Breaking News

ແຂວງຫົວພັນຈັດເທດສະການປະກວດນາງສາວດອກຄາຍປ່າສະກຸຣະເມືອງລາວ

ການນຳແຂວງຕັດແຖບຜ້າເປີດງານນິທັດສະການດອກຄາຍປ່າ ແລະ ຊາກຸຣະຫົວພັນ ຕອນເຊົ້າວັນທີ 11 ມັງກອນ 2021 ນີ້, ແຂວງຫົວພັນໄດ້ຈັດພິທີເປີດງານນິທັດສະການດອກຄາຍປ່າ ແລະ ຊາກຸຣະຫົວພັນ ຂຶ້ນຢູ່ທີ່ ສວນມິດຕະພາບຫົວພັນ-ແທັງຮວ່າ ເປັນກຽດເຂົ້າຮ່ວມມີທ່ານ ເພິດ ມາປັນຍາ

ຮອງເລຂາພັກແຂວງ, ທ່ານ ພຸດພັນ ແກ້ວວົງໄຊ ກຳມະການປະຈຳພັກແຂວງ ຮອງເຈົ້າແຂວງ, ມີບັນດາທ່ານການນຳແຂວງ, ການນຳເມືອງ, ຫົວໜ້າພະແນກການ, ກອງບັນການທະຫານ, ກອງບັນການຕຳຫຼວດ, ພະນັກງານລັດຖະກອນ, ນ້ອງນັກຮຽນພ້ອມດ້ວຍພໍ່ແມ່ປະຊາຊົນບ້ານອ້ອມຂ້າງເທສະບານເມືອງຊໍາເໜືອເຂົ້າຮ່ວມນຳ. ທ່ານ ນາງ ໝັ້ນ ເພັງຄະຕິຍະ ກຳມະການພັກແຂວງ

ຫົວໜ້າພະແນກ ຖວທ ແຂວງຫົວພັນ ທ່ານ ນາງ ໝັ້ນ ເພັງຄະຕິຍະ ກຳມະການພັກແຂວງ ຫົວໜ້າພະແນກ ຖວທ ແຂວງໄດ້ຜ່ານປະຫວັດຄວາມເປັນມາຂອງດອກຄາຍປ່າ ແລະ ດອກຊາກຸຣະຫົວພັນ ເຊິ່ງໄດ້ຍົກໃຫ້ເຫັນ ແຂວງຫົວພັນເປັນແຂວງທີ່ມີທີ່ຕັ້ງພູມສັນຖານຖືເປັນແຂວງພູດອຍທີ່ມີອາກາດໜາວເຢັນ, ມີຄວາມອຸດົມສົມບູນທາງ

ດ້ານທຳມະຊາດ, ມີພູຜາປ່າໄມ້ຂຽວສົດງົດງາມຕະຫຼອດປີ ແລະ ຄວາມສວຍງາມຂອງທຳມະຊາດນັ້ນປະກອບມີດອກໄມ້ໃຫ້ດອກຕາມລະດູການຫຼາຍຊະນິດເຊັ່ນ: ດອກບານ, ດອກປີບ, ດອກແຄ, ດອກຝາງແດງ, ດອກລ້ານ ແລະ ດອກໄມ້ຊະນິດຕ່າງໆ ເດັ່ນກວ່າໝູ່ແມ່ນດອກຄາຍປ່າທີ່ມີຄວາມເປັນເອກະລັກ ແລະ ງົດງາມພິເສດເປັນສີບົວຈ່າງ

ແລະ ສີບົວເຂັ້ມມີລັກສະນະຄ້າຍຄືດອກຊາກຸຣະດອກໄມ້ປະຈຳຊາດຂອງປະເທດຍີ່ປຸ່ນ ສະນັ້ນ, ໃນປີ 2008 ທ່ານ ພັນຄຳ ວິພາວັນ ອາດີດເຈົ້າແຂວງໆຫົວພັນໄດ້ມີແຜນເລືອກດອກຄາຍປ່າ ຫຼື ເພິ່ນເອີ້ນວ່າ: “ດອກພັນພະນາ” ເອົາມາປູກເປັນຕົ້ນໄມ້ປະດັບໃຫ້ດອກພາຍໃນເທດສະບານຕົວເມືອງຊໍາເໜືອຈຳນວນ 400 ຕົ້ນ, ຕໍ່ມາໃນປີ 2010 ກໍ່ໄດ້ມີການປູກ

