Breaking News

ມ່ວນແຮງຈົນຖືກສຶກສາອົບຮົມ! ເຈົ້າໜ້າທີ່ຈັບກຸ່ມແກ້ງ ມົ້ ວ ສຸ ມກິນກາເຟດີດ ແລະ ນໍ້າກະທ້ອມ 5 ຄົນມາສຶກສາອົບຮົມ

😅ມ່ວນແຮງຈົນຖືກສຶກສາອົບຮົມ! ເຈົ້າໜ້າທີ່ຈັບກຸ່ມແກ້ງມົ້ວສຸມກິນກາເຟດີດ ແລະ ນໍ້າກະທ້ອມ 5 ຄົນມາສຶກສາອົບຮົມ•

ໃນວັນທີ 21 ທັນວາ 2022 ທາງເຈົ້າໜ້າທີ່ຕຳຫຼວດ ປກສ ເມືອງທ່າແຂກ ໄດ້ເປີດພິທີສຶກສາອົບຮົມກຸ່ມແກ້ງມົ້ວສຸມກິນກາເຟທີ່ມີສານເສບຕິດ ແລະ ນໍ້າກະທ້ອມ.

ເປັນກ່ຽວເຂົ້າຮ່ວມໃນພິທີໂດຍ ທ່ານ ພັຕ ສີທາ ວົງພັກດີ ຮອງພະແນກຕຳຫຼວດ ປກສ ເມືອງທ່າແຂກ, ມີ ປກສ ກຸ່ມຈອມທອງ, ອຳນາດການປົກຄອງບ້ານໂພນສະໜາມ, ຜູ້ປົກຄອງ ແລະ ຜູ່ຖືກເຄາະຮ້າຍຈຳນວນ 5 ຄົນ,ຍິງ 2 ຄົນ.•

ພັຕ ສີທາ ວົງພັກດີ ຮອງພະແນກຕຳຫຼວດ ປກສ ເມືອງທ່າແຂກ ໄດ້ອະທິບາຍກ່ຽວກັບກົດໝາຍ ແລະ ຜົນຮ້າຍຂອງສານເສບຕິດດັ່ງກ່າວນັ້ນ. ເຊິ່ງອີງຕາມແຈ້ງການຂອງ ລັດຖະມົນຕີກະຊວງປ້ອງກັນຄວາມສະຫງົບ ສະບັບເລກທີ 13/ປກສ ລົງວັນທີ14 ກັນຍາ 2022 ກ່ຽວກັບການເພີ້ມທະວີການຄວບຄຸມ ແລະ ສະກັດກັ້ນ ການປູກ,ຜະລິດ,ປຸກແຕ່ງ,

ຊົມໃຊ້,ຄ້າຂາຍ,ຈຳໜາຍຂົນສົ່ງ,ມີໄວ້ຄອບຄອງ,ນຳເຂົ້າ,ສົ່ງອອກ, ພືດທີ່ມີສານເສບຕິດປະເພດຕ່າງໆໂດຍບໍ່ຖືກຕ້ອງຕາມກົດໝາຍ. ເພື່ອເປັນການຜັນຂະຫຍາຍບັນດານິຕິກຳ,

ຄຳສັ່ງກ່ຽວກັບການຈັດຕັ້ງປະຕິບັດວາລະແຫ່ງຊາດວ່າດ້ວຍການແກ້ໄຂບັນຫາຢາເສບຕິດ (2021-2023) ສະບັບເລກທີ່ 19/ນຍ, ແລະ ເປັນການເພີ່ມທະວີວຽກງານກວດກາ,ຄວບຄຸມ,ສະກັ້ດກັ້ນ ແລະ ຕ້ານຢາເສບຕິດ.

•ພາຍຫຼັງສຶກສາອົບຮົມກ່າວເຕືອນພວກກ່ຽວສຳເລັດແລ້ວ ທາງເຈົ້າໜ້າທີ່ຕຳຫຼວດ ປກສ ເມືອງທ່າແຂກ ກໍ່ໄດ້ສ້າງບົດບັນທຶກກ່າວເຕື່ອນ ເພື່ອໃຫ້ພວກກ່ຽວມີການປ່ຽນແປງພຶດຕິກຳຂອງຕົນເອງ,

ຖ້າຫາກພວກກ່ຽວຍັງໄດ້ສືບຕໍ່ກະທຳຜິດຕໍ່ໄປ ແມ່ນຈະຖືກເຈົ້າໜ້າທີ່ນຳຕົວມາດຳເນີນຄະດີຕາມກົດໝາຍຢ່າງເຂັ້ມງວດ.ພາບ-ຂ່າວ:ພັນຊະນະ

About admin

Check Also

ເຫດການເກີດທີ່,ບ້ານແຊວລີສູ່,ເມືອງຍອດອູ,ແຂວງຜົ້ງສາລີ

ເຫດການເກີດທີ່,ບ້ານແຊວລີສູ່,ເມືອງຍອດອູ,ແຂວງຜົ້ງສາລີ,ຕາມລາຍງານຈາກປະຊາຊົນບ້ານແຊວລີສູ່:ວ່າ ມີບໍລິສັດຈີນ ຊື່ວ່າ:ບໍລິສັດ ຢຸນນານວັນເວ ພະລັງງານຈຳກັດ,ໄດ້ມາລົງທຶນ ສານປະທານ ຂຸດຄົ້ນແຮ່ຖ່ານ ,ເຂດບ້ານແຊວລີສູ່ ແລະ ດີນນາ ດີນສວນ ຂອງປະຊາຊົນຊາວບ້ານແຊວລີສູ່ຫຼາຍຄອບຄົວຖືກໂຄງການ, ແຕ່ບໍລິສັດບໍ່ຍອມຊົດເຊີຍຄ່າເສຍຫາຍ ໃຫ້ປະຊາຊົນຊາວນາ ຊາວໄຮ່ …

Leave a Reply

Your email address will not be published. Required fields are marked *