ພະຍຸເຂົ້າເສຍຫາຍທັງຖຽງນາ ຫັກ-ປິ້ນ, ກະເບື້ອງ-ສັງກະສີ, ຫຼັງຄາເຮືອນ, ເຫຼົ້າເຂົ້າ, ຮ້ານຂາຍເຄື່ອງ, ຕະຫຼາດ ແລະໂຮງໝໍນ້ອຍ…

ການນໍາເມືອງອາດສະພອນ ລົງຕິດຕາມ-ກວດກາ ຜົນເສຍເຫຍທີ່ເກີດຈາກ ລົມພະຍຸພັດສິ່ງປຸກສ້າງຂອງປະຊາຊົນ ຢູ່ເຂດຈຸດສຸມ ໂນນມີໄຊວັນທີ 30 ກໍລະກົດ 2022 ທີ່ຜ່ານ

ມາ ທ່ານ ນາງ ບຸນທະລັງສີ ຄໍາມະນີວົງ ເຈົ້າເມືອງອາດສະພອນ ແລະ ທ່ານ ບຸນລັດ ລໍບານເຢັນ ປະທານອົງການ

ກວດກາ ພັກ-ລັດ ເມືອງ ທັງເປັນ ພ້ອມຂະແໜງການທີ່ກ່ຽວຂ້ອງ ເປັນຕົ້ນ : ທ່ານຫົວໜ້າຫ້ອງວ່າການເມືອງ,

ຫ້ອງ ການແຮງງານສະຫວັດດີການ-ສັງຄົມເມືອງ, ກໍາລັງ ປກຊ-ປກສ ພ້ອມພາກສ່ວນທີ່ກ່ຽວຂ້ອງກໍ່ໄດ້ລົງຕິດ ຕາມ-ກວດກາ ສະພາບລົມພະຍຸພັດ ຢູ່ເຂດຈຸດສຸມ ໂນນ

ມີໄຊ.ເຫດການດັ່ງກ່າວໄດ້ເກີດຂຶ້ນ ໃນຕອນຄໍ່າຂອງວັນທີ 24 ມິຖຸນາ 2022 ທີ່ຜ່ານມານີ້ ໃນລະຫວ່າງ 6 ຫາ 7 ໂມງແລງ ໄດ້ເກີດມີລົມພະຍຸພັດຜ່ານ ເຂດຈຸດສຸມ ໂນນ

ມີໄຊ ເຊິ່ງລົມພະຍຸພັດເທື່ອນີ້ ແມ່ນແຮງກວ່າຫລາຍໆປີທີ່ຜ່ານມາ ແລະເປັນເວລາຫຼາຍສີບປີແລ້ວທີ່ບໍ່ພົບເຫັນລົມແຮງຄືດັ່ງກ່າວ ເຮັດໃຫ້ມີໝາກເຫັບໜ່ວຍໃຫຍ່ຕົກ

ເປັນຈໍານວນຫຼວງຫຼາຍ, ລົມພັດແຮງ ເຮັດໃຫ້ຕົ້ນໄມ້ຫັກ, ຕົ້ນໄມ້ລົ້ມ, ຖຽງນາ ຫັກ-ປິ້ນ, ກະເບື້ອງ-ສັງກະສີ, ຫຼັງຄາເຮືອນ, ເຫຼົ້າເຂົ້າ, ຮ້ານຂາຍເຄື່ອງ, ຕະຫຼາດ ແລະໂຮງໝໍນ້ອຍ ຫັກ ເປ້ເພ ເສຍຫາຍເປັນຈໍານວນຫຼວງຫຼາຍ ເຂດທີ່ໄດ້ຮັບຜົນກະທົບໜັກວ່າໝູ່ ແມ່ນມີ 2 ບ້ານ ໃນຈຸດສຸມ ໂນນມີໄຊ ຄື :

ບ້ານ ໂນນມີໄຊ ແລະ ບ້ານ ນານ້ອຍ ໃນນັ້ນມີ ປະຊາຊົນ 26 ຄອບຄົວໄດ້ຜົນກະທົບໜັກ ເຮືອນຊານ ເປ້ເພເສຍຫາຍ ນອກຈານີ້ກໍ່ຍັງມີໂຮງໝໍນ້ອຍໂນນມີໄຊ, ຕະ ຫຼາດຕັອງຜາໄຊ,

