ແຊ໌ຕໍ່ ຄາດວ່າຈະຕ້ອງໄດ້ໃຊ້ງົບປະມານ 20 ຕື້ກີບ ເພື່ອແກ້ໄຂບັນຫານໍ້າຖ້ວມຢູ່ນະຄອນຫຼວງວຽງຈັນ

🔥 ນະຄອນຫລວງວຽງຈັນ ຄາດວ່າຈະນໍາໃຊ້ງົບປະມານ 20 ຕື້ກີບ ເພື່ອແກ້ໄຂບັນຫານໍ້າຖ້ວມທີ່ເກີດຢູ່ຕາມເສັ້ນ ທາງ ແລະ ຈຸດສໍາຄັນຕ່າງໆ ຍ້ອນນໍ້າໄຫລລະບາຍບໍ່ທັນ, ລວມທັງນໍ້າຖ້ວມຂັງຢູ່ບາງຈຸດ ທັງໃນໄລຍະສະເພາະໜ້າ ແລະ ຖາວອນ ຫລື ໄລຍະຍາວ

ໂດຍຈະມີການແບ່ງຄວາມຮັບຜິດຊອບກັນຂອງທຸກຂະແໜງການທີ່ກ່ຽວຂ້ອງຄືນໃຫມ່ເພື່ອໃຫ້ລະອຽດຊັດເຈນກວ່າເກົ່າ !!!​ທ່ານ ສຸລິວັນ ພົມມະຫາໄຊ, ຫົວຫນ້າ ພະແນກໂຍທາທິການ ແລະ ຂົນ ສົ່ງນະຄອນຫຼວງວຽງຈັນ (ຍທຂ ນວ)ໃຫ້ສໍາພາດຕໍ່ສື່ມວນຊົນໃນວັນທີ 18 ສິງຫານີ້ວ່າ:

ພະແນກ ຍທຂ ນະຄອນ ຫລວງວຽງຈັນ ຮ່ວມກັບຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ (ຄບຕ), ຫ້ອງການ ຍທຂ ທັງ 9 ຕົວເມືອງ ແລະ ບັນດາຂະແໜງການທີ່ກ່ຽວຂ້ອງ

ໄດ້ປະຊຸມປຶກສາຫາລືເພື່ອວາງແຜນຮ່ວມກັນແກ້ໄຂບັນຫາສະພາບນໍ້າຖ້ວມທີ່ເກີດຂຶ້ນຢູ່ນະຄອນຫລວງວຽງຈັນ ຫລາຍມາດຕະການ, ທັງການແກ້ໄຂໃນໄລຍະສະເພາະໜ້າ ແລະ ຖາວອນ, ລວມເຖີງການຂຶ້ນແຜນງົບປະ ມານໃຊ້ຈ່າຍເຂົ້າໃນວຽກງານທີ່ຈໍາເປັນຕ່າງໆ,

ເຊີ່ງຜ່ານການປະເມີນ, ພະແນກ ຍທຂ ນະຄອນ ຫລວງວຽງຈັນ ຄາດວ່າຈະນໍາໃຊ້ງົບປະມານເພື່ອແກ້ໄຂສະພາບນໍ້າຖ້ວມໃນໄລຍະສະເພາະຫນ້າ 2 ຕື້ກວ່າກີບ ແລະ

ໄລຍະຖາວອນ 16 ຕື້ກວ່າກີບ. ສ່ວນ ຄບຕ ໄດ້ຂຶ້ນແຜນງົບປະມານ ຈໍານວນ 1,5 ຕື້ກີບ ເຮັດໃຫ້ງົບປະມານລວມທັງສອງພາກສ່ວນທີ່ຈະນໍາໃຊ້ເຂົ້າໃນການແກ້ໄຂສະພາບນໍ້າຖ້ວມ

ທັງໃນໄລຍະສະເພາະໜ້າ ແລະ ຖາວອນ ທັງໝົດ 20 ຕື້ກີບ. ຢ່າງໃດກໍຕາມ, ນີ້ເປັນພຽງຕົວເລກທີ່ປະເມີນໃນເບື້ອງຕົ້ນເທົ່ານັ້ນ

ເພາະໃນການຈັດຕັ້ງປະຕິບັດຕົວຈິງອາດຈະມີການຄາດເຄື່ອນ ເນື່ອງຈາກບາງວຽກງານອາດຈະບໍ່ທັນສາມາດຈັດຕັ້ງປະຕິບັດໄດ້ຍ້ອນຢູ່ໃນລະດູຝົນ ເພາະຖ້າຈະສະຫລຸບສັງລວມໃຫ້ລະອຽດໄດ້ກໍຕໍ່ເມື່ອການຈັດຕັ້ງປະຕິບັດບັນດາວຽກສໍາເລັດໃນເວລາທີ່ຝົນຢຸດເຊົາ. ​

