Breaking News

ຈອບຈັບຜູ້ຖືກຫາ ຢາບ້າ 200.000 ກວ່າເມັດ.

ຈອບຈັບຜູ້ຖືກຫາ ຢາບ້າ 200.000 ກວ່າເມັດ. ………

ວັນທີ 6 ມີຖຸນາ 2022 ເວລາ 21:30 ໂມງ ຕໍາຫຼວດຈະລາຈອນ ໄດ້ຕັ້ງຈຸດກວດປ້ອມປາກສັງ ບ້ານທ່ານາສາ ເມືອງ ສັງທອງ ນະຄອນຫຼວງວຽງຈັນ ກວດກາລົດກະບະຣີໂວ້ ຂັບຂີ່ຜ່ານດ່ານກວດກາ, ຈິ່ງປະສານຫາ ພາກສ່ວນກຽວຂ້ອງລັດສະກັດ.

ເຈົ້າຫນ້າທີ່ ໃຫ້ຂໍ້ມູນວ່າ: ໃນຂະນະຕັ້ງດ່ານກວດກາ ມີລົດຣິໂວ້ທະບຽນ ຮວ 9994 ກໍາແພງນະຄອນ ກໍາລັງຂັບຂີ່ມາທາງທິດເໜືອ ມຸ່ງໜ້າເຂົ້າພື້ນທີ່ເມືອງສັງທອງ ນະຄອນຫຼວງວຽງຈັນ,

ພໍມາຮອດຈຸດກວດປ້ອມປາກສັງ ເຈົ້າໜ້າທີ່ ຈຶ່ງໄດ້ຂໍກວດ ແຕ່ຜູ້ຂັບຂີ່ອ້າງວ່າລົດຕິດໄຟແນ້ນ ບໍ່ມີເອກະສານມາໃດໆ. ຈາກນັ້ນ ເຈົ້າໜ້າທີ່ສົງໄສ ຈຶ່ງໃຫ້ຜູ້ຂັບຂີ່ເອົາແວ່ນດ້ານຫຼັງລົງ ແລ້ວສັງເກດພົບເຫັນເປົາສີດຳ 1 ໜ່ວຍ ມີຜ້າແພ ສີຟ້າປົກໄວ້ ເຈົ້າໜ້າທີ່ຈະລາຈອນ ຈຶ່ງຖາມວ່າ ແມ່ນເປົາຫຍັງ, ຜູ້ຂັບຂີ່ລົດ ຈຶ່ງເລັ່ງຂັບລົດຫຼົບໜີໄປ.

ຈາກນັ້ນ ໄດ້ປະສານຫ່ພາກສ່ວນກ່ຽວຂ້ອງລັດາະກັດລົດຄັນດັ່ງກ່າວ ຮອດເວລາປະມານ 7:30 ໂມງ ຂອງວັນທີ 7 ມິຖຸນາ 2022 ຈຶ່ງໄດ້ພົບເຫັນລົດກະບະຄັນດັ່ງກ່າວຈອດປະໄວ້ຢູ່ພື້ນທີ່ບ້ານ ນາຫອຍ ຈາກນັ້ນຈຶ່ງໄດ້ທຳການກວດຄົ້ນ ພົບເຫັນກຸນແຈ ປະໄວ້ຢູ່ຕີນລົດ ພາຍໃນລົດມີເອກະສານຈໍານວນໜຶ່ງ ແລະ ຢາບ້າ ຈຳນວນ 16 ເມັດ.

ເຈົ້າຫນ້າທີ່ຈິ່ງແຕ່ງຕັ້ງ ແລະ ຕິດຕາມການເຄື່ອນໄຫວ ເວລາຕໍ່ມາປະມານ 17:00 ໂມງ ຂອງວັນດຽວກັນ ພົບເຫັນທ້າວ ດາວເຮືອງ ອາຍຸ 40 ປີ, ເຮັດນາ ຢູ່ບ້ານ ໂຄກແຫ້ ເມືອງ ສັງທອງ ລາກເອົາເປົາສີດຳທີ່ຢູ່ແຄມທາງ ເຂົ້າໄປປ່າທາງເລີກປະມານ 4 ແມັດ ເຈົ້າຫນ້າທີ່ຈິ່ງເຂົ້າຈັບຕົວ.

ຜູ້ກ່ຽວຮັບສາລະພາບວ່າ: ພາຍຫລັງພົບເຫັນກະເປົ໋າສີດຳ ຈຶ່ງເອົາມີດປາດເບິ່ງແລ້ວຮູ້ວ່າ ຢາບ້າ, ຈຶ່ງໄດ້ແບ່ງເປັນສາມພູດ ເອົາໄປຊຸກເຊື່ອງໄວ້ ຢູ່ເຂດນາເຂດບ້ານອ່າງນ້ອຍ 11 ແພັກ ແລະ ເອົາໄປຊຸກເຊື່ອງໄວ້ແຄມທາງ ລະຫວ່າງບ້ານ ໂຄກແຫ້ ຫາ ບ້ານ ເພຍລາດ 20 ແພັກ ລວມ 42 ແພັກ ຫຼື 126 ມັດ ຫຼື 252.000 ເມັດ.

About admin

Check Also

ຮັກນີ້ເທິງລົດຈົກ! ເຈົ້າບ່າວຂີ່ລົດຈົກແຮ່ມາຫາເຈົ້າສາວ

ຮັກນີ້ເທິງລົດຈົກ! ເຈົ້າບ່າວຂີ່ລົດຈົກແຮ່ມາຫາເຈົ້າສາວ ໃນງານແຕ່ງດອງ ເຊິ່ງເຈົ້າບ່າວເຮັດອາຊີບຂັບລົດຈົກຢູ່ແລ້ວ ເລີຍນຳເອົາລົດຈົກມາປະດັບປະດາ ພ້ອມເດີນທາງໄປຮັບເຈົ້າສາວ ແຂກໃນງານພາກັນມັກ ແລະ ປ່ຽນກັນຖ່າຍຮູບກັບລົດຈົກ. #ພາບຈາກຕ່າງແດນ ເລື່ອງນີ້ເກີດຂຶ້ນທີ່ຫວຽດນາມ— –Cr. World Forum

Leave a Reply

Your email address will not be published. Required fields are marked *