ຈຳປາສັກ ເຮັດແທ້!.. ຢຶດຊີ້ນ ແລະ ເຮັດບົດບັນທຶກ ກັບແມ່ຄ້າທີ່ຂາຍຊີ້ນ ເກີນລາຄາ

ທ່ານ ປະລິນຍາເອກ ບຸນຍະເດດ ທອງສະຫວັນ ກໍາມະການພັກແຂວງ ຫົວໜ້າພະແນກອຸດສາຫະກຳ ແລະ ການຄ້າແຂວງຈຳປາສັກ ໃຫ້ສໍາພາດວ່າ:

ປັດຈຸບັນ ນອກຈາກເຄື່ອນໄຫວກວດກາການນໍາເຂົ້າ ແລະ ຈໍາໜ່າຍ ອາຫານທະເລ ສົດ ແລະ ແຊ່ແຂງແລ້ວ ພະແນກອຸດສາຫະກໍາ ແລະ ການຄ້າແຂວງພວກເຮົາ ຍັງໄດ້ເອົາໃຈໃສ່ວຽກງານການຄຸ້ມຄອງ-ກວດກາ ການຊື້-ຂາຍ ຊີ້ນໝູ ແລະ ສິນຄ້າອຸປະໂພກ-ບໍລິໂພກ ທີ່ມີຜົນປະທົບໄວ ຕໍ່ຊິວິດການເປັນຢູ່ຂອງພະນັກງານ, ລັດຖະກອນ, ທະຫານ, ຕໍາຫຼວດ ແລະ ພໍ່ແມ່ປະຊາຊົນ

ໂດຍຊຸກຍູ້-ແນະນໍາໃຫ້ເຈົ້າໜ້າທີ່ກວດກາການຄ້າ ລົງເຄື່ອນໄກວຕິດຕາມກວດກາຢູ່ຕາມຕະຫຼາດແຫ່ງຕ່າງໆໃນເທດສະບານແຂວງ. ພ້ອມນີ້ ຍັງໄດ້ອອກແຈ້ງການແນະນໍາໃຫ້ເຈົ້າໜ້າທີ່ກວດກາການຄ້າ ຫ້ອງການອຸດສາຫະກໍາ ແລະ ການຄ້າ 9 ເມືອງ, 1 ນະຄອນ ເອົາໃຈໃສ່ເຄື່ອນໄຫວກວດກາ ແລະ ຄຸ້ມຄອງລາຄາສິນຄ້າດັ່ງກ່າວ ຢ່າງເຂັ້ມງວດ, ຖ້າພົບເຫັນຜູ້ຝ່າຝືນ ກໍໃຫ້ດໍາເນີນຄະດີ ຕາມລະບຽບການທີ່ວາງອອກ ຢ່າງເຄັ່ງຄັດ.

ບ່າຍວັນທີ 5/1/2021, ເຈົ້າໜ້າທີ່ກວດກາການຄ້າ ພະແນກອຸດສາຫະກຳ ແລະ ການຄ້າແຂວງຈຳປາສັກ ກໍໄດ້ຮ່ວມກັບຕຳຫຼວດເສດຖະກິດ ກອງບັນຊາການ ປກສ ແຂວງ ໄດ້ລົງເຄື່ອນໄຫວກວດກາການຊື້-ຂາຍຊິ້ນໝູ ຢູ່ຕະຫຼາດໃໝ່ປາກເຊ ນະຄອນປາກເຊ.

ໃນໂອກາດນີ້ ໄດ້ກວດພົບຜູ້ທີ່ຂາຍຊີ້ນໝູ 50.000 ກີບ/ກິໂລກຼາມ 1 ຮ້ານ ເຊິ່ງເກີນກ່ວາລາຄາທີ່ພະແນກອຸດສາຫະກຳ ແລະ ການຄ້າແຂວງ ກຳນົດອອກ ເຊິ່ງເຈົ້າໜ້າທີ່ໄດ້ກັກຢຶດຊີ້ນໝູ ພ້ອມທັງສ້າງບົດບັນທຶກ, ສຶກສາອົບຮົມ ຜູ້ລະເມີດຕາມລະລຽບການ.

