Breaking News

6 ວິທີ ປະຢັດພະລັງງານໃນຄົວເຮືອນ

6 ວິທີ ປະຢັດພະລັງງານໃນຄົວເຮືອນ

1. ຖອດປັກໄຟອອກທຸກເທື່ອທີ່ບໍ່ໃຊ້: ວິທີປະຢັດພະລັງງານໃນເຮືອນແບບງ່າຍໆໂດຍການຖອດປັກໄຟ ອຸປະກອນເຄື່ອງໃຊ້ໄຟຟ້ານ້ອຍໆທີ່ເຮົາຄິດວ່າບໍ່ຫນ້າຈະກິນໄຟຫລາຍ

ກໍຢ່າໄດ້ຖືເບົາ ຝຶກໃຫ້ເປັນນິໄສວ່າ ຖອດປັກໄຟທຸກເທື່ອທີ່ບໍ່ໄດ້ໃຊ້ ເພາະການທີ່ທ່ານສຽບປັກໄຟປະໄວ້ ເຖິງວ່າຈະບໍ່ໄດ້ໃຊ້ງານ ແຕ່ພະລັງງານຍັງຄົງສູນເສຍໄປຢ່າງຕໍ່ເນື່ອງ.

2. ກວດສະພາບແອເປັນປະຈໍາ: ຫາກມີແອເກົ່າ ອາຍຸ 10 – 20 ປີ ມີຄວາມເປັນໄປໄດ້ສູງຫລາຍທີ່ແອລຸ້ນນີ້ຈະກິນໄຟຫລາຍກ່ວາແອລຸ້ນໃຫມ່ໆເຖິງ 40% ທີ່ເວົ້າແບບນີ້ບໍ່ໄດ້ຍົວະໃຫ້ທ່ານຕ້ອງປ່ຽນ ແອໃຫມ່,

ແຕ່ຂໍແນະນໍາວ່າທ່ານຄວນໃຫ້ຄວາມສົນໃຈເບິ່ງແຍງຮັກສາ ແລະ ສ້າງແອຢ່າງຫນ້ອຍປີລະເທື່ອ ເຊິ່ງຄ່າບໍລິການລ້າງນັ້ນກໍຫລາກຫລາຍກັນໄປຕາມຂະຫນາດຂອງເຄື່ອງປັບອາກາດ (BTU).

ນອກຈາກການ ກວດສະພາບແອເປັນປະຈໍາທຸກປີແລ້ວ ຍັງຄວນເລືອກຂະຫນາດເຄື່ອງປັບອາກາດ (BTU) ໃຫ້ເຫມາະສົມກັບຂະຫນາດຂອງຫ້ອງ ເຊິ່ງຈະຊ່ວຍປະຢັດພະລັງງານ ແລະ ເຮັດໃຫ້ທ່ານບໍ່ຕ້ອງຈ່າຍຄ່າໄຟແພງ.

3. ຕັ້ງເວລາເປີດດ – ປິດແອ : ແອຈະຊ່ວຍໃຫ້ທ່ານເຢັນສະບາຍ, ແຕ່ການໃຫ້ແອເຮັດວຽກຫມົດມື້-ຫມົດຄືນ ເວລາທ່ານບໍ່ໄດ້ອອກໄປໃສ ແລະ ສິ່ງສໍາຄັນທ່ານເອງກໍອາດຈະຕົກໃຈເມື່ອບິນຄ່າ

ໄຟຟ້າມາ ຮູ້ຫລືບໍ່ວ່າການປິດແອພຽງແຕ່ 2-3 ຊົ່ວໂມງ ກໍສາມາດຊ່ວຍປະຢັດພະລັງງານໄດ້, ແຕ່ທາງທີ່ດີ ຫາກທ່ານຢາກອອກໄປຂ້າງນອກ ອາດຈະຕັ້ງເວລາໃຫ້ແອເລີ່ມເຮັດວຽກ 30 ນາທີ

ກ່ອນທີ່ທ່ານຈະກັບ ມາຮອດເຮືອນ ເພາະວ່າຫາກທ່ານກັບມາຮອດແບບຮ້ອນໆ ແລ້ວເລັ່ງແອເຕັມອັດຕາ ນອກຈາກຈະບໍ່ເຢັນ ດັ່ງທີ່ຫວັງໄວ້ແລ້ວ ຍັງເປັນການສິ້ນເປືອງພະລັງງານເປັນພິເສດນໍາອີກ ເພາະທຸກອົງສາທີ່ທ່ານຫລຸດລົງນັ້ນ ຈະເພີ່ມຄ່າໄຟເຖິງ 7%.

