ທ່ານໄບເດັນ ປະກາດແຜນການຊ່ວຍເຫຼືອ 1,900 ຕື້ໂດລາ ຮັບມືໄວຣັສໂຄໂຣນາ

ປະທານາທິບໍດີທີ່ຖືກເລືອກໃໝ່ ທ່ານໂຈ ໄບເດັນ ໄດ້ເປີດເຜິຍແຜນການຮັບມືກັບໄວຣັສໂຄໂຣນາ ໃນຕອນແລງວັນພະຫັດວານນີ້ ໂດຍກ່າວຢໍ້າເຖິງຄວາມຮີບດ່ວນໃນການຮັບຜ່ານຮ່າງກົດໝາຍເພື່ອຊ່ວຍໃຫ້ຊາວອາເມຣິກັນ ຜ່ານພົ້ນ ການແຜ່ລະ ບາດຂອງໂຄວິດ-19 ແລະວິກິດການດ້ານເສດຖະກິດ ທີ່ເກີດຂຶ້ນຍ້ອນພະຍາດດັ່ງກ່າວ.

Democratic presidential candidate, former Vice President Joe Biden, speaks during a campaign event, Tuesday, July 14, 2020, in Wilmington, Del. (AP Photo/Patrick Semansky)

ທ່ານໄບເດັນໄດ້ກ່າວໃນວັນພະຫັດວານນີ້ ຢູ່ໃນຄຳປາໄສເພື່ອນຳສະເໜີແຜນການກູ້ໄພຊາວອາເມຣິກັນໂດຍກ່າວວ່າ “ລະຫວ່າງທີ່ເກີດໂຣກລະບາດນີ້ ມີຊາວອາເມ ຣິກັນຫຼາຍລ້ານຄົນ ທີ່ເຂົາເຈົ້າບໍ່ໄດ້ເຮັດຫຍັງຜິດໄດ້ສູນເສຍກຽດສັກສີແລະຄວາມ ນັບຖື ທີ່ມາກັບເຊັກຈ່າຍເງິນ.”

ແຜນຂອງທ່ານໄບເດັນແມ່ນຮວມທັງການຈ່າຍເງິນໂດຍກົງຮອບໃໝ່ 1,400 ໂດລາໃຫ້ແກ່ຊາວອາເມຣິກັນທັງໝົດ ໃຫ້ທຶນເພື່ອສົ່ງເສີມການເປີດໂຮງຮຽນຄືນຢ່າງປອດໄພແລະເພີ້ມໂຄງການສັກຢາວັກຊີນໃນທົ່ວປະເທດ. ນອກນັ້ນແລ້ວຍັງຮວມທັງຈາກເງິນຕື່ມ 400 ໂດລາຕໍ່ອາທິດ ສຳລັບການປະກັນໄພເງິນຫວ່າງງານ ໄປຈົນຮອດເດືອນກັນຍາ.

ໃນການບັນເທົາທຸກຕໍ່ບັນດາທຸລະກິດຂະນາດນ້ອຍ ຊຶ່ງເປັນທີ່ຮູ້ກັນດີວ່າເປັນທຸລະກິດທີ່ເປັນເຈົ້າຂອງໂດຍຄົນຜີວດໍານັ້ນ ຍັງໄດ້ໃຫ້ລາຍລະອຽດຢູ່ໃນແຜນການ.

ແຜນການດັ່ງກ່າວ ຊຶ່ງທີມງານຂອງຄະນະໂອນອຳນາດໄດ້ອະທິບາຍວ່າ “ເປັນແຜນການທີ່ກະຕືລືລົ້ນ ແຕ່ກໍສາມາດບັນລຸໄດ້” ແມ່ນກະປະມານວ່າຈະມີມູນຄ່າທັງໝົດ1,900  ຕື້ໂດລາ ອີງຕາມຖະແຫຼງການທີ່ນຳອອກເຜີຍແຜ່ກ່ອນການກ່າວ ຄຳປາໄສຂອງທ່ານໄບເດັນ.

ນັ້ນແມ່ນໂຕເລກ ທີ່ສະມາຊິກພັກຣີພັບບລິກກັນກ່າວວ່າ ຫຼາຍເກີນໄປໂພດຫວ່າງ ບໍ່ດົນຜ່ານມານີ້.

ທ່ານຈອນ ຄໍນິນ (John Cornyn) ສະມາຊິກສະພາສູງພັກຣີພັບບລິກັນຈາກລັດເທັກຊັສ ໄດ້ສົ່ງຂໍ້ຄວາມທາງທວິດເຕີວ່າ “ຈື່ໄດ້ບໍວ່າແຜນການບັນເທົາທຸກໂຄວິດ-19 ຂອງທັງສອງພັກ 900 ຕື້ໂດລາ ຫາກໍເປັນກົດໝາຍໄດ້ພຽງແຕ່ 18 ມື້ກ່ອນ.”

ເທື່ອນີ້ ທ່ານໄບເດັນ ຈະມີສະພາຕ່ຳທີ່ຄວບຄຸມໂດຍພັກເດໂມແຄຣັດ ໂດຍມີສຽງ ສ່ວນຫຼາຍພຽງເລັກນ້ອຍ ແລະສະພາສູງ ທີ່ແບ່ງກັນພັກລະ 50-50 ໂດຍມີຮອງ ປະທານາທິບໍດີ ທ່ານນາງຄາມາຣາ ແຮຣິສ (Kamara Harris) ພ້ອມແລ້ວທີ່ຈະຕັດສິນຊີ້ຂາດ.

ສະມາຊິກພັກເດໂມແຄຣັດຄົນນຶ່ງ ທ່ານໂຈ ແມນຈີນ (Joe Manchin) ຈາກລັດ ແວັທເວີຈີເນຍ (West Virginia) ໃນວັນສຸກມື້ນີ້ ໄດ້ສົ່ງຂໍ້ຄວາມທາງທວິດເຕີວ່າ “ຖ້າຫາກເຊັກເງິນຊ່ວຍເຫຼືອຮອບໃໝ່ອອກໄປ ມັນຄວນແນໃສ່ ບັນດາຜູ້ທີ່ມີຄວາມຕ້ອງການ.”

About admin

Check Also

ເຫັນ​ແລ້ວ​ນໍ້າຕາໄຫລ​ ສົງສານ​ພໍ່ແລະລູກ

ນີ້ເປັນຄິຼບຈາກປະເທດເພື່ອນບ້ານ ປະເທດຫວຽດນາມ, ເຫັນແລ້ວກັ້ນນ້ຳຕາບໍ່ໄດ້. ຍ້ອນໂລກໂຄວິດ ພັດພາກຄົນທີ່ຮັກຈາກລູກກັບຜົວໄປ… ໂດຍບໍ່ມີວັນຈະກັຍຄືນມາໄດ້….😭😭😭 #ຈົ່ງປ້ອງກັນກ່ອນທຸກຢ່າງຈະສາຍເກີນໄປ ບໍ່ຢາກໃຫ້ມັນພາກຊີວິດຂອງໃຜອີກ. ເຮົາຈົ່ງສູ້ໄປພ້ອມກັນ ຊົມຄລິບ ທີ່ມາ

Leave a Reply

Your email address will not be published. Required fields are marked *