Breaking News

ຕົ້ນເພ້ຍຟານ ເປັນຢາ​ດີ ເຈັບທ້ອງບິດ, ຮາກເປັນເລືອດ,​ ເປັນລົມວິນວຽນ, ແກ້ຕົວເຫຼືອງ ແລະ​ ຕາເຫຼືອງ

ຕົ້ນເພ້ຍຟານສັມີບພະຄຸນທີ່ຫລາກຫລາຍເຊັ່ນ: ຮາກ: ຝົນໃສ່ນ້ຳດື່ມເປັນຢາແກ້ໄຂ້, ພິຊຳແດງ, ໃຊ້ຄ້ຽວອົມ ຫຼື ໃຊ້ຄ້ຽວກັບໝາກເປັນຢາແກ້ໄອ, ຕົ້ມດື່ມເປັນຢາແກ້ທ້ອງບິດ, ແກ້ອາການຈຸກສຽດທ້ອງ, ຮັກສາອາການເຈັບກ້າມເນື້ອ.

ທັງຕົ້ນ: ໃຊ້ຕົ້ມດື່ມເປັນຢາແກ້ຕົວເຫຼືອງ, ຕາເຫຼືອງ, ເປັນຢາແກ້ໄຂ້, ແກ້ໄຂ້ມາລາເຣຍ (ຕົ້ນ, ຮາກ, ໝາກ, ທັງຕົ້ນ ແລະ ແກ່ນ).ໃບ: ເປັນຢາແກ້ຕັບ, ມ້າມໃຫຍ່, ໃຊ້ຕຳກັບປູນພອກຖອນພິດແມງຂີ້ແຂັບ, ແມງງອດກັດ, ແກ້ຝີໜອງ ແລະ ຂີ້ກາກຂີ້ເກື້ອນ.

ໝາກ: ເປັນຢາແກ້ທ້ອງບິດ, ໃຊ້ເປັນຢາຂັບພະຍາດພິດ, ຂ້າພະຍາດພິດ (ໝາກ ແລະ ແກ່ນ), ເປັນຢາແກ້ອາການເຈັບທ້ອງ, ເປັນຢາແກ້ກະໄສ, ບຳລຸງທາດ, ຊ່ວຍຈະເລີນອາຫານ, ແກ້ອາການເປັນລົມວິນວຽນ, ຕົ້ມດື່ມເປັນຢາຂັບພິຮ້ອນ (ໝາກສົດ 5-10 ກຼາມ),

ແກ່ອາການຫາວເລີ, ໝາກແກ້ອາການຮາກເປັນເລືອດ, ແກ້ອາການເຈັບເອິກ, ຊ່ວຍບຳລຸງນ້ຳດີ, ບຳລຸງນ້ຳເຫຼືອງ, ເປັນຢາແກ້ລົມ, ແກ້ພິດຕານຊາງ, ຂັບເສມຫະ ແລະ ຂັບພະຍາດພິດໃນທ້ອງ.

ແກ່ນ: ໃຊ້ເປັນຢາຄຸມທາດ, ບຳລຸງທາດ, ຊ່ວຍຕ້ານມະເຮັງ, ແກ້ທ້ອງບິດອາມີບ້າ (ໂດຍໃຊ້ເມັດຈຳນວນ 10-15 ເມັດນຳມາບົດໃຫ້ລະອຽດໃຊ້ແຄັບຊູນ, ຮັບປະທານວັນລະສາມຄັ້ງຕິດຕໍ່ກັນ 7-10 ວັນ), ໃຊ້ເປັນຢາຮັກສາພະຍາດກ່ຽວກັບລຳໄສ້ ແລະ ຮັກສາພະຍາດຜິວໜັງ, ຂີ້ກາກ, ຕາປາ (ນຳມາບົດໃຫ້ເປັນຜົງນຳມາໂຮຍໃສ່ບໍລິເວນທີ່ເປັນ ຫຼື ນຳມາປະສົມກັບນ້ຳມັນໝາກພ້າວໄດ້ເຊັ່ນດຽວກັນ).

ໝາຍເຫດ: ສະມູນໄພຊະນິດນີ້ເປັນພິດບໍ່ຄວນໃຊ້ໃນປະລິມານຫຼາຍ ສຳລັບຜູ້ທີ່ກະເພາະລຳໄສ້ ອ່ອນແອ, ເດັກອາຍຸຕ່ຳກ່ວາ 9 ປີ ແລະ ຜູ້ຍິງຖືພາຫ້າມຮັບປະທານສະໝູນໄພຊະນິດນີ້.