ເພີ່ມຕາມເສັ້ນທາງເລກທີ 6 ພູເລົ້າ-ເທສະບານຕົວເມືອງຊໍາເໜືອ-ວຽງໄຊ, ທາງໄປສະໜາມບິນໜອງຄ້າງ ແລະ ບ່ອນອື່ນໆ ເຊິ່ງພົບເຫັນດອກຄາຍປ່າບານຫຼາຍກວ່າໝູ່ແມ່ນຢູ່ເມືອງຊໍາເໜືອ ແລະ ເມືອງຫົວເມືອງ, ໃນປີ 2015 ສະມາຄົມຄົນພິການອາຊີປະເທດຍີ່ປຸ່ນເປັນອົງການທີ່ບໍ່ສັງກັດລັດຖະບານຕາງໜ້າໃຫ້ລັດຖະບານຍີ່ປຸ່ນໄດ້ມາສ້າງສວນດອກຊາກຸຣະ

ມິດຕະພາບລາວ-ຍີ່ປຸ່ນ ຢູ່ທີ່ເມືອງວຽງໄຊຕື່ມອີກເຊິ່ງມາຮອດລະດູໜາວປີນີ້ຕົ້ນຊາກຸຣະ ແລະ ດອກຄາຍປ່າຈຳນວນໜື່ງກໍ່ໄດ້ອອກດອກເບັ່ງບານສວຍງາມເປັນທີ່ປະທັບໃຈ ແລະ ດຶງດູດແຂກຄົນໃຫ້ເຂົ້າມາຢ້ຽມຢາມ ແລະ ທ່ຽວຊົມແຂວງຫົວພັນດ້ວຍບັນຍາກາດຟົດຟື້ນ…

About admin

Check Also

ບັ ງຄັ ບໃຫ້ພຣະອາຈານສົມປອງໜີຈາກວັດໜອງພະຍາ

ມື້ວັນທີ່ 21/7/2021 ນີ້ ອຳນາດການປົກຄອງເມືອງໄຊທານີ ນາຍບ້ານໜອງພະຍາ ພ້ອມດ້ວຍຕຳຫຼວດມາບັງຄັບໃຫ້ພຣະອາຈານສົມປອງໜີຈາກວັດໜອງພະຍາ ສ່ວນຄູບາຈົວລູກວັດຫລາຍອົງແມ່ນກໍ່ໃຫ້ໜີຈາກວັດໜອງພະຍາ ທາງເມືອງຄວນແຈ້ງໃຫ້ຊາວພຸດຮູ້ແດ່ວ່າພຣະອານຈານສົມປອງເພີ່ນເຮັດຫຍັງຜິດ ແລະ ຄູບາຈົວໃນວັດເຮັດຫຍັງຜິດ ຈື່ງດຳເນີນຄະດີກັບພະອາຈານສົມປອງ ແລະ ໄລ່ຈົວຄູບາໜີຈາກວັດ ເຊີ່ງໄກ້ຈະເຂົ້າພັນສາແລ້ວ ໃຫ້ສັງຄົມຮັບຮູ້ຄວາມຈິງນຳແດ່ຈື່ງຈະບໍ່ເກິດການວິພາກວິຈານຈາກທາງສັງຄົມວ່າທາງເມືອງທາງບ້ານໃຊ້ອຳນາດໃນທາງທີ່ບໍ່ຖືກຕ້ອງກັ່ນແກ້ງລັງແກພະອາຈານສົມປອງ …

Leave a Reply

Your email address will not be published. Required fields are marked *