົ້ານີ້ວ່າ: ຖ້າຫາກຄົນໃດພົບເຫັນຊາຍຢູ່ໃນພາບເຊີ່ງລາວເປັນຄົນໄທໃຫ້ແຈ້ງເຈົ້າຫນ້າທີດ່ວນເພາະວ່າຊາຍຄົນດັ່ງກ່າວ ເປັນບຸກຄົນທີ່ທາງສູນຈຳປາສັກວ່າລາວຕິດເຊື້ອພະຍາດໂຄວິດແຕ່ບໍ່ໄດ້ກັ ກໂຕ ມາຕອນແລງມື້ດຽວກັນກໍ່ສາມາດພົບເຫັນຜູ້ກ່ຽວແລ້ວ..​ແລະຫນ່ວຍງານກ່ຽວຂ້ອງກໍ່ໄດ້ນຳຕົວຜູ້ກ່ຽວໄປຮັກສາ ແລ້ວ ລາຍລະອຽດ ການເຄື່ອນໄຫວຂອງລາວ

Leave a Reply

Your email address will not be published. Required fields are marked *