ກຽມສຳຜັດອາກາດໜາວ​ໄລຍະ 1-4​ ທັນວາ​ ອາກາດຈະ​ເຢັນ​ລົງ​

ກຽມສຳຜັດອາກາດໜາວ​ໄລຍະ 1-4​ ທັນວາ​ ອາກາດຈະ​ເຢັນ​ລົງ​ໃນແຕ່ລະພາກ ແລະ​ ພາກເໜືອ​ດ້ານຕາເວັນຕົກ ໜາວເຢັນລົງແຮງ​ 3-6​ ອົງສາ​ກົມອຸຕຸນິຍົມ ແລະ ອຸທົກກະສາດ ຄາດຄະເນສະພາບອາກາດ ໄລຍະວັນທີ 28 ພະຈິກ ຫາ 4 ທັນວາ 2022 ວ່າ:

ໄລຍະວັນທີ 1 ຫາ 4 ທັນວາ 2022 ຄວາມກົດດັນສູງຂອງອາກາດເຢັນທີ່ປະເທດຈີນ ຈະແຜ່ລົງປົກຄຸມຢູ່ທົ່ວທຸກພາກຂອງປະເທດລາວດ້ວຍກຳລັງປານກາງ,

ສົມທົບກັບກະແສລົມຕາເວັນອອກ-ຕາເວັນອອກສ່ຽງໜືອພັດປົກຄຸມ ເຊິ່ງຈະເຮັດໃຫ້ອາກາດຈະໜາວເຢັນລົງຢູ່ໃນແຕ່ລະພາກ ແລະ ຈະມີຝົນຕົກຟ້າຮ້ອງ ຟ້າເຫຼື້ອມໃນລະດັບຄ່ອຍ ຫາ ປານກາງ ພ້ອມມີລົມພັດແຮງຢູ່ບາງທ້ອງຖິ່ນ.

ຄາດຄະເນສະພາບອາກາດ ໃນແຕ່ລະພາກດັ່ງລຸ່ມນີ້:ພາກເໜືອດ້ານຕາເວັນອອກ: ໄລຍະວັນທີ 1 ຫາ 4 ທັນວາ ອາກາດຈະໜາວເຢັນລົງ 3 ຫາ 6 ອົງສາ ແລະ ຍັງຈະມີຝົນຕົກຟ້າຮ້ອງ ຟ້າເຫຼືອມໃນລະດັບຄ່ອຍ ຫາ

ປານກາງ ພ້ອມມີລົມພັດແຮງຢູ່ບາງທ້ອງຖິ່ນ ອຸນຫະພູມຕໍ່າສຸດ 11 – 18 ອົງສາ ແລະ ສູງສຸດ 20 – 29 ອົງສາ.ພາກເໜືອດ້ານຕາເວັນຕົກ: ໄລຍະວັນທີ 2 ຫາ 4 ທັນວາ ອາກາດຈະໜາວເຢັນລົງ 2 ຫາ 4 ອົງສາ ແລະ ຍັງຈະມີຝົນຕົກຟ້າຮ້ອງ ຟ້າເຫຼື້ອມໃນລະດັບຄ່ອຍ ຫາ

ປານກາງ ພ້ອມມີລົມພັດແຮງຢູ່ບາງທ້ອງຖິ່ນ ອຸນຫະພູມຕໍ່າສຸດ 13 – 22 ອົງສາ ແລະ ສູງສຸດ 26 – 34 ອົງສາ.ພາກກາງ: ໄລຍະວັນທີ 2 ຫາ 4 ທັນວາ ອາກາດຈະເຢັນລົງ 2 ຫາ 4 ອົງສາ ພ້ອມຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນ ແລະ ມີລົມພັດແຮງຢູ່ເກືອບທົ່ວໄປ ອຸນຫະພູມຕໍ່າສຸດ 18 – 24 ອົງສາ ແລະ ສູງສຸດ 29 –34 ອົງສາ.ສຳລັບແຂວງ ໄຊສົມບູນ:

ໄລຍະວັນທີ 1 ຫາ 4 ທັນວາ ອາກາດຈະໜາວເຢັນລົງ ແລະ ຍັງຈະມີຝົນຕົກຟ້າຮ້ອງ ຟ້າເຫຼື້ອມໃນລະດັບຄ່ອຍ ຫາ ປານກາງ ພ້ອມມີລົມພັດແຮງເປັນບາງໂອກາດ.

ອຸນຫະພູມຕໍ່າສຸດ 10 – 16 ອົງສາ ແລະ ສູງສຸດ 24 – 28 ອົງສາ.ພາກໃຕ້: ໄລຍະວັນທີ 2 ຫາ 4 ທັນວາ ອາກາດຈະເຢັນລົງ 2 ຫາ 4 ອົງສາ ພ້ອມຈະມີຝົນຕົກ ໃນລະດັບຄ່ອຍຢູ່ບາງທ້ອງຖິ່ນ ແລະ ມີລົມພັດແຮງຢູ່ເກືອບທົ່ວໄປ.

ອຸນຫະພູມຕໍ່າສຸດ 19 – 25 ອົງສາ ແລະ ສູງສຸດ 29 –35 ອົງສາ.ສຳລັບເຂດພູພຽງບໍລະເວນ: ໄລຍະວັນທີ 28 ຫາ 30 ພະຈິກ ອາກາດເຢັນ ຫາ ໜາວເຢັນ ພ້ອມຈະມີຝົນຕົກໃນລະດັບຄ່ອຍຢູ່ບາງບໍລິເວນ.

ຈາກນັ້ນໄລຍະວັນທີ 1 ຫາ 4 ທັນວາ ອາກາດຈະໜາວເຢັນລົງ ແລະ ຍັງຈະມີຝົນຕົກໃນລະດັບຄ່ອຍ ພ້ອມມີລົມພັດແຮງເປັນບາງໂອກາດ. ອຸນຫະພູມຕໍ່າສຸດ 11 – 16 ອົງສາ ແລະ ສູງສຸດ 22 – 27 ອົງສາ.

ນະຄອນຫຼວງວຽງຈັນ: ໄລຍະວັນທີ 1 ຫາ 4 ທັນວາ ອາກາດຈະເຢັນລົງ ພ້ອມມີໝອກບາງປົກຫຸ້ມໃນຕອນເຊົ້າ ແລະ ຈະມີລົມພັດແຮງຢູ່ເກືອບທົ່ວໄປ. ອຸນຫະພູມຕໍ່າສຸດ 19 – 25 ອົງສາ ແລະ ສູງສຸດ 31 – 34 ອົງສາ.

@FM90 ລາຍງານ

About admin

Check Also

ແກ້ໄຂເຫດເບື້ອງຕົ້ນ ເຫັນດີເອົາອອກແທ່ງໜຶ່ງກ່ອນ

ແກ້ໄຂເຫດເບື້ອງຕົ້ນ ເຫັນດີເອົາອອກແທ່ງໜຶ່ງກ່ອນ ເພື່ອໃຫ້ສັນຈອນໄປມາໄດ້ ກໍລະນີ ປະຊາຊົນເອົາໄປວາງຕັນທາງ ເສັ້ນທາງຮ່ອມ 27 ບ້ານຫ້ວຍຫົງ ໄປຫາຮ່ອມ 22 ທາງໄປໂຮງໝໍແມ່ ແລະ ເດັກ ສ້າງຄວາມຫຍຸ້ງຍາກ ແກ່ຜູ້ສັນຈອນໄປມາ …

Leave a Reply

Your email address will not be published. Required fields are marked *