Breaking News

ພັອ ພິມມະສອນ ທຳມະວົງ ລົງກວດກາບັນດາຈຸດປ້ອງກັນ ໃນໄລຍະປ້ອງກັນ ກອງປະຊຸມໃຫຍ່ ຄັ້ງທີ XI ຂອງພັກ

ໃນວັນທີ 11 ມັງກອນ 2021, ທ່ານ ພັອ ພິມມະສອນ ທຳມະວົງ ຮອງຫົວໜ້າກອງບັນຊາການ ປກສ ນະຄອນຫຼວງວຽງຈັນ ພ້ອມດ້ວຍຄະນະ ໄດ້ລົງກວດກາຄວາມພ້ອມ ຢູ່ບັນດາຈຸດປ້ອງກັນບ້ານໃໝ່, ບ້ານຈຳປາ ເມືອງສີໂຄດຕະບອງ ແລະ 4 ແຍກໄຟແດງຕານມີໄຊ,

ໜ້າມະຫາວິທະຍາໄລແຫ່ງຊາດ, 4 ແຍກໄຟແດງໂນນສະອາດ ແລະ ໄຟແດງຫຼັກ 21 ເມືອງໄຊທານີ ນະຄອນຫຼວງວຽງຈັນ ເພື່ອກວດກາຄວາມພ້ອມປ້ອງກັນເວນຍາມ ໃນໄລຍະກະກຽມກອງປະຊຸມໃຫຍ່ ຄັ້ງທີ XI ຂອງພັກ ໃຫ້ມີຄວາມເປັນລະບຽບຮຽບຮ້ອຍ, ສະຫງົບ-ປອດໄພ.

ໃນການລົງກວດກາບັນດາຈຸດຄັ້ງນີ້, ທ່ານ ພັອ ພິມມະສອນ ທຳມະວົງ ໄດ້ຮຽກຮ້ອງໃຫ້ພະນັກງານແຕ່ລະຈຸດ ໃຫ້ເອົາໃຈໃສ່ເພີ່ມທະວີກວດກາລາດຕະເວນ ຢູ່ໃນຂອບເຂດຄວາມຮັບຜິດຊອບຂອງຕົນ ແລະ ເກັບກຳສະພາບການໃຫ້ລະອຽດ ຖ້າຫາກມີເຫດການໃດເກີດຂຶ້ນ ໃຫ້ລາຍງານຄະນະຮັບຜິດຊອບ ເພື່ອລົງສະກັດກັ້ນ ແລະ ແກ້ໄຂ ໃຫ້ທັນສະພາບການ. ໃນໂອກາດທີ່ທ່ານລົງກວດກາສະພາບແຕ່ລະຈຸດ, ທ່ານ ພັອ ພິມມະສອນ ທຳມະວົງ ຍັງໄດ້ມອບນ້ຳດື່ມໃຫ້ພະນັກງານ-ນັກຮົບແຕ່ລະຈຸດ.

About admin

Check Also

ຂ່າວດ່ວນ ມື້ນີ້ີ້ ສປປ ລາວ​ ກວດພົບຜູ້ຕິດ​ເຊື້ອ​ ເພີ່ມໃໝ່ອີກ​ 280 ຄົນ

ຈາກການຖະແຫຼ່ງຂ່າວໂຄວິດ – 19 ຂອງຄະນະສະເພາະກິດ ປະຈຳວັນທີ່ 28 ກໍລະກົດ​ 2021 ພົບວ່າມີຜູ້ຕິດເຊື້ອໂຄວິດເພີ່ມໃໝ່ 280 ຄົນ ນະຄອນຫຼວງ​ 46 ຄົນ​(ນຳເຂົ້າ 45 …

Leave a Reply

Your email address will not be published. Required fields are marked *