Breaking News

ທາງລົດໄຟອ້ອມທະເລຊາຍ ເສັ້ນທຳອິດຂອງໂລກໃນຈີນ ພ້ອມເປີດສັນຈອນແລ້ວ

ວັນທີ 15 ມິຖຸນາ 2022, ບໍລິສັດ ລົດໄຟແຫ່ງປະເທດຈີນ ຈຳກັດ (China State Railway Group) ເປີດເຜີຍວ່າ:

ເຂດປົກຄອງຕົນເອງຊິນຈຽງ-ອຸຍກູ ທາງຕາເວັນຕົກສຽງເໜືອຂອງຈີນ ກຽມເປີດດຳເນີນການທາງລົດໄຟເສັ້ນໃໝ່ໃນວັນທີ 16 ມິຖຸນານີ້ ເຊິ່ງຖືເປັນຈຸດສິ້ນສຸດໂຄງການກໍ່ສ້າງທາງລົດໄຟຄວາມຍາວ 2.712 ກິໂລແມັດ ອ້ອມທາກລາມາກັນ ທະເລຊາຍຂະໜາດໃຫຍ່ທີ່ສຸດຂອງຈີນ ແລະ ທະເລຊາຍເຄື່ອນທີ່ຂະໜາດໃຫຍ່ທີ່ສຸດອັນດັບ 2 ຂອງໂລກ.

ທາງລົດໄຟໄລຍະທາງ 825 ກິໂລແມັດເສັ້ນໃໝ່ນີ້ ເຊິ່ງເລີ່ມກໍ່ສ້າງໃນເດືອນທັນວາ 2018 ຍາວໄປທາງຕາເວັນອອກຈາກເມືອງເຫີຖຽນສູ່ເມືອງຮົ່ວຊຽງ ຕາມແນວຂອບໃຕ້ຂອງທະເລຊາຍທາກລາມາກັນ ໂດຍ 65% ຂອງເສັ້ນທາງລົດໄຟຕັ້ງຢູ່ພາຍໃນພື້ນທີ່ທະເລຊາຍແຫ່ງນີ້.

ບໍລິສັດກ່າວວ່າ: ຂົວທາງລົດໄຟ 5 ແຫ່ງທີ່ຖືກສ້າງຂຶ້ນເທິງຜືນຊາຍ ຄິດເປັນໄລຍະທາງທັງໝົດ 49,7 ກິໂລແມັດ ຈະຊ່ວຍຍົກລະດັບທາງລົດໄຟເສັ້ນດັ່ງກ່າວ ເພື່ອປ້ອງກັນຜົນກະທົບທີ່ເກີດຈາກພາຍຸຊາຍ.

ທັງນີ້, ການເປີດໃຊ້ທາງລົດໄຟເສັ້ນນີ້ຈະເຮັດໃຫ້ລົດໄຟສາມາດແລ່ນອ້ອມທະເລຊາຍໄດ້ຢ່າງສົມບູນເປັນຄັ້ງທຳອິດຂອງໂລກ ທັງຍັງຈະອຳນວຍຄວາມສະດວກດ້ານການເດີນທາງ ແລະ ຂົນສົ່ງສິນຄ້າທ້ອງຖິ່ນຂອງຊິນຈຽງເຊັ່ນ: ຝ້າຍ, ວໍນັດ, ພຸດຣາ ແລະ ແຮ່ທາດ.

ອ້າງອີງ:https://www.xinhuathai.com/china/288875_20220616

About admin

Check Also

ເກີດເຫດໄຟໄໝ້ ຮ້ານຂາຍເຄື່ອງບ່ອນນອນ

ໃນເວລາ 10:15 ຂອງວັນທີ 31/01/2023 ໄດ້ເກີດເຫດໄຟໄໝ້ ຮ້ານຂາຍເຄື່ອງບ່ອນນອນ ຢູ່ບ້ານສຸນັນທາ, ນະຄອນໄກສອນ, ແຂວງສະຫວັນນະເຂດ. – ລວມມູນຄ່າເສຍຫາຍ: 5.000.000 ກີບ – ສາເຫດ: …

Leave a Reply

Your email address will not be published. Required fields are marked *