ອ່ານໃຫ້ຮູ້ ແລ້ວແຊໄວ້!.. ເຄືອໝາກລ້ຳ ເປັນຢາຮັກສາ ຫລອດລົມອັກເສບ,​ ຕັບແຂງ ແລະ ເຈັບກະເພາະ

ເຄືອໝາກລ້ຳມີສັບພະຄຸນຫລາກຫລາຍໂດຍທີ່ທ່ານຍັງບໍ່ຮູ້ ແລະ ສາມາດຮັກສາໂລກທີ່ທ່ານເຄີຍເປັນເຄີຍເຈັບຢູ່ເຊື່ງລາຍລະອຽດມີດັ່ງນີ້:

ຮາກເຄືອໝາກລ້ຳ: ເປັນຢາແກ້ຫືດ, ຫຼອດລົມອັກເສບ, ແກ້ໄອແຫ້ງ, ເຈັບຄໍ, ແກ້ ແລະ ຂັບເສມຫະ, ແກ້ອາການປວດທ້ອງ, ຮ້ອນໃນ, ຮັກສາອາການເຈັບທ້ອງ – ຈຸກສຽບ ແລະ ຂັບປັດສະວະ. ດ້ວຍການໃຊ້ຮາກແຫ້ງປະມາ 10-15 ກຣັມ ມາຕົ້ມກັບນ້ຳດື່ມ.

ທັງຕົ້ນເຄືອໝາກລ້ຳ: ແກ້ອາການຮ້ອນໃນ, ແກ້ພິດຮ້ອນ, ຖອນພິດໄຂ້, ຊ່ວຍຫຼຸດຄວາມດັນເລືອດ, ແກ້ອາການເຈັບກະເພາະ, ຮັກສາຕັບອັກເສບແບບຊຳເຮື້ອ, ຕັບແຂງ, ທ້ອງໃຄ່, ຊ່ວຍຂັບຄວາມຊຸ່ມ, ແກ້ອາການເຈັບຂໍ້, ເຈັບກະດູກເນື່ອງຈາກຊີ້ນເກາະຕິດ ແລະ ໃຊ້ເປັນຢາແກ້ພິດງູ.

ວິທີ: ແມ່ນເອົາໃບ,​ຮາກ,​ ຕົ້ນ ມາຕົ້ມກັບນ້ຳດື່ມ ຫລື ນຳຮາກແຫ້ງປະມາ 10-15 ກຣັມ ມາຕົ້ມກັບນ້ຳດື່ມ.

ໃບເຄືອໝາກລ້ຳ: ເປັນຢາແກ້ອາການເຈັບຄໍ, ຫຼອດລົມອັກເສບ, ຊ່ວຍກະຕຸ້ນນ້ຳລາຍ, ເປັນຢາຖ່າຍ, ແກ້ອາການເຈັບຕາມເສັ້ນປະສາດ ແລະ ເຈັບບວມຕາມຂໍ້. ນຳໃບມາຕົ້ມກັບນ້ຳດື່ມ ແກ້ເຈັບຄໍ, ແກ້ຫລອດລົມອັກເສບ

ແກ່ນເຄືອໝາກລ້ຳ: ຮັກສາຂີ້ກາກ-ຂີ້ເກື້ອນ, ຂ້າພະຍາດຜິວໜັງ, ຝີໜອງ ແລະ ອັກເສບ.

ຫມາຍເຫດ ຫລື ຂໍ້ຄວນລະວັງ: ເມັດເຄືອໝາກລ້ຳເປັນພືດທີ່ມີສີສັນງົດງາມສະດຸດຕາ ແຕ່ເມັດທີ່ມີສານຜິດທີ່ຮ້າງແຮງ ຖ້າກິນໄດ້ລົງໄປກໍ່ອາດຈະເສຍຊີວິດໄດ້.​ສະນັ້,​ຜູ້ທີ່ຢາກຈະໃຊ້ມາເປັນຢານັ້ນຕ້ອງມີຄວາມຮູ້ເລິກຫລືເຂົ້າໃຈວິທີນ້ຳໃຊ້ທີ່ຖືກຕ້ອງຈື່ງນຳໃຊ້ເດີ້.​ ດີແທ້ແມ່ນຕ້ອງປືກສານຳຜູ້ທີ່ເຄີຍໃຊ້ແລ້ວ ຫລື ປືກສາທ່ານຫມໍກ່ອນ.