ຮ້ານຂາຍເຄື່ອງຕ່າງໆ ພ້ອມເສົາໄຟຟ້າ ຫັກ 3 ຕົ້ນ ແລະໄຮ່ນາ ຮົ້ວສວນ ຂອງປະຊາຊົນກໍ່ມີຕົ້ນໄມ້ຫັກທັບ ເປັນຈໍານວນຫຼວງຫຼາຍ ຈາກການສໍາຫຼວດໃນເບື້ອງຕົ້ນມູນຄ່າເສຍຫາຍຈາກສິ່ງປຸກສ້າງ ປະເພດ

ຖຽງນາ, ຫຼັງຄາເຮືອນ, ເລົ້າເຂົ້າ, ຮ້ານຂາຍເຄື່ອງ, ຕະຫຼາດ ແລະໂຮງໝໍນ້ອຍ ແມ່ນປະມານ 100 ກວ່າລ້ານກີບ.​ຈາກນັ້ນ ການນໍາເມືອງ ແລະຈຸດສຸມ ກໍ່ໄດ້ປຶກສາຫາລືກັນ ເພື່ອຊອກວິທີຊ່ວຍຄອບຄົວປະຊາຊົນທີ່ໄດ້ຮັບຜົນເສຍຫາຍ

ໃນເບື້ອງຕົ້ນ ແລະທ່ານກໍ່ຍັງໄດ້ເນັ້ນຕື່ມອີກວ່າ ໃຫ້ພາກສ່ວນທີ່ກ່ຽວຂ້ອງ ກໍ່ຄື ຄະນະພັກ ຄະນະຈຸດສຸມ

ຮີບຮ້ອນເກັບກໍາຂໍ້ມູນຄອບຄົວທີ່ເສຍຫາຍໃຫ້ລະອຽດ ເພື່ອຈະໄດ້ລາຍງານໃຫ້ຂັ້ນ ເທິງ ກໍ່ຄືຂະແໜງການທີ່

ຮັບຜິດຊອບ ເພື່ອຄົ້ນ ຄວ້າຊອກຫາທຶນ ງົບປະມານ ກໍ່ຄືເຄື່ອງອຸປະໂພກ ບໍລິໂພກ ເພື່ອມາຊ່ວຍປະຊາຊົນຄອບຄົວທີ່ຖືກຜົນກະທົບ ລົມພະຍຸພັດໃນຄັ້ງນີ້ໃຫ້ ທ່ວງທັນ

ວ່ອງໄວ ໃນຕໍ່ໜ້າ ການລົງມາ ຕິດຕາມ-ກວດກາ ສະພາບລົມພະຍຸພັດຜ່ານເຂດຈຸດສຸມ ໂນນມີໄຊ ຂອງການນໍາເມືອງ ອາດສະພອນ ໃນຄັ້ງນີ້ ກໍ່ຍັງໄດ້ນໍາເອົາເຄື່ອງ

ອຸປະໂພກ-ບໍລິໂພກ ປະເພດ ເຄື່ອງນຸ່ງຫົ່ມ ຈໍານວນ 30 ຖົງ ແລະເຂົ້າສານຈ້າວ ຈໍານວນ 10 ສອບ ເທົ່າກັບ 250 Kg ມາມອບໃຫ້ຄະນະພັກ ຄະນະຈຸດສຸມ ແລະຄອບຄົວທີ່ຖືກຜົນກະທົບຕື່ມອີກ ເພື່ອເປັນການຊ່ວຍເຫຼືອໃນເບື້ອງຕົ້ນ.

ຂ່າວ: ຫ້ອງການ​ ຖວທ​ ເມືອງອາດສະພອນ

About admin

Check Also

ບໍ່ລອດ! ມ້າ ງຄ ະ ດີ ຢ າເ ສ ບ ຕິ ດ ພ້ອມກັກໂຕໄດ້ 17 ຄົນ

ປກສ ເມືອງສີສັດຕະນາກ ຈັບຜູ້ຖືກຫາຄ້າຂາຍຢາເສບຕິດ 17 ຄົນ, ຢຶດຢາບ້າໄດ້ 2 ພັນກວ່າເມັດ ໃນທ້າຍເດືອນກໍລະກົດ ຫາ ຕົ້ນເດືອນສິງຫາ 2022, ພະແນກຕໍາຫຼວດ ກອງບັນຊາການ ປກສ …

Leave a Reply

Your email address will not be published.