ທ່ານຍັງໃຫ້ຮູ້ຕື່ມວ່າ: ໄລຍະຜ່ານມາ ຍ້ອນມີຝົນຕົກໜັກເຮັດໃຫ້ເກີດນໍ້າຖ້ວມຢູ່ຫລາຍເຂດພາຍໃນນະຄອນ ຫລວງວຽງຈັນ ຍ້ອນນໍ້າໄຫລລະບາຍບໍ່ທັນ, ໃນນັ້ນ ໜັກກວ່າໝູ່ແມ່ນຢູ່ ເມືອງສີໂຄດຕະບອງ,

ເຊີ່ງພະແນກ ຍທຂ ນະຄອນຫລວງວຽງຈັນ ໄດ້ຮ່ວມກັບພາກສ່ວນທີ່ກ່ຽວຂ້ອງນໍາເອົາອຸປະກອນ ແລະ ກົນຈັກໄປແກ້ໄຂໃນສະເພາະໜ້າ ໂດຍສະເພາະເຂດເສັ້ນທາງສີໄຄ,

ເຂດຕໍ່ໜ້າຮ້ານສຸວັນນີ, ເຂດໜອງໜ້ຽວ ແລະ ຕະຫລາດອົດຊີ ເພາະເຂດດັ່ງກ່າວຮ່ອງລະ ບາຍນໍ້າຖືກຖົມ, ອຸດຕັນ ແລະ ບາງບ່ອນທໍ່ລະບາຍນໍ້ານ້ອຍເກີນໄປ

. ນອກຈາກນີ້ ມີຜູ້ປະກອບການຈໍານວນຫນຶ່ງຖົມດິນອັດຕັດຮ່ອງລະບາຍນໍ້າທໍາມະຊາດທີ່ມີຢູ່ແລ້ວ ເຮັດໃຫ້ນໍ້າບໍ່ມີທາງໄຫລໄປຈິ່ງມີນໍ້າຖ້ວມເກີດຂຶ້ນ. ສ່ວນຢູ່ຈຸດຕ່າງໆ ໃນນະຄອນຫລວງວຽງຈັນ ທີ່ເກີດນໍ້າຖ້ວມເຈົ້າໜ້າທີ່ກ່ຽວຂ້ອງທຸກພາກສ່ວນໄດ້ເຄື່ອນໄຫວແກ້ໄຂສະເພາະໜ້າເຊັ່ນດຽວກັນ.

​ສໍາລັບທິດທາງໃນຕໍ່ໜ້າ ຈະໄດ້ເຊັນບົດບັນທຶກແບ່ງຄວາມຮັບຜິດຊອບກັນເພື່ອແກ້ໄຂບັນຫານໍ້າຖ້ວມໃນນະຄອນຫລວງວຽງຈັນ ລະຫວ່າງ

ພະແນກ ຍທຂ ນະຄອນຫລວງວຽງຈັນ ກັບ ຄບຕ ແລະ ຫ້ອງການ ຍທຂ ທັງ 9 ຕົວເມືອງໃຫ້ລະອຽດຈະແຈ້ງກວ່າເກົ່າ, ລວມເຖີງຮ່ວມກັບບັນດາພະແນກການທີ່ກ່ຽວຂ້ອງກວດກາຄືນສະພາບການຮອງຮັບນໍ້າຂອງຄອງນໍ້າວຽງຈັນ,

ລວມເຖີງບັນດາສາເຫດທີ່ພາໃຫ້ເກີດນໍ້າຖ້ວມຢູ່ຈຸດຕ່າງໆ ຢ່າງລະອຽດ ເພື່ອຮ່ວມກັນວາງແຜນແກ້ໄຂໃຫ້ມີປະສິດທິຜົນກວ່າເກົ່າ. FM 90 ລາຍງານ

ຄລິບ

About admin

Check Also

ໂຈນທ້າທາຍຫລາຍ!​ ເປີດໜ້າລັກລົດຈັກເຫັນພາບຊັດເຈນເຖິງຮູຂຸມຂົນ

ໂຈນທ້າທາຍຫລາຍ!​ ເປີດໜ້າລັກລົດຈັກເຫັນພາບຊັດເຈນເຖິງຮູຂຸມຂົນ ວັນທີ​ 25 ມັງກອນ 2023 ຜ່ານມານີ້​ ຜູ້ໃຊ້ເຟສບຸກ​ To Phommaviseth ໂພສປະກາດຂໍຄວາມຊ່ວຍເຫລືອແຈ້ງເບາະແສກ່ຽວກັບໂຈນລັກລົດຈັກວ່າ: “ໃຜພົບເຫັນບຸກຄົນໃນພາບແມ່ນຂໍຄວາມຊ່ວຍເຫລືອແນ່ເດີ້ ໂຈນແມ່ນຂີ່ລົດເວບສີດຳແດງຊ້ອນກັນມາລັກລົດພໍ່ຕູ້ໜຶ່ງອີ່ຕົນລາວ, ລົດຫາແຕ່ດາວໄດ້ເດືອນດຽວລົດເວບສີຂຽວຫົວເປັດບໍ່ມີປ້າຍ ຄົນຮ້າຍຂີ່ມາແຕ່ທາງນາຄວາຍ​ …

Leave a Reply

Your email address will not be published. Required fields are marked *