ຜູ້ລອດຊີວິດຈຳນວນໜຶ່ງຈາກໂຄວິດ-19 ຍັງຄົງມີອາການສູນເສຍການໄດ້ກິ່ນ ແລະ ຮັບລົດຊາດ

ເຖິງວ່າຈະຫາຍເຊົາຈາກໂຄວິດ-19 ແລ້ວ ແຕ່ໄດ້ສ້າງຄວາມກັງວົນໃຫ້ກັບນັກວິທະຍາສາດວ່າ ອາການດັ່ງກ່າວນີ້ຈະສົ່ງຜົນກະທົບຕໍ່ກັບໂພຊະນາການ ແລະ ສຸຂະພາບຈິດຂອງຄົນເຮົາ.

ອີງຕາມການລາຍງານຂອງ New York Times, ມີຕົວຢ່າງຂອງຄົນເຈັບ 2 ລາຍທີ່ລອດຊີວິດຈາກພະຍາດຕິດເຊື້ອໄວຣັດໂຄໂຣນາສາຍພັນໃໝ່ 2019 ແຕ່ຍັງຄົງມີອາການສູນເສຍການໄດ້ກິ່ນ ແລະ ການຮັບລົດຊາດ ເຊິ່ງນີ້ໄດ້ກະທົບຕໍ່ການດຳລົງຊີວິດປະຈຳວັນຂອງເຂົາເຈົ້າ

ລາຍທຳອິດແມ່ນ Katherine Hanse ທີ່ເມື່ອກ່ອນສາມາດປຸງແຕ່ງອາຫານໄດ້ຢ່າງສະບາຍໆ ແຕ່ໃນຕອນນີ້ແມ່ນບໍ່ສາມາດເຮັດແບບນັ້ນໄດ້ ເພາະລາວຕັ້ງແຕ່ເດືອນມີນາເປັນຕົ້ນມາ ລາວມີອາການສູນເສຍການໄດ້ກິ່ນ ແລະ ການຮັບລົດເລື້ອຍມາຈາກການປ່ວຍເປັນໂຄວິດ-19 ລາວເວົ້າວ່າ ອາການດັ່ງກ່າວນີ້ເຮັດໃຫ້ລາວເປັນຄືກັບຄົນທີ່ສູນເສຍການແນມເຫັນໃນຕອນທີ່ເປັນຜູ້ໃຫຍ່ແລ້ວ ແລະ ຕອນນີ້ລາວກິນອາຫານໄດ້ພຽງແຕ່ບໍ່ເທົ່າໃດຢ່າງເທົ່ານັ້ນ.

ອີກລາຍໜຶ່ງແມ່ນ Michele Miller ຈາກນິວຢອກ ກໍມີອາການດັ່ງກ່າວນີ້ຕັ້ງແຕ່ເດືອນມີນາຫຼັງຈາກທີ່ຕິດເຊື້ອເຊັ່ນກັນ ຫຼ້າສຸດ ສາມີ ແລະ ລູກສາວຂອງລາວຟ້າວພາລາວອອກໄປຈາກເຮືອນ ເພາະໄດ້ກິ່ນຂອງແກສຮົ່ວໃນເຮືອນຄົວ ເຊິ່ງລາວບໍ່ໄດ້ກິ່ນ ແລະ ບໍ່ຮັບຮູ້ເລີຍວ່າຈະມີອັນຕະລາຍເກີດຂຶ້ນກັບໂຕເອງ.

ທັງນີ້ ການສູນເສຍການໄດ້ກິ່ນ ແລະ ການຮັບລົດ ມີຄວາມສ່ຽງທີ່ຈະເຮັດໃຫ້ເກີດອາການກັງວົນ ແລະ ຊຶມເສົ້າໄດ້ ເນື່ອງຈາກຜູ້ທີ່ມີອາການດັ່ງກ່າວນີ້ມີຄວາມກ່ຽວຂ້ອງກັບການແຍກໂຕອອກຈາກສັງຄົມ ແລະ ພາວະບໍ່ເພິ່ງພໍໃຈ ເຊິ່ງສາມາດນຳໄປສູ່ບັນຫາທາງຈິດ ພ້ອມນີ້ການໄດ້ກິ່ນ ຍັງເປັນລະບົບສົ່ງສັນຍານອັນຕະລາຍຂັ້ນພື້ນຖານອີກຢ່າງໜຶ່ງ ເມື່ອມະນຸດເຮົາຢູ່ໃນສະຖານະການທີ່ອັນຕະລາຍ ເຊັ່ນ: ໄຟໄໝ້ ຫຼື ແກສຮົ່ວ ອີກດ້ວຍ.

ໃນຕອນນີ້ນັກວິທະຍາສາດຍັງຮູ້ບໍ່ຫຼາຍວ່າໄວຣັດສົ່ງຜົນໃຫ້ເກີດການສູນເສຍການຮັບກິ່ນ ແລະ ຕ້ອງປິ່ນປົວອາການນີ້ແນວໃດ ແນວໃດກໍຕາມ ຈຳນວນກໍລະນີກໍເພີ່ມຂຶ້ນເລື້ອຍໆທ່າມກາງການແຜ່ລະບາດໄປທົ່ວໂລກ ແລະ ຊ່ຽວຊານຈຳນວນໜຶ່ງກັງວົນວ່າການແຜ່ລະບາດຂອງພະຍາດນີ້ຈະເຮັດໃຫ້ຄົນຈຳນວນຫຼາຍສູນເສຍການໄດ້ກິ່ນ ແລະ ຮັບລົດຊາດຢ່າງຖາວອນ ສະຖານະການນີ້ໄດ້ເຮັດໃຫ້ນັກວິໄຈເລັ່ງສຶກສາກ່ຽວກັບອາການນີ້ ແລະ ວິທີໃນການຮັກສາມັນ.

About admin

Check Also

ແກ້​ຂ່າວ​

ແຕກອີກແລ້ວ ເສດຖີຄົນໃໝ່ ຖຶກ​ 6 ໂຕ​ຕົງ​ 800.000.000 ກີບ ຄືໂຊກດີແທ້ແດ່. ງວດຫນ້າໃຫ້ທ່ານຜູ້ຊົມຖືກເດີ້…ລຳລວຍລຳລວຍ ສາທຸສາທຸ ຫວຍອອກມື້ນີ້ ລາງວັນຊື້1,000ກີບ 1ໂຕທ້າຍ ໄດ້ຮັບ 5,000ກີບ …

Leave a Reply

Your email address will not be published. Required fields are marked *