Breaking News

ຫື່ນໂຫດເກີນ 20 ປີບັງຄັບຂົ່ມຂືນພ້ອມປິດຊີບຍິງ 48.

ເຫດແບບນີ້ບໍ່ໜ້າເກີດຢູ່ບ້ານເຮົາ, ຊາຍໜຸ່ມໄວ 20 ປີສຸດຫື່ນບັງຄັບຝືນໃຈຍິງສູງໄວ ບໍ່ພໍຍັງປິດຊີບຢ່າງເລືອດເຢັນ, ຕາມລາຍງານຂ່າວໃນວັນທີ 31 ທັນວາ 2020 ທີ່ຜ່ານມານີ້ ເຈົ້າໜ້າທີ່ພະແນກຕຳຫຼວດສືືບສວນ-ສອບສວນ ປກສ

ແຂວງອຸດົມໄຊສົມທົບພາກສ່ວນກ່ຽວຂ້ອງໄດ້ນຳຕົວຜູ້ກໍ່ເຫດລົງມືຄາດຕະກຳ ແລະ ຂົ່ມຂືນທຳສຳເລົາ ຍິງໄວອາຍຸ 48 ປີຢູ່ບ້ານວັງມົນ ເມືອງໄຊ ແຂວງອຸດົມໄຊໄປທົດສະກຳຄືນກ່ຽວກັບເຫດການເພື່ອທຳແຜນປະກອບຄຳສາລະພາບ,ເບື້ອງຕົ້ນໃນເວລາປະມານ 09 ໂມງ 30 ນາທີ ຂອງວັນທີ 18 ທັນວາ 2020 ຜ່ານມານີ້.

ພະແນກຕໍາຫຼວດສືບສວນ-ສອບສວນ ປກສ ແຂວງໄດ້ຮັບແຈ້ງຈາກ ປກສ ເມືອງໄຊ ວ່າ: ມີປະຊາຊົນຢູ່ບ້ານວັງມົນ, ເມືອງໄຊໄດ້ພົບເຫັນສົບເປັນເພດຍິງຢູ່ແຄມນໍ້າກໍ ເຂດບ້ານດັ່ງກ່າວ,ຈາກນັ້ນທາງຄະນະພັກ-ຄະນະຫ້ອງຕຳຫຼວດ ປກສ ແຂວງຈຶ່ງໄດ້ແຕ່ງຕັ້ງພະນັກງານວິຊາສະເພາະສົມທົບກັບກການຈັດຕັ້ງທີ່ກ່ຽວຂ້ອງລົງກວດກາສະຖານທີ່ເກີດເຫດພ້ອມທັງດຳເນີນການຊັນນະສູດ

ຊາກສົບຈິ່ງຮູ້ວ່າຜູ້ເສຍຊີວິດຊື່ນາງ ຮັກ ອາຍຸ 48 ປີ ສັນຊາດລາວ, ອາຊີບປະຊາຊົນຢູ່ບ້ານວັງມົນ, ເມືອງໄຊ ແຂວງອຸດົມໄຊ ຈາກນັ້ນ ເຈົ້າໜ້າທີ່ວິຊາສະເພາະຈຶ່ງໄດ້ເກັບກຳ ຂໍ້ມູນຫຼັກຖານຢ່າງລະອຽດ ແລະ ວາງແຜນສືບຄົ້ນຫາເປົ້າໝາຍທີ່ລົງມືກໍ່ເຫດຄັ້ງນີ້ມາດຳເນີນຄະດີຕາມລະບຽບກົດໝາຍ.

ມາໃນວັນທີ 30 ທັນວາ 2020 ຈຶ່ງສາມາດກັກຕົວເປົ້າໝາຍກໍ່ການກະທຳຜິດໄດ້ຈຳນວນ 01 ຄົນ ຊື່ທ້າວ ສົມບຸນ ອາຍຸ 20 ປີ ອາຊີບເຮັດສວນ ຢູ່ບ້ານວັງມົນ ເມືອງໄຊ ແຂວງອຸດົມໄຊ,ຜ່ານການສືບສວນ-ສອບສວນຂອງເຈົ້າໜ້າທີ່ ທ້າວ ສົມບຸນ(ຜູ້ຖືກຫາ) ໄດ້ໃຫ້ການຮັບສາລະພາບ ວ່າ:

ເວລາ 09 ໂມງ ຂອງວັນທີ 14 ທັນວາ2020 ຕົນເອງໄປຫາປາ ຢູ່ນ້ໍາກໍ ເຂດບ້ານນາຈາງ ເມືອງໄຊ. ຈົນຮອດເວລາ 13 ໂມງ ຂອງວັນດຽວກັນ ຕົນເອງໄດ້ ກັບມາບ້ານວັງມົນ ແລ້ວໄດ້ພົບເຫັນນາງ ຮັກ ຢືນຢູ່ແຄມທາງລົດ ສົ້ນຂົວນ້ໍາກໍ ໃກ້ບ້ານ, ຈຶ່ງຄິດຍາກເສບສົມກັບນາງຮັກ. ຈາກນັ້ນຕົນເອງໄດ້ໄປປ່ຽນເຄື່ອງນຸ່ງຢູ່ເຮືອນ ແລ້ວຈິ່ງກັບຄືນມາຫາ ນາງ ຮັກ ຢູ່ຈຸດດັ່ງກ່າວ.

