Breaking News

ເຈົ້າຫນ້າທີ່ ຈັບມືຄາດຕະກຳ 2 ສົບ ຝັງດິນ ໄດ້ແລ້ວ

ເຈົ້າຫນ້າທີ່ ຈັບມືຄາດຕະກຳ 2 ສົບ ຝັງດິນ. ……… ໃນວັນທີ 8 ມິຖຸນາ 2022 ເຈົ້າຫນ້າທີ່ກົມຕຳຫລວດສືບສວນ-ສອບສວນ ກົມໃຫຍ່ຕຳຫລວດ ກະຊວງ ປກສ ໄດ້ຖເແຫລງການຈັບຕົວຜູ້ຮຽກຄ່າໄຖ່ ແລະ ຄາດຕະກຳ ນຳສົບໄປຝັງ ທີ່ບ້ານໃຫມ່ ເມືອງສີໂຄດຕະບອງ ນະຄອນຫລວງວຽງຈັນ ສາມາດຈັບຜູ້ຮ່ວມຂະບວນການຈຳນວນ 13 ຄົນ ຍິງ 1 ຄົນ ຄົນລາວ 8 ຄົນ ຍິງ 1 ຄົນ ແລະ ຄົນຈີນ 4 ຄົນ.

ພັອ ແກ່ນຈັນ ພົມມະຈັນ ຮອງຫົວຫນ້າກົມໃຫຍ່ຕຳຫລວດ ພ້ອມຄະນະ ຖະແຫລງວ່າ: ໃນຄັ້ງວັນທີ 18 ມີນາ 2022 ເຈົ້າໜ້າທີ່ຮັບ ແຈ້ງຄວາມຈາກນາງ ສ້ອຍສຸດາ ອາຍຸ 18 ປີ, ນັກສຶກສາ ບ້ານ ດົງນາໂຊກເໜືອ ເມືອງສີໂຄດຕະບອງ ວ່າ: ຜົວຊື່ທ້າວ ບູນທ່ຽງ ອາຍຸ 53 ປີ,

ນັກທຸລະກິດ ພ້ອມດ້ວຍໝູ່ຊື່ທ້າວ ເຊິນຫາຍເຜິ້ງ ອາຍຸ 49 ປີ, ເຊື່ອຊາດ-ສັນຊາດ ຈີນ ນັກທຸລະກິດ ພັກເຊົາຢູ່ບ້ານ ດົງນາໂຊກເໜືອ ເມືອງ ສີໂຄດຕະບອງ ໄດ້ຖືກຄົນຮ້າຍລັກພາຕົວໄປຮຽກຄ່າໄຖ່.

ມາຮອດວັນທີ 26 ມີນາ 2022 ເວລາ 13:00 ໂມງ ຈຶ່ງໄດ້ແຕ່ງຕັ້ງພະນັກງານວິຊາສະເພາະລົງກວດກາ ແລະ ພິສູດຊາກສົບ ຈຶ່ງສາມາດຮູ້ໄດ້ວ່າ: ສົບສອງສົບທີ່ຖືກຄາດຕະກຳ ຟັງດິນແມ່ນ ສົບຂອງທ້າວ ບຸນທ່ຽງ ແລະ ທ້າວ ເຊິນຫາຍເຜິ້ງ ທີ່ຖຶກລັກພາຕົວໄປແຕ່ວັນທີ 18 ມີນາ 2022.

ຕົກມາຮອດວັນທີ 12 ເມສາ 2022 ຈຶ່ງສາມາດກັກຕົວເປົ້າໝາຍສົງໄສທີ່ມີສ່ວນຮ່ວມໃນການລັກພາຕົວ ແລະ ຄາດຕະກຳ ໄດ້ 1 ຄົນ, ຊື່ທ້າວ ສີພັນ ຫຼື ບີ້ ອາຍຸ 19 ປີ, ກຳມະກອນ ຢູ່ບ້ານສະພານທອງໃຕ້ ເມືອງ ສີສັດຕະນາກ ນະຄອນຫຼວງວຽງຈັນ.

ຜ່ານການສືບສວນ ທ້າວ ສີພັນ ໄດ້ໃຫ້ການຊັກທອດຫາ ກຸ່ມແກ້ງ, ຜູ້ເປັນຫົວໂປ່ໂຕການ ແລະ ຜູ້ຮ່ວມຂະບວນການຫຼາຍຄົນນຳໄປສູ່ກັກຕົວເປົ້າໝາຍທີ່ມີສ່ວນຮ່ວມໃນການລັກພາຕົວ ແລະ ຄາດຕະກຳໄດ້ທັງໜົດ 13 ຄົນ ຍິງ 1 ຄົນ, ຄົນລາວ 8 ຄົນ ຍິງ 1 ຄົນ, ຄົນຊັນຊາດຈີນ 4 ຄົນ, ພາຫະນະຮັບໃຊ້ເຂົ້າ ໃນການກະທຳຜິດ ລົດໃຫຍ່ ຈຳນວນ 2 ຄັນ.

ນອກນັ້ນ, ເຈົ້າໜ້າທີ່ຍັງສືບຕໍ່ດໍາເນີນໄລ່ຊອກໄລ່ຈັບ ພັກພວກຂອງພວກ ມັນຕື່ມອີກ ນວນໜື່ງທີ່ກຳລັງເອົາຕົວຫຼົບໜີ ມານຳເນີນຄະດີຕາມຂັ້ນຕອນຂອງກົດໝາຍ ອາຍາແຫ່ງ ສປປ ລາວ.@ ຄວາມສະຫງົບ

ສົບທີ່ຝັງ

About admin

Check Also

ຫລິ້ນໝາກກັບໝູ່ ໄປລີ້ຢູ່ໃນຕູ້ຄອນເທນເນີ ສຸດທ້າຍ ໄປຂຶ້ນທີ່ທ່າເຮືອ ປະເທດ ມາເລເຊຍ

🔥 ເດັກນ້ອຍຊາຍຊາວບັງກລາເທດ ຫລິ້ນໝາກກັບໝູ່ ໄປລີ້ຢູ່ໃນຕູ້ຄອນເທນເນີ ສຸດທ້າຍ ໄປຂຶ້ນທີ່ທ່າເຮືອ ປະເທດ ມາເລເຊຍ …​ ຈາກການລາຍງານໃຫ້ຮູ້ວ່າ ໃນວັນທີ 17 ມັງກອນ ທີ່ຜ່ານມາ ໃນຂະນະທີ່ເຈົ້າໜ້າທີ່ …

Leave a Reply

Your email address will not be published. Required fields are marked *