Breaking News

ການຈະຮັກໃຜ ຫຼື ຄົບໃຜຄົນໜື່ງນັ້ນ ຢ່າໃຊ້ພຽງຫົວໃຈ ແຕ່ຄວນໃຊ້ສະໝອງໄປນຳ

ຄວາມຮັກ ຄວາມສຳພັນ ເມື່ອເລີ່ມເກີດຂື້ນລະຫວ່າງສອງຄົນນັ້ນ ເຮົາຕ້ອງໄດ້ໃຊ້ ສະໝອງຢ່າງມີວິທີ ເຮົາຕ້ອງໃຊ້ສະໝອງໃນການໄຕຕອງກ່ຽວກັບຄວາມຮັກຄັ້ງນີ້ ວ່າຈະເປັນແນວໃດ ເບີ່ງຈາກການກະທຳ ການເອົາໃຈໃສ່ຂອງອີກຝ່າຍ

ການໃສ່ໃຈນັ້ນອາດເຮັດໃຫ້ຫຼຸມຫຼົງ  ແລະ ອາດໃຊ້ອາລົມຫຼາຍກວ່າເຫດຜົນ ເພາະອາດຈະຮັກໃຜຈັກຄົນ ບໍ່ແມ່ນພຽງເຮົາຮູ້ສຶກຮັກ ຫຼື ເຮົາມັກມັນຈະພຽງພໍເພາະເຮົາຕ້ອງໃຊ້ສະໝອງໃນການຕັດສິນໃຈນຳ ວ່າຄວາມຮັກຄັ້ງນີ້ຈະເປັນແນວໃດ ພໍຈະເປັນຮັກທີ່ສາສາມາດໃຊ້ຊີວິດຢູ່ຮ່ວມກັນຫຼືບໍ່

ຫຼາຍຄົນເມື່ອໄດ້ຄົບກັນ ຫຼົງຮັກເຂົາຫຼາຍ ບໍ່ຢາກເສຍເຂົາໄປຍ້ອນວ່າຮັກ ເລີຍເອົາຫົວໃຈມາປິດກັ້ນສະໝອງເອົາໄວ້ ທັງໆທີ່ເຂົາເຮັດໃຫ້ເສຍໃຈສາລະພັດ ແຕ່ກໍຍັງຮັກ ແລະ ຍອມໃຫ້ອະໄພສະເໝີ ຍ້ອນຄິດວ່າເຂົາຈະປ່ຽນແປງເຫັນຄວາມດີຂອງຕົນ ຈົນຍອມເຂົາໄດ້ສະເໝີ

ຖ້າເປັນແບບນັ້ນສະແດງວ່າເຈົ້າໃຊ້ແຕ່ຫົວໃຈໃນການຮັກ ແຕ່ບໍ່ໄດ້ໃຊ້ສະໝອງ ບໍ່ໃຊ້ຄວາມຄິດ ບໍ່ໄຕຕອງອີຫຍັງເລີຍ ຖ້າຫາກໃຊ້ສະໝອງເອງ ກໍຄົງຄິດໄດ້ເອງວ່າ ເຂົາທຳລາຍຄວາມຮູ້ສຶກກັນ ເຂົາບໍ່ແຄກັນ ເຮັດໃຫ້ເສຍໃຈເປັນຕັ້ງເທົ່າໃດແລ້ວ ເເຕ່ເປັນຫຍັງຍັງທົນຮັກຢູ່ ທັງໆທີ່ຄວາມເປັນຈິງຄວນປ່ອຍເຂົາໄປໄດ້ແລ້ວ

ກໍເຂົ້າໃຈຢູ່ວ່າທີ່ຍອມກໍເພາະວ່າຮັກເຂົາຫຼາຍ ບໍ່ຢາກເສຍເຂົາໄປ  ແຕ່ຖ້າເຂົາບໍ່ໄດ້ຕັ້ງໃຈຈະຢຸດທີ່ເຮົາ ກໍໄຮ້ຄວາມໝາຍ ໃຫ້ຄວາມຮັກໄປເທົ່າໃດ ຊ່ຳໂຍນຫີນລົງນ້ຳ ບໍ່ໄດ້ຫຍັງກັບຄືນມາ ຕໍ່ໃຫ້ເຈົ້າຮັກເຂົາຫຼາຍຊ່ຳໃດ ສີ່ງທີ່ບໍ່ຄວນລືມກໍຄື ຢ່າລືມທີ່ຈະຮັກຕົວເອງ ຢ່າເຮັດໃຫ້ຕົວເອງໄຮ້ຄ່າ ເຊື່ອວ່າເຈົ້າຈະຕ້ອງໄດ້ພົບຄົນທີ່ກວ່າເຂົາແນ່ນອນ

ເພາະສະນັ້ນ ການຮັກ ຫຼື ຄົບໃຜຄົນໜື່ງນັ້ນ ຢ່າໃຊ້ພຽງຫົວໃຈ ແຕ່ຄວນໃຊ້ສະໝອງໄປນຳ ຢ່າລືມເກັບຫົວໃຈເອົາໄວ້ຮັກຕົວເອງແນ່ ຮັກຫຼາຍຊ່ຳໃດກໍໄດ້ ຮັກແບບບໍ່ເພື່ອໃຈກໍໄດ້ ແຕຢ່າລືມວ່າຄວາມຮັກ ມັນບໍ່ມີວັນແນ່ນອນຄືເກົ່າ ຕະຫຼອດ

ເພື່ອວັນໜື່ງຕ້ອງຜິດຫວັງຈາກຄວາມຮັກມາ ເຈົ້າຈະສາມາດຢູ່ໄດ້ດ້ວຍຕົນເອງ ແລະ ຄິດໄວ້ແລ້ວ ຕັ້ງຕົວຍອມຮັບທຳໃຈໄດ້ທັນ.

About admin

Check Also

ຢຸດເຜີຍແຜ່ ຢຸດແຊຣ໌ຄລິບ ໂ ປ້ ມັນເຊື່ອມເສຍຄອບຄົວອັບອາຍຂາຍໜ້າ ແລະ ຍັງຜິດກົດໝາຍ ມາດຕາ 168 ແລະ ມາດຕາ 169

ທ່ານຮູ້ຫລືບໍ່ວ່າການເອົາຄລິບໂປ້ລົງເຟສບຸກ, ວອ໋ດແອບ ຫລື ລະບົບຄອມພິມເຕີອຶ່ນໆ ນັ້ນແມ່ນເປັນການກະທຳຜິດກົດໝາຍອາຍາ ອິງຕາມ ມາດຕາ 168 (ການສ້າງຄວາມເສຍຫາຍຜ່ານສື່ສັງຄົມອອນລາຍ) ແລະ ມາດຕາ 169 (ການເຜີຍແຜ່ສິ່ງລາມົກຜ່ານລະບົບຄອມພິວເຕີ) ສຳລັບການແຊຣ໌ການສົ່ງຕໍ່ທີ່ເປັນການສ້າງຄວາມເສື່ອມເສຍກຽດສັກສີ ຫລື …

Leave a Reply

Your email address will not be published. Required fields are marked *