ອິນເດຍ ໃຫ້ການຊ່ວຍເຫລືອລ້າໃນມູນຄ່າ 48.713 ໂດລາສະຫະລັດ ກໍ່ສ້າງໂຮງຮຽນມັດທະຍົມສົມບູນ ເມືອງກະລຶມ

🇱🇦🤝🇮🇳 #ອິນເດຍ ໃຫ້ການຊ່ວຍເຫລືອລ້າໃນມູນຄ່າ 48.713 ໂດລາສະຫະລັດ ກໍ່ສ້າງໂຮງຮຽນມັດທະຍົມສົມບູນ ເມືອງກະລຶມ

ພິທີວາງສີລາລຶກ ໂຄງການກໍ່ສ້າງອາຄານ ຮຽນ ທີ່ໂຮງຮຽນມັດທະຍົມສົມບູນ(ມສ) ເມືອງກະລຶມ ຈັດຂຶ້ນໃນວັນທີ 15 ພະຈິກນີ້ ໂດຍໄດ້ຮັບທຶນຊ່ວຍເຫລືອລ້າຈາກລັດຖະບານສາທາລະລັດ

ອິນເດຍ ພາຍໃຕ້ຂອບການຮ່ວມມືແມ່ນໍ້າຂອງ-ແມ່ ນໍ້າຄົງຄາ ໂດຍມີ ທ່ານ ຄໍາສອນ ກອນເຍີ ຮອງເຈົ້າແຂວງເຊກອງ, ທ່ານ ດິນກາ ອາດສ໌ທານາ (Dinkar Asthana) ເອກອັກຄະລັດຖະທູດອິນເດຍ ປະຈໍາລາວ, ທ່ານ ອໍບົວລາ ອ່ອນມະໄລວົງ ເຈົ້າເມືອງກະລຶມ ແລະ ພາກສ່ວນກ່ຽວຂ້ອງ

ເຂົ້າຮ່ວມ.ທ່ານ ຄໍາໄພ ສິມມາວັດ ຫົວໜ້າພະແນກສຶກສາທິການ ແລະກິລາແຂວງເຊກອງ ໄດ້ໃຫ້ຮູ້ວ່າ: ໂດຍສືບຕໍ່ຜັນຂະຫຍາຍບົດບັນທຶກຄວາມເຂົ້າໃຈ ເພື່ອມອບ-ຮັບການຊ່ວຍເຫລືອຂອງໂຄງການພາຍໃຕ້ຂອບການຮ່ວມມືແມ່ນໍ້າຂອງ-ແມ່ນໍ້າຄົງຄາ ທີ່ໄດ້ຮ່ວມລົງນາມໃນວັນທີ 31 ມີນາ 2022 ລະຫວ່າງ ສປປ ລາວ

ແລະ ອິນເດຍ, ການຮ່ວມລົງນາມບົດບັນທຶກຄັັ້ງນັ້ນ ເພື່ອຈັດຕັ້ງປະຕິບັດໂຄງການທີ່ໄດ້ຮັບການສະໜັບສະໜູນຈາກລັດຖະບານສາທາລະນະລັດ ອິນເດຍ

ຄື: ໂຄງການກໍ່ສ້າງຫ້ອງຮຽນ ທີ່ໂຮງ ຮຽນມັດທະຍົມກະລຶມ ແຂວງເຊກອງ ຊຶ່ງໂຄງການດັ່ງກ່າວ ລັດຖະບານສາທາລະນະລັດ ອິນເດຍ ໃຫ້ການຊ່ວຍເຫລືອລ້າໃນມູນຄ່າ 48.713 ໂດລາສະຫະລັດ, ເປັນອາຄານຊັ້ນດຽວ ຂະຫນາດ 9×27 ແມັດ, ປະກອບມີ 3 ຫ້ອງຮຽນ ໂດຍຈະໃຊ້ເວລາກໍ່ສ້າງ 3 ເດືອນ, ທັງນີ້ ເພື່ອຮັບປະກັນການຈັດຕັ້ງປະຕິບັດໂຄງການໃຫ້ທັນເວລາ ແລະ ມີປະສິດທິພາບ,

ພະແນກສຶກສາທິການ ແລະ ກິລາແຂວງເຊກອງ ໃນນາມເຈົ້າຂອງໂຄງການ ແລະ ສະຖານເອກອັກຄະລັດຖະທູດ ແຫ່ງສາທາລະນະລັດ ອິນເດຍ ໃນນາມຜູ້ໃຫ້ທຶນ ຈະໄດ້ຮ່ວມມືກັນຢ່າງໃກ້ຊິດໃນການຕິດຕາມ, ຊຸກຍູ້ການຈັດຕັ້ງປະຕິບັດໂຄງການໃຫ້ມີຜົນສຳເລັດຕາມເປົ້າໝາຍທີ່ວາງໄວ້

.ໂອກາດນີ້, ທ່ານ ຄໍາສອນ ກອນເຍີ ໄດ້ສະແດງຄວາມຂອບໃຈຕໍ່ລັດຖະບານ ແລະ ປະຊາຊົນອິນເດຍ ທີ່ໄດ້ໃຫ້ການສະໜັບສະໜູນ ແລະ ຊ່ວຍເຫລືອແຂວງເຊກອງ ເຊິ່ງເປັນການປະກອບສ່ວນເຂົ້າໃນການພັດທະນາ ແລະ ຂະຫຍາຍຕາໜ່າງການສຶກສາ ໃຫ້ທົ່ວເຖິງໃນເຂດຊົນນະບົດຫ່າງໄກສອກ ຫລີກ,

ພັດທະນາຊັບພະຍາກອມະນຸດຂອງແຂວງເຊກອງ ໃຫ້ຂະຫຍາຍຕົວທາງດ້ານປະລິມານ ແລະ ຄຸນນະພາບ. ພ້ອມນີ້ ທ່ານຮອງເຈົ້າແຂວງເຊກອງ ຍັງໃຫ້ຄໍາໝັ້ນສັນຍາວ່າ:

ຈະສືບຕໍ່ຈັດຕັ້ງປະຕິບັດໂຄງການກໍ່ສ້າງໂຮງຮຽນ ມສ ກະລຶມ ໄປຕາມບົດບັນທຶກ MOU ແລະ ລະບຽບການໃຫ້ມີປະສິດ ທິພາບ, ປະສິດທິຜົນ ແລະ ສໍາເລັດຕາມກຳນົດເວລາໂດຍໄວ

ກ້າວໄປເຖິງການມອບ-ຮັບໂຄງການ ແລະ ປົກປັກຮັກສາ ນໍາໃຊ້ໃຫ້ເກີດປະໂຫຍດສູງສຸດ ເຂົ້າໃນການພັດທະນາຂະແໜງການສຶກສາຂອງແຂວງເຊກອງ ໃຫ້ສູງຂຶ້ນ.

ຂ່າວ: ພຸດທະສອນ

About admin

Check Also

ຄົນຕົກເຫວ ເຂດພູເກົ້າຫລັກ ເສຍຊີວິດ

ຄົນຕົກເຫວ ເຂດພູເກົ້າຫລັກ ເສຍຊີວິດ ໃນວັນທີ 27 ມັງກອນ​ 2023 ເວລາ​ ​11:24 ໂມງ ມີເຫດຄົນຕົກເຫວຢູ່ພູເກົ້າຫລັກ ເມືອງກາສີ​ ແຂວງວຽງຈັນ ​ ​ຊື່ທ້າວ​ …

Leave a Reply

Your email address will not be published. Required fields are marked *