Breaking News

ການຮົ່ວໄຫຼຂອງງົບປະມານຢູ່ ລາວ ຍັງແກ້ໄຂບໍ່ຕົກ

ການຮົ່ວໄຫຼຂອງງົບປະມານຢູ່ ລາວ ຍັງແກ້ໄຂບໍ່ຕົກ

ການຮົ່ວໄຫຼຂອງງົບປະມານ ຫຼື ເງິນບໍ່ເຂົ້າຄັງເງິນແຫ່ງຊາດຢູ່ປະເທດລາວຍັງແກ້ໄຂບໍ່ຕົກເຖິງແມ່ນ

ວ່າໃນໄລຍະທີ່ຜ່ານມາລັດຖະບານຈະເລັ່ງແກ້ໄຂບັນຫາດັ່ງກ່າວແລ້ວກໍ່ຕາມຍ້ອນວ່າແກ້ໄດ້ສະເພາະປາຍທາງເທົ່ານັ້ນ.

ທ່ານ ບຸນໂຈມ ອຸບົນປະເສີດ ລັດຖະມົນຕີກະຊວງການເງິນ ໄດ້ຊີ້ແຈງ ຕໍ່ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ IX ເມື່ອມໍ່ໆມານີ້ກ່ຽວກັບສະພາບການແກ້ໄຂການຮົ່ວໄຫຼຂອງງົບປະມານວ່າ:

ການແກ້ໄຂບັນຫາການຮົ່ວໄຫຼຂອງງົບປະມານລັດຖືວ່າມີຄວາມສໍາຄັນຫຼາຍ ແລະ ຍັງມີການຮົ່ວໄຫຼຫຼາຍສົມຄວນ,

ເຖິງວ່າຜ່ານມາຂະແໜງການກ່ຽວຂ້ອງໄດ້ມີຄວາມພະຍາຍາມໃນການສະກັດກັ້ນດ້ວຍຫຼາຍວິທີແລ້ວກໍ່ຕາມ, ແຕ່ການແກ້ໄຂນັ້ນແກ້ໄດ້ພຽງປາຍເຫດເທົ່ານັ້ນ.

ທ່ານ ບຸນໂຈມ ໄດ້ກ່າວຕື່ມວ່າ: ກ່ຽວກັບເລື່ອງດັ່ງກ່າວນີ້, ປັດຈຸບັນກະຊວງການເງິນ ພວມວິເຄາະໄຈ້ແຍກບັນດາປະກົດການທີ່ເປັນຕົ້ນ ເຫດພາໃຫ້ເກີດການຮົ່ວໄຫຼຕ່າງໆ ເພື່ອມີມາດຕະການແກ້ໄຂໂດຍໄວ.

ນອກນີ້ ຈະເລັ່ງຫັນເປັນທັນສະໄໝ ໃນວຽກງານການເກັບລາຍຮັບງົບປະມານ, ດໍາເນີນແຈ້ງພາສີແບບເອເລັກໂຕຣນິກໃຫ້ກວ້າງຂວາງ ເພື່ອບໍ່ໃຫ້ພະນັກງານ ແລະ ຜູ້ປະກອບການ

ມີຊ່ອງວ່າງສາມາດສວຍໂອກາດຍົກເວັ້ນ ຫຼື ຫຼົບຫຼິກການເສຍພາສີ-ອາກອນ.

About admin

Check Also

ຫລິ້ນໝາກກັບໝູ່ ໄປລີ້ຢູ່ໃນຕູ້ຄອນເທນເນີ ສຸດທ້າຍ ໄປຂຶ້ນທີ່ທ່າເຮືອ ປະເທດ ມາເລເຊຍ

🔥 ເດັກນ້ອຍຊາຍຊາວບັງກລາເທດ ຫລິ້ນໝາກກັບໝູ່ ໄປລີ້ຢູ່ໃນຕູ້ຄອນເທນເນີ ສຸດທ້າຍ ໄປຂຶ້ນທີ່ທ່າເຮືອ ປະເທດ ມາເລເຊຍ …​ ຈາກການລາຍງານໃຫ້ຮູ້ວ່າ ໃນວັນທີ 17 ມັງກອນ ທີ່ຜ່ານມາ ໃນຂະນະທີ່ເຈົ້າໜ້າທີ່ …

Leave a Reply

Your email address will not be published. Required fields are marked *