ອຸຕຸເຕືອນ​ອາທິດນີ້​ ອາກາດຮ້ອນ​ຫາ​ຮ້ອນເອົ້າ​ ແລະ​ ຈະມີຝົນຕົກໜັກ,​ ຟ້າຮ້ອງ​ຟ້າ​ເຫຼື້ອມ​ ລົມພັດແຮງ

ອຸຕຸເຕືອນ​ອາທິດນີ້​ ອາກາດຮ້ອນ​ຫາ​ຮ້ອນເອົ້າ​ ແລະ​ ຈະມີຝົນຕົກໜັກ,​ ຟ້າຮ້ອງ​ຟ້າ​ເຫຼື້ອມ​ ລົມພັດແຮງຢູ່ບາງທ້ອງຖິ່ນໃນແຕ່ລະພາກກົມອຸຕຸ​ນິຍົມ​ ແລະ​ ອຸທົກກະສາດ​ ມີຄຳເຕືອນເຝົ້າລະວັງ

ສະພາບອາກາດຮ້ອນ ຫາ ຮ້ອນເອົ້າ ແລະ ຝົນຕົກໜັກຟ້າຮ້ອງ -ຟ້າເຫຼື້ອມ ໃນໄລຍະວັນທີ​ 25 ເມສາ ຫາ 01 ພືດສະພາ 2022 ເນື່ອງຈາກຄວາມກົດດັນອາກາດຕໍ່າຂອງອາກາດຮ້ອນຈະເພີ້ມກຳລັງແຮງຂື້ນປົກຄຸມຢູ່ທຸກພາກຂອງປະເທດລາວ,

ພ້ອມດຽວກັນສອງກະແສລົມຕາເວັນຕົກ ແລະ ລົມຕາເວັນອອກສ່ຽງໃຕ້ພັດປົກຄຸມເປັນສ່ວນໃຫ່ຍ, ຊື່ງຈະເຮັດໃຫ້ອາກາດຮ້ອນຂື້ນພ້ອມມີໝອກແຫ້ງປົກຫຸ້ມໃນຕອນກາງເວັນ ແລະ ຈະມີຝົນຕົກຟ້າຮ້ອງ-ຟ້າເຫຼື້ອມໃນລະດັບຄ່ອຍ ຫາ ປານກາງ ແລະ ຕົກໜັກ ຢູ່ບາງທ້ອງຖິ່ນໃນແຕ່ລະພາກ.

ດັ່ງນັ້ນ, ຈຶ່ງແຈ້ງເຕືອນເຖິງປະຊາຊົນບັນດາເຜົ່າ, ອຳນາດການປົກຄອງ ແລະ ອົງການຈັດຕັ້ງທຸກພາກສ່ວນ, ຈົ່ງມີສະຕິລະມັດລະວັງຕໍ່ສະພາບອາກາດຮ້ອນອົບເອົ້າທີ່ອາດຈະເກີດອັກຄີໄພ.

ໃນວັນທີ່ 29 ເມສາ ຫາ 01 ພຶດສະພາ ຈະມີຝົນຕົກໜັກ, ຟ້າຮ້ອງ –

ຟ້າເຫຼື້ອມ ແລະ ຟ້າຜ່າ, ລົມພາຍຸທ້ອງຖີ່ນ ທີ່ຈະເຮັດໃຫ້ມີຕົ້ນໄມ້, ເສົາໄຟຟ້າ, ປ້າຍໂຄສະນາຫັກລົ້ມ ແລະ​ ຫຼັງຄາເຮືອນເປ່ເພ,

ພ້ອມໃຫ້ຕິດຕາມຂ່າວ ພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດຢ່າງຕໍ່ເນື່ອງ.

About admin

Check Also

ຜົນກະທົບຮ້າຍຈາກນໍ້າກະທ້ອມ ທີ່ໄວລຸ້ນລາວກຳລັງຮິດ•

😱ຜົນກະທົບຮ້າຍຈາກນໍ້າກະທ້ອມ ທີ່ໄວລຸ້ນລາວກຳລັງຮິດ •ເຊິ່ງທາງເຟສບຸກຂອງ Phonthida Loy ໄດ້ແຊປະສົບການຕົນເອງວ່າ: ຫາກະເຄີຍເຈີກັບໂຕເອງ ຍ້ອນກິນທ້ອມທຸກມື້ ຍ້ອນວ່າຢາກນອນຫລັບ ກິນເບຍໃສ່ຍາມໃດຕ້ອງອັດທ້ອມໃສ່ ຫມູ່ຄູ່ຮູ້ດີ ມາມື້ນີ້ ຂ້ອຍຄິດວ່າຂ້ອຍຊີເຊົາກິນ ເພາະມີອາການ ເມື່ອຍ …

Leave a Reply

Your email address will not be published. Required fields are marked *