ຄຽດແຄ້ນບໍ່ພໍໃຈເລື່ອງທີ່ດິນ

ທ້າວ ໝັ້ນ ອາຍຸ 24 ປີ, ຢູ່ບ້ານພູໂທນ ເມືອງນາແລ ແຂວງຫຼວງນໍ້າທາ ໄດ້ມີຄວາມແຄ້ນໃຫ້ທ້າວ ບັດ ອາຍຸ 30 ປີ ຄົນບ້ານດຽວກັນ ຍ້ອນເລື່ອງຂັດແຍ່ງທີ່ດິນ ຈຶ່ງຕັດສິນໃຈໄດ້ຮັບບາດເຈັບ.

ພັຕ ສົມສະໜິດ ກຸນຕິລາດ ຫົວໜ້າພະແນກຕໍາຫຼວດ ປກສ ເມືອງນາແລ ໃຫ້ຮູ້ວ່າ: ທ້າວ ໝັ້ນ ໄດ້ໄປຕັ້ງເຮືອນໃສ່ດິນຂອງ ທ້າວ ໜານບົວຄໍາ ທີ່ຊື້ນໍາພໍ່ຂອງຜູ້ກ່ຽວກ່ອນໜ້ານັ້ນ ຈໍານວນ 500.000 ກີບ, ແຕ່ ທ້າວ ໜານບົວຄໍາ ບໍ່ຮູ້. ໃນເວລາຕໍ່ມາ, ທ້າວ ບັດ ໄດ້ໄປບອກ ທ້າວ ໜານບົວຄໍາ ( ເຈົ້າຂອງດິນ ) ວ່າ: ທ້າວ ໝັ້ນ ໄປຕັ້ງເຮືອນໃສ່ ທັງທີ່ດິນຕອນນັ້ນຊື້ໄປແລ້ວ. ມາຮອດວັນທີ 15 ທັນວາ 2020, ທ້າວ ໜານບົວຄໍາ ແລະ ທ້າວ ບັດ ພ້ອມຍາດພີ່ນ້ອງໄດ້ມາຫາ ທ້າວ ໝັ້້ນ ຢູ່ເຮືອນ ເພື່ອມາສ້າງບົດບັນທຶກຂາຍດິນຄືນໃຫ້ ທ້າວໝັ້ນ ໃນລາຄາ 5.000.000 ແຕ່ທ້າວ ໝັ້ນ ໄດ້ຂໍຫຼຸດລາຄານຳທ້າວ ໜານບົວຄຳ ຈຳນວນ 4.500.000 ກີບ, ພາຍໃນ 1 ເດືອນ ທ້າວ ໝັ້ນ ຈະມາຖອກເງິນໃຫ້ ທ້າວ ໜານບົວຄຳ, ພາຍຫຼັງໄດ້ສ້າງບົດບັນທຶກສຳເລັດ ທ້າວ ໝັ້ນ ໄດ້ຂຶ້ນເມືອນອນຄິດວ່າ ກົກປາຍສາຍເຫດຕ້ອງແມ່ນ ທ້າວ ບັດ ຜູ້ດຽວເມື່ອລາຍງານ ຈຶ່ງມີເຫດການນີ້ເກີດຂຶ້ນ.

ເວລາປະມານ 6:00 ໂມງ ຂອງວັນທີ 16 ທັນວາ 2020, ທ້າວ ໝັ້້ນ ຍ່າງຂຶ້ນເຮືອນຂອງ ທ້າວ ຮັກ (ອາວ) ໄດ້ເຫັນ AK ປະໄວ້ຢູ່ແຄມປະຕູເຮືອນຄົວບໍ່ມີຝັກປືນ ຈຶ່ງຈັບເອົາ AK ດັ່ງກ່າວ ຍ່າງລົງມາຫາເຮືອນຂອງ ທ້າວ ບັດ ພ້ອມທັງເອົາລູກປືນທີ່ຕົນເອງກຽມມາ 3 ລູກ ຈຸດປະສົງ ແມ່ນຈະໄປຍິງ ທ້າວບັດ ຍ້ອນຄວາມຄຽດແຄ້ນ ແລະ ບໍ່ພໍໃຈຕໍ່ຜູ່ກ່ຽວເລື່ອງທີ່ດິນ ຈຶ່ງສາກປືນ ແລ້ວເອົາລູກປືນຍັດໃສ່ 1 ລູກ ແລ້ວຍິງໃສ່ ທ້າວ ບັດ 1 ນັດ ຖືກບໍລິ ເວນທ້ອງ ແລ້ວເຫັນ ທ້າວ ບັດ ຍ່າງເຊໄປເຊມາ ປະມານ 2-3 ແມັດ ແລ້ວລົ້ມລົງກັບພື້ນມີຜູ້ເຫັນເຫດການນໍາສົ່ງໂຮງໝໍເມືອງ. ພາຍຫຼັງຍິງທ້າວ ບັດ ແລ້ວ ໄດ້ຖືປືນໄປໄວ້ເຮືອນ ແລ້ວນັ່ງຝິງໄຟ, ຮອດເວລາປະມານ 8:00 ໂມງ ຖືກເຈົ້າໜ້າທີ່ ປກສ ເມືອງນາແລ ກັກຕົວໄວ້.

About admin

Check Also

ແກ້​ຂ່າວ​

ແຕກອີກແລ້ວ ເສດຖີຄົນໃໝ່ ຖຶກ​ 6 ໂຕ​ຕົງ​ 800.000.000 ກີບ ຄືໂຊກດີແທ້ແດ່. ງວດຫນ້າໃຫ້ທ່ານຜູ້ຊົມຖືກເດີ້…ລຳລວຍລຳລວຍ ສາທຸສາທຸ ຫວຍອອກມື້ນີ້ ລາງວັນຊື້1,000ກີບ 1ໂຕທ້າຍ ໄດ້ຮັບ 5,000ກີບ …

Leave a Reply

Your email address will not be published. Required fields are marked *