ຄູຍັກຍອກເອົາເງິນ ຂອງນັກຮຽນ 400 ກ່ວາລ້ານກີບ ຫຼື 40.000 ໂດລາ

ລາຍງານຈາກຕ່າງປະເທດ ວັນທີ 12 ມັງກອນນີ້ວ່າ: ວັນທີ 11 ມັງກອນ Maslinda Zainal ອາຍຸ 46 ປີ, ອະດີດ ຫົວໜ້າພາກວິຊາພາສາອັງກິດ ແລະ ວັນນະຄະດີ ໂຮງຮຽນ ມ ປາຍ ໃນລັດ Woodgrove ຖືກລົງໂທດໃນຂໍ້ຫາ ຫຼອກລວງເອົາເງິນຂອງນັກຮຽນຫຼາຍກວ່າ 40.000 ໂດລາ.ຜູ້ພິພາກສາ Ng Cheng Thiam ໃຫ້ຮູ້ວ່າ Maslinda ນັ້ນໄດ້ຖືກມອບໝາຍໃຫ້ເຮັດໜ້າທີ່ເກັບເງິນນຳນັກຮຽນ ເພື່ອສົ່ງມອບໃຫ້ກັບຄູອາຈານໃນຈູພາສາອັງກິດ. ເຊິ່ງເງິນຈຳນວນດັ່ງກ່າວຈະໃຊ້ຈ່າຍເຂົ້າໃນການຊື້ອຸປະກອນການ

ຮຽນ, ແລະອາຈານຄົນດັ່ງກ່າວເກັບເງິນນຳນັກຮຽນໄດ້ 35.000 ໂດລາໃນປີ 2016 ໃນປີຕໍ່ມາແມ່ນເກັບໄດ້ເຖິງ 36.000 ໂດລາ. ຊຶ່ງລວມກັນແລ້ວຫຼາຍກວ່າ 70.000 ໂດລາ ຊຶ່ງເປັນຈຳນວນເງິິນສູງກວ່າຈຳນວນທີ່ຕ້ອງການຕົວຈິງເພື່ອຊື້ອຸປະກອນການຮຽນ.Maslinda ໄດ້ເອົາເງິນຈຳນວນດັ່ງກ່າວໃຫ້ Cheng Bee

Lian ເຈົ້າຂອງຮ້ານປື້ມຂອງໂຮງຮຽນ 13.000 ໂດລາ ຂອງປີ 2016 ແລະ ປີ 2017 ແມ່ນ 17.000 ໂດລາ ໃນໄລຍະ 2 ປີນີ້ ໂດຍມີໃບບິນຄັກແນ່ ແລະ ຜູ້ກ່ຽວກໍ່ສາມາດຍັກຍອກສໍ້ໂກງໄດ້ 41.000 ໂດລາ ສ່ວນເລື່ອງລາວຂອງ Maslinda ທີ່ຫຼອກລວງເອົາເງີນນີ້ເລີ້ມບໍ່ເປັນຄວາມລັບ ໃນເມື່ອ ນາງ Jacqueline Chan ຫົວໜ້າວິຊາການຂອງໂຮງຮຽນ ເຫັນພິລຸດຄວາມແຕກຕ່າງລະຫວ່າງເງິນຕົວຈິງທີ່ເກັບໄດ້ ກັບຕົວເລກໃນໃບບິນຂອງຮ້ານປື້ມ.ຂອງຕົ້ນປີ 2016 ນາງ Jacqueline Chan ໄດ້ຮຽກຮ້ອງໃຫ້ Cheng Bee

Lian ກັອບປີ້ເອົາໃບບິນມາໃຫ້ເບິ່ງ. ເຊິ່ງຜູ້ດູແລຮ້ານປື້ມເວົ້າກັບ Jacqueline Chan ວ່າ “Maslinda ບອກຂ້ອຍວ່າ ຢ່າໃຫ້ ນາງ Jacqueline ເຫັນໃບບິນນີ້ເດີ”. ສຸດທ້າຍກໍ່ເສຍລັບ, ຜູ້ອຳນວຍການໂຮງຮຽນໄດ້ໄປລາຍງານຕໍ່ເຈົ້າໜ້າທີ່ຕຳຫຼວດ ເມື່ອເດືອນ ເມສາ 2017 ແລະ ອາຈານຄົນດັ່ງກ່າວ ກໍຖືກຈັບກຸມໃນມື້ນັ້ນທັນທີ.ເຊິ່ງເບີກຄວາມຕໍ່ສານ Maslinda ເວົ້າວ່າ ຕົນເອງບໍ່ໄດ້ນັບຈຳນວນເງິນ ແລະ ບໍ່ໄດ້ຮັກສາເອກກະສານໄວ້. ເງິນທີ່ສົ່ງໃຫ້ກັບຮ້ານປື້ມນັ້ນ ບໍ່ແມ່ນເງິນທັງໝົດທີ່ເກັບໄດ້,

ສ່ວນທີ່ຍັງເຫຼືອ ຕົນເອງໄດ້ເອົາໄປຊື້ ອຸປະກອນຮັບໃຊ້ຫ້ອງການ ແລະ ເຄື່ອງໃຊ້ສອຍອື່ນໆ ໃຫ້ນັກຮຽນ. ໝາຍຄວາມວ່າ ເຂົາຍອມຮັບສາລະພາບວ່າໄດ້ເອົາເງິນຈຳນວນໜຶ່ງເພື່ອໃຊ້ຈ່າຍສ່ວນຕົວ.ນາງ Maslinda ຈະຖືກຕັດສິນໂທດໃນວັນທີ 24 ກຸມພາ 2021 ທີ່ຈະມາເຖິງ, ອາດຈະໄດ້ຮັບໂທດຈຳຄຸກ 10 ປີ ແລະ ຖືກປັບໃໝເປັນເງິນຕື່ມອີກ.

About admin

Check Also

ເຫັນ​ແລ້ວ​ນໍ້າຕາໄຫລ​ ສົງສານ​ພໍ່ແລະລູກ

ນີ້ເປັນຄິຼບຈາກປະເທດເພື່ອນບ້ານ ປະເທດຫວຽດນາມ, ເຫັນແລ້ວກັ້ນນ້ຳຕາບໍ່ໄດ້. ຍ້ອນໂລກໂຄວິດ ພັດພາກຄົນທີ່ຮັກຈາກລູກກັບຜົວໄປ… ໂດຍບໍ່ມີວັນຈະກັຍຄືນມາໄດ້….😭😭😭 #ຈົ່ງປ້ອງກັນກ່ອນທຸກຢ່າງຈະສາຍເກີນໄປ ບໍ່ຢາກໃຫ້ມັນພາກຊີວິດຂອງໃຜອີກ. ເຮົາຈົ່ງສູ້ໄປພ້ອມກັນ ຊົມຄລິບ ທີ່ມາ

Leave a Reply

Your email address will not be published. Required fields are marked *