ສ ປປ ລາວ ຕ້ອງການເງິນຕາຫຼາຍກວ່າ 1 ຕື້ໂດລາ/ປີ ເພື່ອໃຫ້ມີນໍ້າມັນພຽງພໍ

ຈາກສະພາບການໃນປັດຈຸບັນ ທໍ່ຫຼາຍປະເທດພົບກັບສະພາວະເງິນເຟີ້ ແລະ ບັນຫາເລື່ອງ ພະລັງງານ ເຮັດໃຫ້ລາຄານໍ້າມັນເຊື້ອໄຟ

ໃນຕະຫຼາດໂລກມີການປັບໂຕຂຶ້ນ, ສະນັ້ນ ສປປ ລາວ ຈຶ່ງຕ້ອງການເງິນຕາໃນຈໍານວນທີ່ຫຼາຍຂຶ້ນ ເພື່ອຈັດຊື້ ນໍາເຂົ້າ ໃຫ້ພຽງພໍຕໍ່ ຄວາມຕ້ອງການຊົມໃຊ້ຂອງສັງຄົມ.ທ່ານ ສອນໄຊ ສີພັນດອນ ຮອງນາຍົກ

ລັດຖະມົນຕີ ລາຍງານຄວາມຄືບຫນ້າການແກ້ໄຂບັນຫານ້ໍາມັນເຊື້ອໄຟ ແລະ ຄຸ້ມຄອງອັດຕາ ແລກປ່ຽນເງິນຕາຕ່າງປະເທດ ຕໍ່ກອງປະຊຸມສະໄຫມສາມັນເທື່ອທີ 3 ຂອງສະພາແຫ່ງຊາດຊຸດທີ 9 ໃນຕອນເຊົ້າວັນທີ 23 ມິຖຸນາ 2022 ວ່າ:

ລາວເປັນປະເທດນໍາເຂົ້ານ້ໍາມັນຮ້ອຍສ່ວນຮ້ອຍ ການນໍາໃຊ້ນ້ໍາມັນເຊື້ອໄຟສະເລ່ຍ 100 ຫາ 120 ລ້ານລິດຕໍ່ເດືອນ ຫຼື ປະມານ 1.200 ລ້ານລິດຕໍ່ປີ,

ເມື່ອກ່ອນຊື້ນ້ໍາມັນພຽງແຕ່ 600 ຫາ 700 ລ້ານໂດລາສະຫະລັດ ແມ່ນສາມາດຕອບສະຫນອງໄດ້ຢ່າງ ພຽງ ພໍກັບຄວາມຕ້ອງການນໍາໃຊ້ໃນທົ່ວປະເທດຕໍ່ປີ ແຕ່ໃນປັດຈຸບັນ

ຈາກການປັບຂຶ້ນລາຄານ້ໍາມັນຂອງຕະ ຫຼາດໂລກ 1 ໂດລາ ສະຫະລັດ ສາມາດຊື້ນ້ໍາມັນໄດ້ພຽງ 1 ລິດ ສະນັ້ນເຮັດໃຫ້ລາວຕ້ອງການເງິນຕາ ເພື່ອຊື້ນ້ໍາມັນເຊື້ອໄຟມາບໍລິການຮັບໃຊ້ສັງຄົມສູງ ເຖິງ 1 ຕື້ 200 ລ້ານໂດລາສະຫະລັດຕໍ່ປີ

ເຮັດໃຫ້ຄວາມຕ້ອງການດ້ານເງິນຕາຕ່າງປະເທດສູງຂຶ້ນຫຼາຍເຮັດໃຫ້ລາວພົບຄວາມຫຍຸ້ງຍາກໃນການຊອກຫາເງິນຕາຕ່າງປະເທດ ຊື່ງສົ່ງຜົນກະທົບຕໍ່ອັດຕາແລກປ່ຽນ ໂດຍສະເພາະອັດຕາແລກປ່ຽນຂອງ ່່

ທະນາຄານແຫ່ງຊາດ ແລະ ອັດຕາແລກປ່ຽນທີ່ກໍານົດນົດໄວ້ໃນທະນາຄານທຸລະກິດ,ທ່ານ ສອນໄຊ ສີພັນດອນ ໃຫ້ຮູ້ຕື່ມອີກວ່າ: ປັດຈຸບັນ ລັດຖະບານສາມາດແກ້ໄຂບັນຫາການຂາດເຂີນນໍ້າມັນໄດ້ໂດຍພື້ນຖານ

ໂດຍ ນໍາເຂົ້ານ້ໍາມັນເຊື້ອໄຟແລ້ວຫຼາຍກວ່າ 60 ລ້ານລິດ ໃນນີ້ກາຊວນ 40 ກວ່າລ້ານລິດກວມເອົາ 75% ຂອງການນໍາເຂົ້ານ້ໍາມັນທັງຫມົດ

ມາຮອດປັດຈຸບັນເຫັນໄດ້ວ່າການບໍລິການນ້ໍາມັນໃນເຂດຕົວເມືອງມີຄວາມຄ່ອງຕົວຫຼາຍຂື້ນ ແລະ ຈະສືບຕໍ່ຊຸກຍູ້ໃຫ້ຜູ້ປະກອບ ການທຸລະກິດນໍ້າມັນເຊື້ອໄຟກະຈາຍນ້ໍາມັນສູ່ເຂດຊົນນະບົດຫ່າງໄກສອກຫຼີກຢ່າງທົ່ວເຖິງ.

ທີ່ມາ: Vientiane time

About admin

Check Also

ໂຈນທ້າທາຍຫລາຍ!​ ເປີດໜ້າລັກລົດຈັກເຫັນພາບຊັດເຈນເຖິງຮູຂຸມຂົນ

ໂຈນທ້າທາຍຫລາຍ!​ ເປີດໜ້າລັກລົດຈັກເຫັນພາບຊັດເຈນເຖິງຮູຂຸມຂົນ ວັນທີ​ 25 ມັງກອນ 2023 ຜ່ານມານີ້​ ຜູ້ໃຊ້ເຟສບຸກ​ To Phommaviseth ໂພສປະກາດຂໍຄວາມຊ່ວຍເຫລືອແຈ້ງເບາະແສກ່ຽວກັບໂຈນລັກລົດຈັກວ່າ: “ໃຜພົບເຫັນບຸກຄົນໃນພາບແມ່ນຂໍຄວາມຊ່ວຍເຫລືອແນ່ເດີ້ ໂຈນແມ່ນຂີ່ລົດເວບສີດຳແດງຊ້ອນກັນມາລັກລົດພໍ່ຕູ້ໜຶ່ງອີ່ຕົນລາວ, ລົດຫາແຕ່ດາວໄດ້ເດືອນດຽວລົດເວບສີຂຽວຫົວເປັດບໍ່ມີປ້າຍ ຄົນຮ້າຍຂີ່ມາແຕ່ທາງນາຄວາຍ​ …

Leave a Reply

Your email address will not be published. Required fields are marked *