4. ເລືອກໃຊ້ດອກໄຟໃຫ້ຖືກປະເພດ: ດອກໄຟທີ່ໃຫ້ແສງສະຫ່ວາງແຮງໆ ຄວາມຈິງແລ້ວທ່ານຈະຮູ້ສຶກໄດ້ວ່າສິ່ງທີ່ທ່ານໄດ້ຮັບແມ່ນ ຄວາມຮ້ອນ ຫລາຍກ່ວາ ແສງສະຫ່ວາງ ນັ້ນເປັນເຫດຜົນທີ່ທ່ານຄວນເລືອກໃຊ້

ດອກໄຟແບບແອວອີດີ LED ເຊິ່ງຊ່ວຍປະຢັດພະລັງງານໄດ້ເຖິງ 90% ເມື່ອທຽບກັບດອກໄຟແບບຫລອດໄສ້ ປະຢັດພະລັງງານຫລາຍກ່ວາດອກໄຟກົມເຖິງ 40% ແລະ ອາຍຸການໃຊ້ງານຫລາຍກ່ວາດອກໄຟແບບຫລອດໄສ້ເຖິງ 15 ເທົ່າ.

5. ເປີດພັດລົມໃຫ້ຖືກບ່ອນ: ພັດລົມເປັນເຄື່ອງໃຊ້ໄຟຟ້າໃນເຮືອນທີ່ຈໍາເປັນ ເຖິງວ່າຈະປະຢັດພະລັງງານຫລາຍກ່ວາການໃຊ້ແອ, ແຕ່ບາງເທື່ອການໃຊ້ພັດລົມອາດຈະເປັນ ຄືຝັນຮ້າຍຫລາຍກ່ວາ ເພາະທ່ານຈະສໍາຜັດໄດ້ເຖິງອາຍຮ້ອນທີ່ພັດມາກະທົບກັບຜິວຫນັງ,

ແຕ່ຖ້າທ່ານຕັ້ງ ພັດລົມໃນທໍາເລທີ່ເຫມາະສົມ ເຊັ່ນ: ວາງໃກ້ໆປ່ອງຢ້ຽມ ໃນທິດທາງທີ່ພັດລົມຈະເປົ່າອາກາດອອກສູ່ພາຍ ນອກ ຫລື ຕັ້ງພັດລັມໃນບໍລິເວນທີ່ຮົ່ມໆ ກໍຈະຊ່ວຍກະຈາຍຄວາມເຢັນມາເຖິງທ່ານໄດ້.

6. ຊັກເຄື່ອງດ້ວຍນ້ໍາເຢັນ : ເຖິງວ່າການຊັກເຄື່ອງດ້ວຍນໍາ້ເຢັນຈະມີປະສິດທິພາບໃນການຊ່ວຍຂ້າເຊື້ອ ເຊັ່ນ : ແບັກທີເຣຍ, ໄວຣັສ ຫລື ຂີ້ຝຸ່ນ ເຫມາະສໍາລັບຜ້າທີ່ຕ້ອງການເຮັດຄວາມສະອາດຫລາຍເປັນພິເສດ, ແຕ່ການ ໃຊ້ນ້ໍາຮ້ອນບາງເທື່ອນອກຈາກຈະເຮັດໃຫ້ຜ້າເສຍຫາຍ ຫລື ຕາຍສີແລ້ວ ຍັງເຮັດໃຫ້ເຄື່ອງຈັກຊັກຜ້າຂອງ ທ່ານກິນໄຟສູງເກີນ 90%. ດັ່ງນັ້ນ,

ຫາກບໍ່ຈໍາເປັນແທ້ໆ ການໃຊ້ນໍາ້ເຢັນກັບເຄື່ອງຈັກຊັກຜ້າກໍເຮັດໃຫ້ ປະຢັດພະລັງງານໄດ້.

About admin

Check Also

ຟັງນໍາກັນເດີ!! ອ້າຍນ້ອງຫວຽດເພີ່ນເວົ້າວ່າ: ເພີ່ນບໍ່ໄດ້ເອົາແຮ່ຂອງລາວລ້າໆ ໃດ.

ຟັງນໍາກັນເດີ!! ອ້າຍນ້ອງຫວຽດເພີ່ນເວົ້າວ່າ: ເພີ່ນບໍ່ໄດ້ເອົາແຮ່ຂອງລາວລ້າໆ ໃດ ເພີ່ນຊື້ເອົາ! ແຕ່ບັນຫາຄືບໍ່ຮູ້ວ່າເງິນທີ່ເພີ່ນຈ່າຍໃຫ້ທາງການລາວ .. .. . ຈັກເອົາໄປໄວ້ໃສຫມົດ ເປັນຕື້ໆ ວ່າຊັ່ນ! ຄລິບ ..

Leave a Reply

Your email address will not be published.