ຈາກນັ້ນ, ເຈົ້າໜ້າທີ່ຍັງໄດ້ສ້າງບົດບັນທຶກກັບບັນດາຮ້ານຂາຍຊີ້ນໝູແຕ່ລະຮ້ານ ໃຫ້ຂາຍຊີ້ນໝູໃນລາຄາ ທີ່ທາງການກໍານົດໃຫ້ ຄື: ລາຄາ 40.000-45.000 ກີບ/ກິໂລກຼາມ, ຖ້າຂາຍເກີນລາຄານີ້ ເວລາມີຜູ້ບໍລິໂພກລາຍງານຕໍ່ເຈົ້າໜ້າທີ່ ຈະໄດ້ດໍາເນີນການປັບໃໝຕາມລະບຽບການ.#ນອກນີ້ ຍັງຈະໄດ້ເອົາໃຈໃສ່ກວດກາບັນດາຜູ້ປະກອບການ ເຊັ່ນ: ຟາມລ້ຽງໝູ ແລະ ໂຮງງານທີ່ຊື້-ຂາຍ ຊີ້ນໝູພາຍໃນແຂວງ ໃຫ້ຂາຍຊີ້ນໝູຕາມໂຄງສ້າງລາຄາທີ່ກຳນົດໄວ້ ຄື:

1. ລາຄາຊື້-ຂາຍໝູເປັນ ໜ້າຟາມ ສູງສຸດບໍ່ໃຫ້ເກີນ 25.000 ກີບ/ກິໂລກຼາມ.

2. ລາຄາຂາຍຍົກໝູທັງໂຕທີ່ໄດ້ຂ້າ, ຄົວ ແລະ ຊໍາແຫຼະແລ້ວ ສູງສຸດບໍ່ໃຫ້ເກີນ 31.000 ກີບ/ກິໂລກຼາມ.

3. ລາຄາຊີ້ນໝູລວມຢູ່ຕະຫຼາດທົ່ວໄປ(ຂອດລູກຂຽງ) ສູງສຸດບໍ່ໃຫ້ເກີນ 34.000 ກີບ/ກິໂລກຼາມ.

4. ລາຄາຊີ້ນໝູປະເພດໜຶ່ງ ສູງສຸດບໍ່ໃຫ້ເກີນ 40.000 ກີບ/ກິໂລກຼາມ

5. ລາຄາຊີ້ນໝູປະເພດສອງ ສູງສຸດບໍ່ໃຫ້ເກີນ 40,000 ກີບ/ກິໂລກຼາມ ຖ້າຂາຍເກີນໂຄງສ້າງລາຄາທີ່ທາງການກໍານົດໄວ້ ກໍຈະດໍາເນີນການການປັບໃໝຕາມລະບຽບການວາງໄວ້.

ຖ້າພົບເຫັນຮ້ານຂາຍຊີ້ນໝູ ຢູ່ຕາມຕະຫຼາດຕ່າງພາຍໃນແຂວງຈຳປາສັກ ຂາຍຊີ້ນໝູເກີນລາຄາ​40,000-45.000 ກີບ/ກິໂລກຼາມ ທ່ານ ສາມາດໂທແຈ້ງເຈົ້າໜ້າທີ່ກວດກາການຄ້າ ໄດ້ ທີ່ໝາຍເລກໂທລະສັບ 020 2226 6966, 020 5873 5555.

About admin

Check Also

ແຊ໌ຕໍ່ ຈຳຄຸກ ຍິງໄວ 36 ປີ ຖານຄອບຄອງອາວຸດ

ຈຳຄຸກ ຍິງໄວ 36 ປີ ຖານຄອບຄອງອາວຸດ. ໃນວັນທີ 16 ສິງຫາ 2022, ສານປະຊາຊົນນະຄອນຫຼວງວຽງຈັນ ໄດ້ພິຈາລະນາຕັດສິນ ຈຳຄຸກ ນາງ ຝົນ ອາຍຸ …

Leave a Reply

Your email address will not be published.