ໂທລະເລກອວຍພອນ ຈາກສະຫາຍເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ

ສະຫາຍເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ ອວຍພອນ ສະຫາຍເລຂາທິການໃຫຍ່ຄະນະບໍລິຫານງານ ສູນກາງພັກປະຊາຊົນ ປະຕິວັດລາວ ສະໄໝທີ XI.

ໃນວັນທີ 15 ມັງກອນ 2021, ສະຫາຍ ຫງວຽນຟູຈ້ອງ, ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານປະເທດແຫ່ງ ສສ ຫວຽດນາມ ໄດ້ສົ່ງໂທລະເລກອວຍພອນ ເຖິງສະຫາຍ ທອງລຸນ ສີສຸລິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນ ປະຕິວັດລາວ ສະໄໝ ທີ XI ເຊິ່ງມີເນື້ອໃນ ດັ່ງນີ້:

ສະຫາຍ ທອງລຸນ ສີສຸລິດ ທີ່ຮັກແພງ,

ຕາງໜ້າຄະນະບໍລິຫານງານສູນກາງພັກກອມມູນິດຫວຽດນາມ ແລະ ໃນນາມສ່ວນຕົວ, ຂ້າພະເຈົ້າ ມີຄວາມປິຕິຍິນດີເປັນຢ່າງຍິ່ງ ແລະ ຂໍສົ່ງມິດຈິດມິດໃຈອັນສະໜິດສະໜົມ, ຄຳອວຍພອນໄຊຢ່າງສຸດອົກສຸດໃຈເຖິງ ສະຫາຍ ທອງລຸນ ສີສຸລິດ ເນື່ອງໃນໂອກາດທີ່ສະຫາຍໄດ້ໄດ້ຮັບເລືອກຕັ້ງເປັນ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນ ປະຕິວັດລາວ ສະໄໝທີ XI.

ການທີ່ສະຫາຍໄດ້ຮັບເລືອກຕັ້ງເປັນ ເລຂາທິການໃຫຍ່ ຄະນະບໍລິຫານງານສູນກາງພັກປະຊາຊົນ ປະຕິວັດລາວ ເປັນການສະແດງເຖິງຄວາມໄວ້ເນື້ອເຊື່ອໃຈຂອງ ທົ່ວພັກ, ທົ່ວປວງຊົນ ກໍ່ຄືບັນດາຜົນງານການປະກອບສ່ວນອັນໃຫຍ່ຫຼວງຂອງສະຫາຍ ຕໍ່ພາລະກິດການປະຕິວັດລາວ. ຂ້າພະເຈົ້າ ເຊື່ອໝັ້ນຢ່າງໝັກແໜ້ນວ່າພາຍໃຕ້ການນຳພາຂອງ ພັກປະຊາຊົນ ປະຕິວັດລາວ ໂດຍມີສະຫາຍເປັນເລຂາທິການໃຫຍ່, ປະຊາຊົນລາວອ້າຍນ້ອງ ຈະສືບຕໍ່ຍາດໄດ້ຜົນສຳເລັດໃໝ່, ໃຫຍ່ຫຼວງກວ່າເກົ່າໃນພາລະກິດປ່ຽນແປງໃໝ່, ຈັດຕັ້ງປະຕິບັດມະຕິກອງປະຊຸມໃຫຍ່ ຄັ້ງທີ XI ຂອງພັກ ຢ່າງມີໄຊ; ສ້າງປະເທດລາວ ສັນຕິພາບ, ເອກະລາດ, ປະຊາທິປະໄຕ, ເອກະພາບ ແລະ ວັດທະນາຖາວອນ ຕາມເປົ້າໝາຍສັງຄົມນິຍົມ

ອວຍພອນໃຫ້ ສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ຫວຽດນາມ-ລາວ ຈົ່ງຂຽວສົດງົດງາມ ແລະ ໝັ້ນຄົງຂະໜົງແກ່ນຕະຫຼອດໄປ. ອວຍພອນ ສະຫາຍເລຂາທິການໃຫຍ່ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະ ມີຜົນສຳເລັດ ໃນໜ້າທີ່ວຽກງານອັນມີກຽດຂອງຕົນ.

ພັກ, ລັດຖະບານ ແລະ ປະຊາຊົນຫວຽດນາມ ຈະເຮັດສຸດຄວາມສາມາດຂອງຕົນ ຮ່ວມກັບ ພັກ, ລັດຖະບານ ແລະ ປະຊາຊົນລາວ ປົກປັກຮັກສາ ແລະ ເພີ່ມພູນຄູນສ້າງ ສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ຫວຽດນາມ-ລາວ ໃຫ້ນັບມື້ນັບຂະຫຍາຍຕົວຢ່າງບໍ່ຢັ້ງກ້າວເຂົ້າສູ່ລວງເລິກ, ແທດຕົວຈິງ ແລະ ມີປະສິດທິຜົນໃນທຸກຂົງເຂດ, ນຳເອົາຜົນປະໂຫຍດມາສູ່ປະຊາຊົນ ສອງປະເທດ, ເພື່ອສັນຕິພາບ, ສະຖຽນລະພາບ, ການຮ່ວມມື ແລະ ການພັດທະນາຢູ່ໃນພາກພື້ນ ແລະ ໃນໂລກ.

ອວຍພອນໃຫ້ ສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ຫວຽດນາມ-ລາວ ຈົ່ງຂຽວສົດງົດງາມ ແລະ ໝັ້ນຄົງຂະໜົງແກ່ນຕະຫຼອດໄປ. ອວຍພອນ ສະຫາຍເລຂາທິການໃຫຍ່ ຈົ່ງມີສຸຂະພາບເຂັ້ມແຂງ, ມີຄວາມຜາສຸກ ແລະ ມີຜົນສຳເລັດ ໃນໜ້າທີ່ວຽກງານອັນມີກຽດຂອງຕົນ.

About admin

Check Also

ເຫັນ​ແລ້ວ​ນໍ້າຕາໄຫລ​ ສົງສານ​ພໍ່ແລະລູກ

ນີ້ເປັນຄິຼບຈາກປະເທດເພື່ອນບ້ານ ປະເທດຫວຽດນາມ, ເຫັນແລ້ວກັ້ນນ້ຳຕາບໍ່ໄດ້. ຍ້ອນໂລກໂຄວິດ ພັດພາກຄົນທີ່ຮັກຈາກລູກກັບຜົວໄປ… ໂດຍບໍ່ມີວັນຈະກັຍຄືນມາໄດ້….😭😭😭 #ຈົ່ງປ້ອງກັນກ່ອນທຸກຢ່າງຈະສາຍເກີນໄປ ບໍ່ຢາກໃຫ້ມັນພາກຊີວິດຂອງໃຜອີກ. ເຮົາຈົ່ງສູ້ໄປພ້ອມກັນ ຊົມຄລິບ ທີ່ມາ

Leave a Reply

Your email address will not be published. Required fields are marked *