Breaking News

ທ່ານ ທອງລຸນ ສິສຸລິດ ຖືກເລືອກຕັ້ງເປັນເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ

ສະຫາຍ ທອງລຸນ ສິສຸລິດ ຖືກເລືອກຕັ້ງເປັນເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວສະໄໝທີ 11 ກອງປະຊຸມໃຫຍ່ຜູ້ແທນທົ່ວປະເທດຂອງພັກປະຊາຊົນປະຕິວັດລາວຄັ້ງທີ 11 ໄດ້ປິດລົງດ້ວຍຜົນສໍາເລັດໃນວັນທີ 15 ມັງກອນີ້ທີ່ນະຄອນຫຼວງວຽງຈັນ, ສະຫາຍ ທອງລຸນ ສິສຸລິດ ໄດ້ຖືກເລືອກຕັ້ງເປັນເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ.

ນອກນັ້ນ, ກອງປະຊຸມຍັງໄດ້ເລືອກຕັ້ງຄະນະບໍລິຫານງານສູນກາງພັກປະຊາຊົນປະຕິວັດລາວສະໄໝທີ 11 ປະກອບມີກໍາມະການກົມການເມືອງສູນກາງພັກ 13 ສະຫາຍ ຍິງ 2 ສະຫາຍ ເຊິ່ງມີ:

1.ສະຫາຍ ປອ ທອງລຸນ ສີສຸລິດ

2. ສະຫາຍ ປອ ພັນຄໍາ ວິພາວັນ 3. ສະຫາຍ ນາງ ປານີ ຢາທໍ່ຕູ້ 4. ສະຫາຍ ປອ ບຸນທອງ ຈິດມະນີ 5. ສະຫາຍ ປອ ໄຊສົມພອນ ພົມວິຫານ 6. ສະຫາຍ ພົນເອກ ຈັນສະໝອນ ຈັນຍາລາດ 7. ສະຫາຍ ປອ ຄໍາພັນ ພົມມະທັດ 8. ສະຫາຍ ປອ ສິນລະວົງ ຄຸດໄພທູນ 9. ສະຫາຍ ສອນໄຊ ສີພັນດອນ 10. ສະຫາຍ ສຈ ປອ ກິແກ້ວ ໄຂຄໍາພິທູນ 11. ສະຫາຍ ພົນໂທ ວິໄລ ຫຼ້າຄໍາຟອງ 12. ສະຫາຍ ນາງ ສີໃສ ລືເດດມູນສອນ 13. ສະຫາຍ ສະເຫຼີມໄຊ ກົມມະສິດ

ກອງປະຊຸມໄດ້ເປັນເອກະສັນກັນເລືອກເອົາສະຫາຍ ບຸນທອງ ຈິດມະນີ ເປັນຜູ້ປະຈໍາການຄະນະເລຂາທິການສູນກາງພັກ ແລະທ່ານ ຄໍາພັນ ພົມມະທັດ ເປັນປະທານຄະນະກວດກາສູນກາງພັກ.

ຄະນະບໍລິຫານງານສູນກາງພັກປະຊາຊົນປະຕິວັດລາວສະໄໝທີ11ປະກອບມີກໍາມະການສົມບູນສູນກາງພັກຈໍານວນ 71 ສະຫາຍ, ຍິງ 12 ສະຫາຍ, ກໍາມະການສໍາຮອງສູນກາງພັກ 10 ສະຫາຍ, ຍິງ 2 ສະຫາຍ.

About admin

Check Also

ແຈ້ງດ່ວນ!..ລະບຽບການທ່ຽວງານບຸນນະມັດສະການພຣະທາດ ສີໂຄດຕະບອງ ປະຈຳປີ 2023

ຄະນະປະທານຈັດງານບຸນ ອອກລະບຽບການທ່ຽວງານບຸນນະມັດສະການພຣະທາດ ສີໂຄດຕະບອງ ປະຈຳປີ 2023 ມີຄື: 1. ທຸກຄົນທີ່ມາທ່ຽວງານບຸນຕ້ອງຍົກສູງສະຕິລະວັງຕົວ ເປັນເຈົ້າການຕ້ານທຸກການກະທໍາ ແລະ ເລ່ຫຼ່ຽມກົນອຸບາຍຂອງພວກຄົນບໍ່ດີທີ່ຫວັງກໍ່ຄວາມບໍ່ສະຫງົບໃນງານບຸນ. 2. ອໍານາດການປົກຄອງໃນແຕ່ລະບ້ານ ຈົ່ງພ້ອມກັນເອົາໃຈໃສ່ຈັດຕັ້ງການເຄື່ອນໄຫວກວດກາ ເວນຍາມຕາມສະຖານທີ່ຄຸ້ມບ້ານຂອງຕົນຕະຫຼອດ …

Leave a Reply

Your email address will not be published. Required fields are marked *