Breaking News

ເເຂວງ ຫຼວງພະບາງ ຄູອາສາສາວິຊາ ຄະນິດສາດ 11 ຄົນ ສອບເສັງເອົາ 1 ໂຕເລກລັດຖະກອນ

ນະຄອນ ຫຼວງພະບາງ ຄູອາສາ 11 ຄົນ​ ສອບເສັງເອົາ 1 ໂຕເລກລັດຖະກອນວັນທີ 21 ມິຖຸນາ 2022 ຜ່ານມານີ້,

ຢູ່ຫ້ອງປະຊຸມຫ້ອງການສຶກສາທິການ ແລະ ກິລາ ນະຄອນ ຫຼວງພະບາງ ໄດ້ຈັດພິທີສອບເສັງຄັດເລືອກ ລັດຖະກອນຄູໃໝ່ ສາຍຄະນິດສາດ ຊັ້ນມັດທະຍົມສຶກສາ.

ໂດຍການເປັນປະທານຂອງ ທ່ານ ສົມດີ ພອນສະຫວັດ ຮອງເລຂາພັກນະຄອນ ປະທານແນວລາວສ້າງຊາດ ນະຄອນ ຫຼວງພະບາງ, ທ່ານ ນາງ ບຸນທະວີ ຈັນທະວົງສາ ຫົວໜ້າສູນ ICT ພະແນກສຶກສາທິການ ແລະ ກິລາ ແຂວງ,

ທ່ານ ບົວແຫວນ ບຸນທະວົງ ຫົວໜ້າຫ້ອງການສຶກສາທິການ ແລະ ກິລາ ນະຄອນ, ມີບັນດາຫົວໜ້າ,ຮອງຫົວໜ້າຈຸງານນິເທດ, ຂະແໜງຈັດຕັ້ງ,ພະນັກງານຄູ ແລະ ຄູອາສາ ສອນໃນບັນດາໂຮງຮຽນເຂົ້າຮ່ວມ.

ທ່ານ ນາງ ບຸນທະວີ ຈັນທະວົງສາ ກໍ່ໄດ້ຂື້ນຜ່ານຂໍ້ຕົກລົງ ແລະ ຜ່ານກົດລະບຽບຂອງການສອບເສັງເຂົ້າລັດຖະກອນໃໝ່ ເພື່ອຈັດຕັ້ງປະຕິບັດຖຶກຕ້ອງຕາມຄໍາແນະນໍາຂອງກະຊວງພາຍໃນ

ຕໍ່ກັບການສອບເສັງເຂົ້າເປັນລັດຖະກອນ ສະບັບ ເລກທີ 11 /ພນ, ລົງວັນທີ 07 ກັນຍາ 2016 ແລະ ຄໍາແນະນໍາຂອງ

ລັດຖະມົນຕີ ກ່ຽວກັບການຮັບ ແລະ ບັນຈຸລັດຖະກອນໃຫມ່ ຂອງຂະແໜງການສຶກສາທິການ ແລະ ກິລາ ປະຈໍາປີ 2022 ສະບັບເລກທີ 498 /ສສກ, ລົງວັນທີ 31 ພຶດສະພາ 2022.

ຄູອາສາ ສອນໃນບັນດາໂຮງຮຽນເຂົ້າຮ່ວມສອບເສັງໃນຄັ້ງນີ້ ມີທັງໝົດ 11 ຄົນ,

ຍິງ 7 ຄົນ. ເຊິ່ງໄດ້ສອບເສັງເລືອກຄູລັດຖະກອນ ທົ່ວນະຄອນຫຼວງພະບາງ ແພງແຕ່ 1 ຕົວເລກ ຂອງສາຍຄະນິດສາດ ຊັ້ນມັດທະຍົມສຶກສາ ບັນຈຸເຂົ້າເປັນລັດຖະກອນໃໝ່.

ໂອກາດນີ້ ທ່ານ ສົມດີ ພອນສະຫວັດ ໄດ້ເປັນກຽດເປີດຫົວບົດ

ສອບເສັງ ໂດຍເຊິ່ງໜ້າຂອງພະນັກງານຄູອາສາທີ່ເຂົ້າສອບເສັງ ແລະ ຄະນະກຳມະການທີ່ເຝົ້າຫ້ອງສອບເສັງ ດ້ວຍຄວາມຢຸດຕິທຳ ພ້ອມທາງມີຄໍາເຫັນຕໍ່ພິທີ ເຊິ່ງທ່ານເນັ້ນໃຫ້ຄະນະກຳມະການທີ່ເຝົ້າຫ້ອງມີຄວາມຮັບຜິດຊອບສູງໃຫ້ເປັນທໍາ

ແລະ ຄູອາສາທີ່ເຂົ້າສອບເສັງຄັ້ງນີ້ຕ້ອງນໍາເອົາຄວາມຮູ້ຄວາມສາມາດເສັງໃຫ້ໄດ້ຕາມຄາດໝາຍ.

ການສອບເສັງຄັດເລືອກພະນັກງານຄູລັດຖະກອນໃໝ່ ສາຍຄະນິດສາດ ຊັ້ນມັດທະຍົມສຶກສາ ທົ່ວນະຄອນ ຫຼວງພະບາງ ໄດ້ໃຊ້ເວລາ 2 ວັນ ແຕ່ວັນທີ 21 ຫາ 22 ມິຖຸນາ 2022 ຈິ່ງສຳເລັດ.

ທີ່ມາຂ່າວ: LuangprabangNews

About admin

Check Also

ເຫດການເກີດທີ່,ບ້ານແຊວລີສູ່,ເມືອງຍອດອູ,ແຂວງຜົ້ງສາລີ

ເຫດການເກີດທີ່,ບ້ານແຊວລີສູ່,ເມືອງຍອດອູ,ແຂວງຜົ້ງສາລີ,ຕາມລາຍງານຈາກປະຊາຊົນບ້ານແຊວລີສູ່:ວ່າ ມີບໍລິສັດຈີນ ຊື່ວ່າ:ບໍລິສັດ ຢຸນນານວັນເວ ພະລັງງານຈຳກັດ,ໄດ້ມາລົງທຶນ ສານປະທານ ຂຸດຄົ້ນແຮ່ຖ່ານ ,ເຂດບ້ານແຊວລີສູ່ ແລະ ດີນນາ ດີນສວນ ຂອງປະຊາຊົນຊາວບ້ານແຊວລີສູ່ຫຼາຍຄອບຄົວຖືກໂຄງການ, ແຕ່ບໍລິສັດບໍ່ຍອມຊົດເຊີຍຄ່າເສຍຫາຍ ໃຫ້ປະຊາຊົນຊາວນາ ຊາວໄຮ່ …

Leave a Reply

Your email address will not be published. Required fields are marked *