ຕົ້ນເພ້ຍຟານມີລັກສະນະ: ຈັດເປັນໄມ້ຟຸ່ມ ຫຼື ໄມ້ຢື່ນຕົ້ນຂະໜາດນ້ອຍ. ລຳຕົ້ນສູງ 2-4 ມ, ເປືອກລຳຕົ້ນລຽບ, ສີຂາວປົນເທົາ, ມີຂົນສີເຫຼືອງປົກຄຸ່ມທົ່ວລຳຕົ້ນຢ່າງໜາແໜ້ນ. ໃບປະສົມຂັ້ນໜຶ່ງແບບຂົນນົກປາຍຄີກ, ອອກຮຽງສະຫຼັບວຽນອ້ອມກິ່ງ.

ກ້ານໃບຍາວ 5-10 ຊມ. ໃບຍ່ອຍມີ 5-13 ໃບ, ຮູບຮີ, ກ້ວາງ 3-6 ຊມ, ຍາວ 5-10 ຊມ, ຮູບໄຂ່ ຫຼື ຮູບຫອກ, ໂຄນໃບມົນ ຫຼື ຕັດ,ຂອບແສກແຂ້ວເລື່ອຍ, ປາຍແຫຼມ, ແຜ່ນໃບບາງ, ຜິວໃບດ້ານເທິງເປັນສີຂຽວເຂັ້ມ, ຜິວໃບດ້ານລຸ່ມສີຂຽວອ່ອນ, ຜິວໃບມີຂົນອ່ອນນຸ້ມປົກຄຸມທັງສອງດ້ານ.

ກ້ານໃບຍ່ອຍຍາວ 3-10 ມມ. ຊໍ່ດອກແບບກະຈະ, ອອກຕາມງ່າມໃບ ແລະ ປາຍຍອດ, ຍາວ 5-40 ຊມ. ດອກແຍກເພດຕ່າງຕົ້ນ ແລະ ໃນຕົ້ນດຽວກັນ, ດອກຍ່ອຍມີຂະໜາດນ້ອຍ, ສີຂາວອົມຂຽວ, ສີແດງອົມຂຽວ ຫຼື ສີມ່ວງ. ກາບດອກມີ 4 ກາບ, ມີຂະໜາດນ້ອຍຫຼາຍ.

ກີບດອກມີ 4 ກີບ, ຮູບບ່ວງ, ມີຂະໜາດໃຫຍ່ກ່ວາກາບດອກເລັກນ້ອຍ, ສີຂຽວອົມມ່ວງ ຫຼື ສີນ້ຳຕານແດງ. ເກສອນເພດຜູ້ກ້ານຊູລະອອງເກສອນ, ຮູບຊົງກົມ. ປາຍຮວງຮັບແຍກເປັນ 4 ພູ.

ໝາກສົມມີເນື້ອ, ອອກສ່ວນເປັນພວງ ຫຼື ເປັນກຸ່ມ, ມີປະມານ 1-4 ໝາກ, ຮູບກົມ, ຂະໜາດນ້ອຍ, ຍາວປະມານ 4 ມມ, ຜິວໝາກລຽບເປັນມັນ, ເປືອກໝາກແຂງ, ໝາກອ່ອນເປັນສີຂຽວ, ໝາກແກ່ເປັນສີດຳ ຫຼື ສີນ້ຳຕານດຳ. ແກ່ນມີ 1 ແກ່ນ, ຮູບກົມ ຫຼື ຮູບໄຂ່, ຜິວແກ່ນລຽບ, ເປັນມັນ, ສີເຫຼືອງອ່ອນ ຫຼື ສີນ້ຳຕານ.

About admin

Check Also

ຢຸດເຜີຍແຜ່ ຢຸດແຊຣ໌ຄລິບ ໂ ປ້ ມັນເຊື່ອມເສຍຄອບຄົວອັບອາຍຂາຍໜ້າ ແລະ ຍັງຜິດກົດໝາຍ ມາດຕາ 168 ແລະ ມາດຕາ 169

ທ່ານຮູ້ຫລືບໍ່ວ່າການເອົາຄລິບໂປ້ລົງເຟສບຸກ, ວອ໋ດແອບ ຫລື ລະບົບຄອມພິມເຕີອຶ່ນໆ ນັ້ນແມ່ນເປັນການກະທຳຜິດກົດໝາຍອາຍາ ອິງຕາມ ມາດຕາ 168 (ການສ້າງຄວາມເສຍຫາຍຜ່ານສື່ສັງຄົມອອນລາຍ) ແລະ ມາດຕາ 169 (ການເຜີຍແຜ່ສິ່ງລາມົກຜ່ານລະບົບຄອມພິວເຕີ) ສຳລັບການແຊຣ໌ການສົ່ງຕໍ່ທີ່ເປັນການສ້າງຄວາມເສື່ອມເສຍກຽດສັກສີ ຫລື …

Leave a Reply

Your email address will not be published. Required fields are marked *