Breaking News

ຄັ້ງທຳອິດໃນໂລກ​ ລິງ ກໍຣິລາ ຢູ່ສວນສັດ​ຊານ​ດິ​ເອ​ໂກ ລັດ​ແຄ​ລິ​ຟໍ​ເນຍ ຕິດໂຄວິດ

ສວນສັດ​ຊານ​ດິ​ເອ​ໂກ ລັດ​ແຄ​ລິ​ຟໍ​ເນຍ ສະຫະລັດ​ອາ​ເມ​ລິ​ກາ ກວດ​ພົບ​ເຊື້ອ​ໂຄ​ວິດ-19 ​ໃນ​ລິງ​ກໍຣິລາ 2 ​ໂຕ ຫລັງ​ພວກ​ມັນ​ມີ​ອາການ​ບໍ່​ສະບາຍ ​ແລະ ​ໄອ ​ເມື່ອ​ວັນ​ທີ 6 ມັງກອນ​ຜ່ານ​ມາ ຈຶ່ງ​ສົ່ງ​ມັນ​​ໄປ​ກວດ​ຮ່າງກາຍ ກ່ອນ​ຜົນ​ກວດ​ຢືນຢັນ​ພົບ​ເຊື້ອ​ໂຄ​ວິດ-19 ​​ໃນ​ວັນ​ທີ 11 ມັງກອນ.ສວນສັດ​ແຫ່ງ​ນີ້​ມີ​ກໍຣິລາ​​ໃນ​ການ​ເບິ່ງ​ແຍງ​ທັງ​ໝົດ 8 ​ໂຕ

ແລະ ​ໃນ​ຈຳນວນ​ນີ້​ມີ​ອີກ 3 ​ໂຕ​ມີ​ອາການ​ຢູ່​ໃນ​ກຸ່ມ​ສ່ຽງ, ​ແຕ່​ຍັງ​ບໍ່​ພົບ​ວ່າ​ຕິດ​ໂຄ​ວິດ-19 ​ເຊິ່ງທາງ​ສວນສັດ​ກຳລັງ​ເຝົ້າຕິດຕາມ​ອາການ​ຢ່າງ​ໃກ້ຊິດ ລວມກັບ​ເຈົ້າໜ້າ​ທີ່​ຄວບ​ຄຸມພະ​ຍາດ​ຂອງ​ແຄ​ລິ​ຟໍ​ເນຍ.ສ່ວນ​ອາການ​ຂອງ​ກໍຣິລາ​ທີ່​ຕິດ​ເຊື້ອນັ້ນມີ​ອາການ​ໄອ, ​ແຕ່​ໂດຍ​ລວມຍັງ​ບໍ່​ມີ​ຫຍັງ​ໜ້າ​ເປັນ​ຫ່ວງ​ຫລາຍ ຍັງ​ສາມາດ​ກິນ​ອາຫານ ​ແລະ ດື່ມນ້ຳ​ໄດ້​ດີ,

ສ່ວນ​ສາ​ເຫດ​ຂອງ​ການ​ຕິດ​ເຊື້ອຄາດ​ວ່າ ​ເປັນ​ການ​ໄດ້​ຮັບ​ເຊື້ອມາ​ຈາກ​ເຈົ້າໜ້າ​ທີ່​ສວນສັດ​ຄົນ​ໜຶ່ງ ທີ່​ມີ​ອາການ​ປ່ວຍ ​ແລະ ບໍ່​ສະ​ແດງ​ອາການ. ຫລ້າ​ສຸດ ທາງ​ສວນສັດ​ຊານ​ດິ​ເອ​ໂກ ປະກາດ​ປິດ​ໃຫ້​ບໍລິການ​ຊົ່ວຄາວ ພ້ອມ​ຍົກ​ລະດັບ​ມາດ​ຕະການ​ຄວບ​ຄຸມ​ການລະບາດ​ໃນ​ເຂດ​ສວນສັດ.

About admin

Check Also

ແມ່ຖືພາໄດ້ກຳເນີດລູກແຝດ 10 ຄົນ ທະລາຍສະຖິຕິໂລກ

ຍິງທ່ານໜຶ່ງ ຊື່ວ່າ Gosiame Thamara Sithole ອາຍຸ 37 ປີ ຊາວອັບຟຣິກາໃຕ້ ໃຫ້ກຳເນີດລູກ 10 ຄົນໃນຄັ້ງດຽວ ເຊິ່ງເປັນການຖືພາຄັ້ງທີ່ສອງຂອງລາວ. ຖືພາຄັ້ງທຳອິດກໍແມ່ນແຝດ 2 …

Leave a Reply

Your email address will not be published. Required fields are marked *