Breaking News

ຈັບໜຸ່ມໜ້າຕາດີ ເປັນພະນັກງານຮ້ານຊຸບເປີມາເກັດ ແຕ່ກາຍເປັນໂຈນງັດຕູ້ເຊັບຂອງຮ້ານ

ວັນທີ່ 28 ເມສາ 2022 ທ່ານ ພັທ ພົມມີ ແສນຈົ່ງຮັກ ຫົວໜ້າພະແນກຕໍາຫລວດ ປກສ ເມືອງຈັນທະບູລີ ນະຄອນຫຼວງວຽງຈັນ ໄດ້ຖະແຫລງໃຫ້ຮູ້ວ່າ:ເວລາ 9:00 ໂມງ

ຂອງວັນທີ 25 ເມສາ 2022 ໄດ້ຮັບແຈ້ງຄວາມຈາກເຈົ້າຂອງຮ້ານຊຸບເປີ້ມາເກັດ ຕັ້ງຢູ່ບ້ານໂພນສະຫວ່າງ ເມືອງຈັນທະບູລີ ມີຄົນຮ້າຍຕັດກະແຈຮ້ານເຂົ້າໄປງັດຕູ້ເຊັບ ແລະ ຕູ້ເງິນທອນ ພາຍໃນຮ້ານຂອງຕົນ ມີເງິນເສຍຫາຍຈໍານວນໜຶ່ງ,

ພາຍຫລັງໄດ້ຮັບແຈ້ງເສຍຫາຍດັ່ງກ່າວຈິ່ງລົງເກັບກໍາຂໍ້ມູນ ກວດກາສະຖານທີ່ເກີດເຫດ ພົບເຫັນຮ່ອງຮອຍການງັດແງ່ຕູ້ເຊບ ແລະ ຕູ້ທອນເງິນ.

ຕົກມາວັນທີ 26 ເມສາ 2022 ໄດ້ມີພົນລະເມືອງດີແຈ້ງມາໃຫ້ຂໍ້ມູນ ຈຶ່ງສືບຄົ້ນຫາພົບເຫັນເປົ້າໝາຍ ທີ່ກໍາລັງຈະເອົາຕົວຫລົບໜີ ແລະ ສະກັດຈັບຕົວຜູ້ກໍ່ເຫດໄດ້ ຊື່ທ້າວ ຫລໍ່ຄໍາ ອາຍຸ 24 ປີ ເປັນພະນັກງານ ຢູ່ຮ້ານຊຸບເປີ້ມາເກັດດັ່ງກ່າວ ທີ່ພັກເຊົາຢູບ້ານໜອງທາເໜືອ ເມືອງຈັນທະບູລີ ພ້ອມທັງຂອງກາງເງິນສົດ ຈຳນວນ 19.025.000 ກີບ.

ຜ່ານການສອບສວນ ທ້າວ ຫລໍ່ຄໍາ ສາລະພາບວ່າ: ວັນທີ 24 ເມສາ 2022 ພາຍຫລັງເລີກວຽກຈາກຮ້ານດັ່ງກ່າວ

ຜູ້ກ່ຽວໄດ້ກັບເມືອຫ້ອງແຖວ ແລ້ວກະກຽມເຫລັກສະແລັງ ແລະ ຄີມຕັດເຫລັກ ຮອດເວລາ 23:00 ໂມງ ຕົນໄດ້ກັບໄປບ່ອນເຮັດວຽກ ຈາກນັ້ນກໍລົງມືງັດປະຕູເຂົ້າໄປພາຍໃນຮ້ານ ແລ້ວງັດຕູ້ເຊັບ ແລະ ຕູ້ເງິນທອນ ໄດ້ເງິນສົດປະມານ 20 ກວ່າລ້ານກີບ ຫລັງຈາກໄດ້ເງິນແລ້ວຈິ່ງກັບຄືນເມືອຫ້ອງແຖວ.

ປັດຈຸບັນ ກອງບັນຊາການ ປກສ ເມືອງຈັນທະບູລີ ກຳລັງສືບຕໍ່ດໍາເນີນຄະດີຕາມກົດໝາຍ.

ສ່ວນເຄື່ອງຂອງກາງເງິນຈໍານວນ 19.025.000 ກີບ ທີ່ເກັບກູ້ຄືນໄດ້ ມອບຄືນໃຫ້ຜູ້ເສຍຫາຍເປັນທີ່ຮຽບຮ້ອຍແລ້ວ.

ຂໍ້ມູນ: ປ້ອງກັນຄວາມສະຫງົບນະຄອນຫລວງວຽງຈັນ

About admin

Check Also

ພະຍຸເຂົ້າເສຍຫາຍທັງຖຽງນາ ຫັກ-ປິ້ນ, ກະເບື້ອງ-ສັງກະສີ, ຫຼັງຄາເຮືອນ, ເຫຼົ້າເຂົ້າ, ຮ້ານຂາຍເຄື່ອງ, ຕະຫຼາດ ແລະໂຮງໝໍນ້ອຍ…

ການນໍາເມືອງອາດສະພອນ ລົງຕິດຕາມ-ກວດກາ ຜົນເສຍເຫຍທີ່ເກີດຈາກ ລົມພະຍຸພັດສິ່ງປຸກສ້າງຂອງປະຊາຊົນ ຢູ່ເຂດຈຸດສຸມ ໂນນມີໄຊວັນທີ 30 ກໍລະກົດ 2022 ທີ່ຜ່ານ ມາ ທ່ານ ນາງ ບຸນທະລັງສີ ຄໍາມະນີວົງ …

Leave a Reply

Your email address will not be published.