ພໍໄປຮອດທາງລົງທ່ານ້ໍາກໍ ຕົນເອງໄດ້ຈັບແຂນນາງຮັກ ລົງໄປແຄມນ້ໍາກໍ, ແຕ່ນາງ ຮັກ ໄດ້ຂັດຂືນບໍ່ຍອມໄປນໍາ ຕົນຈິ່ງຈັບເອົາໄມ້ຄ້ອນຢູ່ປ່າແຄມທາງ(ຍາວປະມານ 60 ຊັງຕີແມັດ)ມາຟາດໃສ່ງ່ອນດົ້ນນາງຮັກຈຳນວນ 02 ບາດ,ຟາດໃສ່ ຫົວເບື້ອງຂວາ ອີກ 02 ບາດ,ຈົນຜູ້ກ່ຽວໝົດສະຕິລົ້ມລົງແຕ່ຍັງບໍ່ທັນເສຍຊີວິດເທື່ອຈຶ່ງເອົາໄປຄ້ອນແກ່ວງຖີ້ມເຂົ້າປ່າ ແລ້ວລາກຕົວຜູ້ກ່ຽວລົງໄປແຄມນ້ໍາ ແລ້ວຈິ່ງລົງມືຂົ່ມຂືນທໍາຊໍາເລົາຈຳນວນ 01 ຄັ້ງ,ພາຍຫຼັງສຳເລັດ ນາງ ຮັກກໍ່ໄດ້ເສຍຊີວິດ,ຈາກນັ້ນ ກໍ່ເອົາເສື້ອຂອງຜູ້ເສຍຊີວິດມາປົກໃສ່ຫນ້າເອິກແລ້ວເອົາກ້ອນຫີນມາເຕັງໃສ່, ຫຼັງຈາກນັ້ນ ກໍ່ລ້າງຕົນຕົວ ແລ້ວກໍ່ຢ່າງກັບມາເຮືອນໂດຍບໍ່ໄດ້ບອກໃຫ້ຄອບຄົວ ແລະ ຜູ້ອື່ນຮັບຮູ້.

ມາຮອດວັນທີ 30 ທັນວາ 2020 ຈິ່ງຖືກເຈົ້າຫນ້າທີ່ກັກຕົວດຳເນີນຄະດີ;ຜ່ານການລົງຊັນນະສູດ ແລະ ເກັບກຳຂໍ້ມູນຫຼັກຖານເຫດການຕົວຈິງຂອງເຈົ້າໜ້າທີວິຊາສະເພາະພົບວ່າ:ສະພາບຊາກສົບເປືອຍກາຍ,ມີຮ່ອງຮອຍຖືກຄາດຕະກຳ ແລະ ທຳສຳເລົາ,ເຊິ່ງສະແດງອອກມີຮ່ອງຮອຍເລືອດໄຫຼອອກຫູເບື້ອງຂວາ,ມີຮອຍບາດແຜຢູ່ຫົວເບື້ອງຂວາຈຳນວນ 01 ຈຸດ,ຮອຍຊໍ້າຢູ່ງ່ອນດົ້ນຈຳນວນ 01 ຈຸດ ແລະ ວັດຖຸເຄື່ອງຂອງກາງອື່ນໆອີກຈຳນວນໜື່ງ,ການກະທຳດັ່ງກ່າວໄດ້ສ້າງຜົນເສຍຫາຍໃຫ້ແກ່ຊີວິດ,ສຸຂະພາບຂອງບຸກຄົນອື່ນໂດຍເຈດຕະນາ,ສ້າງຄວາມບໍ່ສະຫງົບ ແລະ ຄວາມບໍ່ເປັນລະບຽບຮຽບຮ້ອຍຢູ່ໃນສັງຄົມ,ປະຈຸບັນຄະດີດັ່ງກ່າວຢູ່ໃນການສືບສວນ-ສອບສວນຂອງເຈົ້າໜ້າທີ່ ເພື່ອດຳເນີນຄະດີຕາມຂັ້ນຕອນຂອງກົດໝາຍ.

About admin

Check Also

ມູນຄ່າການນໍາເຂົ້າ ແລະ ສົ່ງອອກ ລະຫວ່າງ ສປປ ລາວ ແລະ ຣັດເຊຍ ລວມໄດ້ 27.5 ລ້ານໂດລາສະຫະລັດ.

ໄລຍະ 5 ປີ ຜ່ານມາ ມູນຄ່າການນໍາເຂົ້າ ແລະ ສົ່ງອອກ ລະຫວ່າງ ສປປ ລາວ ແລະ ຣັດເຊຍ ລວມໄດ້ 27.5 ລ້ານໂດລາສະຫະລັດ. …

Leave a Reply

Your email address will not be published. Required fields are marked *