ສປປ ລາວ ສົ່ງອອກໄຟຟ້າເພີ່ມຂຶ້ນ​ ລວມກຳລັງການຕິດຕັ້ງ 6.437 ເມກາວັດ

ສປປ ລາວ ສົ່ງອອກໄຟຟ້າເພີ່ມຂຶ້ນ​ ລວມກຳລັງການຕິດຕັ້ງ 6.437 ເມກາວັດໃນວາລະດຳເນີນກອງປະຊຸມສະໄໝສາມັນເທື່ອທີ 3

ຂອງສະພາແຫ່ງຊາດ ຊຸດທີ IX ໃນພາກເຊົ້າຂອງວັນທີ 20 ມິຖຸນາ 2022,

ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ຜູ້ຊີ້ນໍາຂົງເຂດເສດຖະກິດ ໄດ້ລາຍງານຜົນການສົ່ງອອກໄຟຟ້າຂອງສປປລາວໄປຂາຍຕ່າງປະເທດໃຫ້ຮູ້ວ່າ:

ສປປ ລາວ ໄດ້ສົ່ງອອກໄຟຟ້າໄປປະເທດໃກ້ຄຽງ ມີຈໍານວນກໍາລັງການຕິດຕັ້ງທັງໝົດ 6.437 ເມກາວັດ ແລະ ນັບແຕ່ເດືອນສິງຫາ 2021 ເປັນຕົ້ນມາ ການສົ່ງອອກໄຟຟ້າ ເພີ່ມຂຶ້ນ 150 ເມກາວັດ.

ໃນນີ້ ສົ່ງໄປໄທ 5.415 ເມກາວັດ,

ສສ ຫວຽດນາມ 572 ເມກາວັດ, ກໍາປູເຈຍ 445 ເມກາວັດ ແລະ ມຽນມາ 5 ເມກາວັດ ແລະ ໃນກາງປີ 2022 ການສົ່ງອອກໄຟຟ້າໄປໄທ ຈະເພີ່ມອີກ 1 ໂຄງການ ມີກໍາລັງຕິດຕັ້ງ 514 ເມກາວັດ,

ຈະສົ່ງໄປສິງກະໂປອີກ 100 ເມກາວັດ ໂດຍຜ່ານສາຍສົ່ງໄທ ແລະ ມາເລເຊຍ. ທ່ານຮອງນາຍົກກ່າວຕື່ມວ່າ:

ນອກນັ້ນ, ສປປ ລາວ ຍັງຈະສົ່ງໄຟຟ້າໄປມຽນມາ ອີກ 30-35 ເມກາວັດ ແລະ ຈະສົ່ງໄປ ສປ ຈີນ ໃນຮູບແບບການແລກປ່ຽນພະລັງງານ ຜ່ານລະບົບສາຍສົ່ງ 115 ກິໂລໂວນ.

ພິເສດ ສາມາດເຈລະຈາເພີ່ມການສະໜອງໄຟຟ້າໄປໄທ ຈາກ 9.000 ເປັນ 10.500 ເມກາວັດ ເພື່ອຮອງຮັບການສົ່ງອອກ ພະລັງງານໄຟຟ້າຂອງໂຄງການຂະໜາດໃຫຍ່.

(ອ້າງອີງເນື້ອໃນຂ່າວ: ຂປລ)

About admin

Check Also

ໂຈນທ້າທາຍຫລາຍ!​ ເປີດໜ້າລັກລົດຈັກເຫັນພາບຊັດເຈນເຖິງຮູຂຸມຂົນ

ໂຈນທ້າທາຍຫລາຍ!​ ເປີດໜ້າລັກລົດຈັກເຫັນພາບຊັດເຈນເຖິງຮູຂຸມຂົນ ວັນທີ​ 25 ມັງກອນ 2023 ຜ່ານມານີ້​ ຜູ້ໃຊ້ເຟສບຸກ​ To Phommaviseth ໂພສປະກາດຂໍຄວາມຊ່ວຍເຫລືອແຈ້ງເບາະແສກ່ຽວກັບໂຈນລັກລົດຈັກວ່າ: “ໃຜພົບເຫັນບຸກຄົນໃນພາບແມ່ນຂໍຄວາມຊ່ວຍເຫລືອແນ່ເດີ້ ໂຈນແມ່ນຂີ່ລົດເວບສີດຳແດງຊ້ອນກັນມາລັກລົດພໍ່ຕູ້ໜຶ່ງອີ່ຕົນລາວ, ລົດຫາແຕ່ດາວໄດ້ເດືອນດຽວລົດເວບສີຂຽວຫົວເປັດບໍ່ມີປ້າຍ ຄົນຮ້າຍຂີ່ມາແຕ່ທາງນາຄວາຍ​ …

Leave a Reply

Your email address will not be published. Required fields are marked *