ຂໍ້ຫ້າມ: ຫ້າມໃຊ້ຢານີ້ໂດຍຄວາມບໍ່ເຂົ້າໃຈດີ ເພາະຕົ້ມຫມາກລ້ຳນີ້ມີສານແຮງ ຫລື ຖ້າຢາກໃຊ້ແທ້ໆແມ່ນທ່ານສາມາດຮຽນຮູ້ເພິ່ມເຕີມຈາກທີ່ມາ: https://bit.ly/3krt4hv ເພື່ອຄວາມເຈົ້າໃຈ.

ເຄືອໝາກລ້ຳມີລັກສະນະ: ລຳຕົ້ນເປັນລຳເລືອ, ເລືອຕາມຕົ້ນໄມ້ໃຫຍ່. ໃບປະສົມຂັ້ນໜຶ່ງ, ອອກຮຽງສະຫຼັບ, ກ້ານໃບຍາວ 2-3 ຊມ. ໃບຍ່ອຍອອກກົງກັນຂ້າມ, ມີ 4-7 ຄູ່, ຮູບຂອບຂະໜານ, ກ້ວາງ 0.5-1 ຊມ, ຍາວ 3.2-4.5 ຊມ, ໂຄນໃບບ້ຽວ ຫຼື ມົນ, ຂອບລຽບ, ປາຍມົນ ຫຼື ຕິ່ງໜາມ, ຜິວໃບດ້ານລຸ່ມມີຂົນກະຈາຍຢ່າງໜາແໜ້ນ.

ກ້ານໃບຍາວ 1-1.5 ມມ, ມີຂົນປົກຄຸມຢ່າງໜາແໜ້ນ. ຊໍ່ດອກແບບກະຈະ, ຍາວ 4-9 ຊມ. ດອກຍ່ອຍມີຈຳນວນຫຼາຍ, ຮູບກຽວ. ກີບດອກກີບກາງຮູບຮີ, ຍາວ 1.2-1.3 ຊມ, ປາຍວ້ຳຕື້ນ, ສີຂາວ, ກີບປີກ ແລະ ກີບຄູ່ລຸ່ມສັ້ນກ່ວາກີບປາກ. ເຕົ້າໄຂ່ ແລະ ຄໍເຕົ້າໄຂ່ມີຂົນອ່ອນນຸ້ມຈັບຢູ່ຢ່າງໜາແໜ້ນ.

ໝາກຮູບຂອບຂະໜານ, ຍາວ 4-8 ຊມ ໝາກແກ່ສີນ້ຳຕານ, ໝາກແຫ້ງແລ້ວແຕກ. ແກ່ນມີ 4-12 ເມັດຕໍຝັກ, ຮູບຮີ, ແປເລັກນ້ອຍສີນ້ຳຕານ, ດຳ ຫຼື ສີແດງສົ້ມ.

About admin

Check Also

ໃຜແຊຣ໌ຂໍໄຫ້ມີບຸນມີອະນິສົງຫຼວງຫຼາຍເດີຂໍໄຫ້ມົດທຸກມົດໂສກມົດໂລກມົດໄຟຫາຍ

ເອົາພຣະສັກສິດພຣະອົງທອງດຳຫາເບິ່ງຍາກເອົາຂື້ນແທ້ນແລ້ວເຊີນພີນ້ອງມາສົງໄດ້ສົງການປີນີ້ ສຳເລັດພາຍໄນແລ້ວວັດບ້ານບຶງຂາມເມືອງແລະເເຂວງສາລະວັນ ໄຜແຊລ໌ຂໍໄຫ້ມີບຸນມີອະນິສົງຫຼວງຫຼາຍເດີຂໍໄຫ້ມົດທຸກມົດໂສກມົດໂລກມົດໄຟຫາຍພະຍາດໂລຄາອັນຕະລາຍທັ້ງຫຼາຍທັງປ່ວງສາທຸສາທາສຸສາທຸ ຊົມຄຼິບ

Leave a Reply

Your email address will not be published. Required fields are marked *