ສານພິພາກສາອະດີດປະທານາທິບໍດີ ປາກກິນເຮ ຕິດຄຸກ 20 ປີ ຂໍ້ຫາໃຊ້ອຳນາດໃນທາງທີ່ບໍ່ຖືກຕ້ອງ

ສານພິພາກສາສູງສຸດຂອງ ສ.ເກົາຫລີ ມີຄຳພິພາກສາຕັດສິນລົງໂທດນາງ ປາກກິນເຮ ອະດີດປະທານາທິບໍດີ ອາຍຸ 68 ປີ ຕິດຄຸກ 20 ປີ ພ້ອມປັບໄໝເງິນ 18.000 ລ້ານວອນ ຈາກຄວາມຜິດໃນຂໍ້ຫາໃຊ້ອຳນາດໃນທາງບໍ່ຖືກຕ້ອງ, ຮັບສິນບົນ ແລະ ຂູ່ເຂັນຜູ້ອື່ນ ເຊິ່ງຖືເປັນການປິດຄະດີທີ່ສ້າງຄວາມສັ່ນສະເທືອນແກ່ປະຫວັດສາດການເມືອງ

ສ.ເກົາຫລີ.ອະດີດປະທານາທິບໍດີ ປາກກິນເຮ ຖືກຖອດຖອນຈາກຕຳແໜ່ງໃນປີ 2017 ແລະ ຖືເປັນປະທານາທິບໍດີ ສ.ເກົາຫລີ ທີ່ມາຈາກການເລືອກຕັ້ງຄົນທຳອິດທີ່ຖືກຖອດຖອນ

ເຊິ່ງໃນປີ 2018 ນາງຖືກຕັດສິນວ່າມີຄວາມຜິດ 16 ຂໍ້ຫາ ຈາກທັງໝົດ 18 ຂໍ້ຫາ ໂດຍສ່ວນຫລາຍກ່ຽວຂ້ອງກັບການຮັບສິນບົນ ແລະ ໃຊ້ອຳນາດຂູ່ເຂັນໂດຍສານຕັດສິນວ່ານາງສົມຮູ້ຮ່ວມຄິດກັບ ຊອຍຊຸນຊິລ ໝູ່ຂອງນາງ ໃຊ້ອຳນາດກົດດັນກຸ່ມບໍລິສັດຍັກໃຫຍ່ເຊັ່ນ: Samsung ແລະ Lotte ເພື່ອໃຫ້ບໍລິຈາກເງິນ 77,4 ພັນລ້ານວອນ ແກ່ມູນນິທິທີ່ດຳເນີນງານໂດຍ ຊອຍຊຸນຊິລ.

ກ່ອນໜ້ານີ້, ສານສູງ ສ.ເກົາຫລີ ມີຄຳຕັດສິນໃນເດືອນກໍລະກົດ ໃຫ້ຫລຸດໂທດນາງ ປາກກິນເຮ ຈາກຈາກທີ່ຖືກຕັດສິນຕິດຄຸກ 30 ປີ ເຫລືອ 20 ປີ. ຂະນະທີ່ ໄອຍະການ ສ.ເກົາຫລີ ພະຍາຍາມຍື່ນອຸທອນຄັດຄ້ານການຫລຸດໂທດດັ່ງກ່າວ.

ທັງນີ້ ນາງ ປາກກິນເຮ ຈະຕ້ອງຮັບໂທດຕິດຄຸກທັງໝົດ 22 ປີ ໂດຍລວມກັບໂທດຕິດຄຸກ 2 ປີ ທີ່ນາງຖືກຕັດສິນຄວາມຜິດເມື່ອປີ 2018 ໃນຄະດີແຊກແຊງການເລືອກຕັ້ງຂັ້ນຕົ້ນ ເພື່ອສະເໜີຊື່ຜູ້ສະໝັກຂອງພັກເຊນູຣີທີ່ເປັນພັກຂອງນາງໃນເວລານັ້ນ.

About admin

Check Also

ເຫັນ​ແລ້ວ​ນໍ້າຕາໄຫລ​ ສົງສານ​ພໍ່ແລະລູກ

ນີ້ເປັນຄິຼບຈາກປະເທດເພື່ອນບ້ານ ປະເທດຫວຽດນາມ, ເຫັນແລ້ວກັ້ນນ້ຳຕາບໍ່ໄດ້. ຍ້ອນໂລກໂຄວິດ ພັດພາກຄົນທີ່ຮັກຈາກລູກກັບຜົວໄປ… ໂດຍບໍ່ມີວັນຈະກັຍຄືນມາໄດ້….😭😭😭 #ຈົ່ງປ້ອງກັນກ່ອນທຸກຢ່າງຈະສາຍເກີນໄປ ບໍ່ຢາກໃຫ້ມັນພາກຊີວິດຂອງໃຜອີກ. ເຮົາຈົ່ງສູ້ໄປພ້ອມກັນ ຊົມຄລິບ ທີ່ມາ

Leave a Reply

Your email address will not be published. Required fields are marked *