ຊົມເຊີຍອຳນາດການປົກຄອງບ້ານແລະປະຊາຊົນບ້ານແກສີພົມກໍ່ສ້າງທາງເຂົ້າບ້ານດ້ວຍທຶນຕົນເອງ100%

ໃນວັນທີ11 ມັງກອນ2021 ນີ້ ທ່ານ ປອ ສົມລິດ ເປືອກແກ້ວປະທານສະພາປະຊາຊົນແຂວງໄຊຍະບູລີພ້ອມພາກສ່ວນທີ່ກ່ຽວຂ້ອງຂັ້ນເມືອງໄດ້ລົງຊຸກຍູ້, ຕິດຕາມການກໍ່ສ້າງຍົກລະດັບເສັ້ນທາງ, ການວາງທໍ່ເສັ້ນທາງຜັງບ້ານແກສີພົມເມືອງຊຽງຮ່ອນແຂວງໄຊຍະບູລີໂດຍມີອຳນາດການປົກຄອງບ້ານຕ້ອນຮັບການກໍ່ສ້າງຍົກລະດັບເສັ້ນທາງ, ການວາງທໍ່ເສັ້ນທາງຜັງບ້ານແກສີພົມເປັນໂຄງການລົງທຶນຂອງປະຊາຊົນ100% ເຊິ່ງມີລວງຍາວຂອງເສັ້ນທາງທັງໝົດ3.360 ແມັດ

ອັດແໜ້ນໜ້າທາງດ້ວຍຫີນຄອມລວງກວ້າງຂອງໜ້າທາງຫຼັກແມ່ນ6 ແມັດແລະລວງກ້ວາງຂອງທາງຊອຍ4,5 ແມັດເຊິ່ງໄດ້ເລີ່ມລົງມືຕັ້ງແຕ່ວັນທີ31 ທັນວາ2020 ຜ່ານມາລວມມູນຄ່າການກໍ່ສ້າງທັງໝົດ344  ລ້ານກີບໂດຍແມ່ນທຶນຂອງພໍ່ແມ່ປະຊາຊົນ100% ສ່ວນພາກລັດແມ່ນສະໜອງວິຊາການໃນການອອກແບບແລະຕິດຕາມການກໍ່ສ້າງບ້ານດັ່ງກ່າວເປັນບ້ານທີ່ຕັ້ງຢູ່ເຂດຊານເມືອງຂອງເມືອງຊຽງຮ່ອນປະກອບມີ236 ຄອບຄົວ18 ໜ່ວຍຄຸ້ມຄອງພົນລະເມືອງມີພົນລະເມືອງທັງໜົດ  1040 ຄົນ, ຍິງ646  ຄົນໂດຍແມ່ນບໍລິສັດໄຊຍາກໍ່ສ້າງຄົບວົງຈອນຈຳກັດເປັນຜູ້ຮັບເໝົາໄລຍະການກໍ່ສ້າງແມ່ນກຳນົດ15 ວັນໃຫ້ສຳເລັດມາຮອດປະຈຸບັນການກໍ່ສ້າງສຳເລັດແລ້ວ95% ການກໍ່ສ້າງຄັ້ງນີ້ແມ່ນເກີດຈາກຄວາມສາມັກຄີແລະຄວາມເປັນເອກະພາບຂອງປະຊາຊົນພາຍໃນບ້ານເພື່ອເຮັດໃຫ້ການຊົມໃຊ້ທາງພາຍໃນບ້ານມີຄວາມສະດວກດີຂື້ນ  ແລະອິກດ້ານໜຶ່ງກໍ່ເພື່ອເປັນການປະຕິບັດຕາມແຜນພັດທະນາເສດຖະກິດສັງຄົມຂອງບ້ານທີ່ວາງໄວ້ເຮັດໃຫ້ການສັນຈອນພາຍໃນບ້ານໃຫ້ມີຄວາມສະດວກດີຂື້ນເປັນກ້າວໆ.

ໃນໂອກາດລົງຕິດຕາມການກໍ່ສ້າງໃນຄັ້ງນີ້ປະທານສະພາປະຊາຊົນແຂວງໄຊຍະບູລີຍັງໄດ້ເໜັ້ນໜັກໃຫ້ວິຊາການຕິດຕາມແລະບໍລິສັດຮັບເໝົາກໍ່ສ້າງຈົ່ງໄດ້ພ້ອມກັນເອົາໃຈໃສ່ກໍ່ສ້າງເສັ້ນທາງດັ່ງກ່າວໃຫ້ໄດ້ຕາມມາດຕະຖານເຕັກນິກທີ່ໄດ້ກຳນົດໄວ້.

About admin

Check Also

ຂ່າວດ່ວນໂຄວິດແຂວງວຽງຈັນແມ່ຕູ້ໄວ 70ປີເສຍຊີວິດ

ໃນວັນທີ 23 ຕຸລາ 2021 ເວລາ 8:15ນາທີ ໜວ່ຍກູ້ຊີບອົງການກາແດງແຂວງວຽງຈັນ ໄດ້ຮັບແຈ້ງເຫດຂໍຄວາມຊ່ວຍເຫຼືອຜ່ານເບີ 023 1625ວ່າມີຄົນເສຍຊີວິດຈາກການຕິດເຊື່ອໂຄວິດ-19 ຢູ່ສູນປີ່ນປົວໂພນໂຮງ ແຂວງວຽງຈັນ. ເມື່ອໜ່ວຍກູ້ຊີບ-ກູ້ໄພສຸກເສີນໄປຮອດສະຖານທີ່ພົບເຫັນຜູ້ເສຍຊີວິດ ເຈັບ01ຄົນ,ເປັນຍີງ.ອາຍຸ 70 …

Leave a Reply

Your email address will not be published. Required fields are marked *