Breaking News

ຟ້າຜ່າໃກ້ທຳນຽບຂາວ ເຮັດໃຫ້ສອງຜົວເມຍເສຍຊີວິດ ທີ່ກຳລັງສະຫລອງວັນແຕ່ງງານຄົບຮອບ 56 ປີ

ສຳນັກຂ່າວຕ່າງປະເທດລາຍງານຈາກກຸງວໍຊິງຕັນ ປະເທດສະຫາລັດອາເມລິກາ ໃນວັນທີ 6 ສິງຫາ 2022 ນີ້ວ່າ:

ສຳນັກງານຕຳຫລວດກຸງວໍຊິງຕັນລາຍງານການເກີດຟ້າຜ່າ 3 ຄັ້ງ ບໍລິເວນຈະຕຸລັດລາຟາເຍດ ເຊິ່ງເປັນສວນສາທາລະນະ ຢູ່ກົງກັນຂ້າມກັບທຳນຽບຂາວ ໃນຕອນຄໍ່າຂອງວັນພະຫັດທີ່ຜ່ານມາຕາມເວລາທ້ອງຖິ່ນ,

ເຮັດໃຫ້ຄົນໄດ້ຮັບບາດເຈັບຈຳນວນໜຶ່ງ ແລະ ເສຍຊີວິດ 3 ຄົນ ເປັນເພດຊາຍ 2 ຄົນ ແລະ ຍິງ 1 ຄົນ, 2 ຄົນເຊິ່ງເປັນຄູ່ຜົວເມຍທີ່ເດີນທາງມາຈາກລັດວິສຄອນຊິນ ເພື່ອມາສະເຫລີມສະຫລອງວັນຄົບຮອບແຕ່ງງານປີທີ 56 ທີ່ກຸງວໍຊິງຕັນ.

ທາງເຈົ້າໜ້າທີ່ກູ້ໄພລາຍງານວ່າ: ຜູ້ທີ່ຖືກເຄາະຮ້າຍທັງໝົດແມ່ນໄປລວມຕົວກັນຢູ່ກ້ອງຕົ້ນໄມ້ຕົ້ນໜຶ່ງ ເພື່ອຫລົບພາຍຸຝົນໃນເວລານັ້ນ ຢ່າງໃດກໍຕາມ ບໍ່ຄວນຢູ່ກ້ອງຕົ້ນໄມ້ໃນຊ່ວງພາຍຸຝົນຟ້າແບບນີ້.

ສຳນັກງານອຸຕຸນິຍົມວິທະຍາແຫ່ງຊາດຂອງສະຫາລັດລະບຸວ່າ:

ຕະຫລອດໄລຍະເວລາ 1 ທົດສະວັດທີ່ຜ່ານມາ ມີຜູ້ເສຍຊີວິດຈາກເຫດການຟ້າຜ່າໃນປະເທດ ສະເລ່ຍປະມານປີລະ 27 ຄົນ.

About admin

Check Also

ຊ່ວຍແຊຣ໌ ອີຕົນເດ້ ວອນຜູ້ໃຈບຸນຊ່ວຍເຫຼືອເດີ

🙏🏻ຄຳວ່າແມ່ຍອມທົນຍອມຕາຍຍອມອົດເພາະບໍ່ຢາກເປັນພາລະໃຫ້ລູກຫຼານ ຄຳນີ້ມີຢູ່ຈີ່ງ ..​ ວອນເຫັນໃຈຊ່ວຍແມ່ນາງໄກດ້ວຍເທີດ ເພື່ອຊື້ຢາແລະອາຫານ ເພັມເພີດຄົນລະເລັກນ້ອຍ ວອນຜູ້ໃຈດີຊ່ວຍຜູ້10-20ພໍໄດ້ປະທັງຊີວີດກ່ອນແມ່ຈະໝົດລົມຫາຍໃຈດ້ວຍເທີດຜູ້ປ່ວຍຊື່ແມ່ຕື ຢູ່ບ້ານໂພນງາມ ເມືອງທຸລະຄົມ ແຂວງວຽງຈັນ …​ …​ ເກີດອຸບັດຕິເຫດຂີ່ລົດຕຳງົວ ເມືອຫຼາຍເດືອນກ່ອນ ເຈັບສາຫັດ …

Leave a Reply

Your email address will not be published. Required fields are marked *