Related Articles
ຈັບຜູ້ຄ້າຂາຍ ຄັນຊາອັດແທ່ງ 1, 6 ໂຕນ.
ໃນຕອນເຊົ້າ ວັນທີ 6 ກັນຍາ 2022 ນີ້, ຈົ້າຫນ້າທີ່ ປກສ ແຂວງບໍລີຄຳໄຊ ກວດພົບ ລົດບັນທຸກ 6 ລໍ້
ຊຸກເຊື່ອງຄັນຊາອັດແທ່ງຊຸກເຊື່ອງໄວ້ໃນລົດຄັນດັ່ງກ່າວ ຈຳນວນ 90 ແກັດ ມີນ້ຳ ໜັກ 1.600 ກິໂລກຼາມ ທີ່ປະປົນມານໍາທູບຫອມ.
ເຈົ້າຫນ້າທີ່ ສາມາດກັກຕົວຜູ້ຖືກສົງໃສໄດ້ 4 ຄົນ ຄື: ທ້າວ ຂາວ, ທ້າວ ເດ, ທ້າວ ແຂກ ແລະ ທ້າວ ນ້ອຍ ບ້ານ ໂພນຈະເລີນ ເມືອງ ປາກກະດິງ ແຂວງ ບໍລິຄໍາໄຊ, ເຊິ່ງໃນເວລາ 15:00 ນາທີ ຂອງວັນທີ 5 ກັນຍາ 2022
ໄດ້ເອົາຄັນຊາຈຳນວນດັ່ງກ່າວຂຶ້ນລົດບັນທຸກ 6 ລໍ້ສີແດງ ໝາຍເລກທະບຽນ ອຸດົມໄຊ ບກ 2636 ຢູ່ບ້ານ ໂພນຈະເລີນ ເມືອງ ປາກກະດິງ ແຂວງ ບໍລິຄຳໄຊ ຈົນສຳເລັດ
, ຮອດເວລາ 23:00 ນາທີ ຂອງວັນດຽວກັນ ຂັບຂີ່ລົດຄັນດັ່ງກ່າວມຸ້ງໜ້າມາທາງນະຄອນຫຼວງວຽງຈັນ ໂດຍແມ່ນທ້າວ ນ້ອຍ ແລະ ທ້າວ ຂາວ ປ່ຽນກັນຂັບ.
ເມື່ອມາຮອດປ້ອມກວດກາທາງແບ່ງບ້ານທວຍ ເມືອງທ່າພະບາດ ແຂວງ ບໍລິຄໍາໄຊ ເຈົ້າໜ້າທີ່ໄດ້ລັດລົດເພື່ອຂໍອະນຸຍາດທໍາການກວດກາຈື່ງພົບເຫັນຢາເສບຕິດ ປະເພດ ຄັນຊາອັດແທ່ງ
ຊຸກເຊື່ອງປະປົນຢູ່ກັບທູບຫອມ ຈໍານວນ 90 ແກັດ,
ນໍາໜັກ 1.600 ກິໂລກຼາມ.
