Breaking News

ໜຸ່ມນ້ອຍໄວ 14 ປີ ປະກາດຂາຍໝາກໄຂ່ຫຼັງ ຫວັງເອົາເງິນມາຊື້ເຂົ້າລ້ຽງນ້ອງລ້ຽງແມ່

ແຟນເພຈທີ່ຮັກແພງ ທຸກຄົນເກີດມາລ້ວນມີຕົ້ນທຶນຊີວິດທີ່ແຕກຕ່າງກັນ ບາງຄົນທຸກ ກໍ່ເຖິງຂັ້ນບໍ່ມີເຂົ້າກິນບໍ່ມີເຮືອນຢູ່ ດັ່ງຊາຍໜຸ່ມນ້ອຍຄົນນີ້ ອາໃສຢູ່ກັບແມ່ ແລະ ນ້ອງ ຄອບຄົວທຸກຈົນຫຼາຍບໍ່ມີແມ້ກະທັ້ງເຂົ້າກິນ ຈົນຕ້ອງປະກາດຂາຍໝາກໄຂ່ຫຼັງ ຫວັງເອົາເງິນມາຈຸນເຈືອຊື້ເຂົ້າຊື້ອາຫານລ້ຽງນ້ອງແລະ ແມ່.

ເລື່ອງລາວທີ່ແອັດເກີ່ນມາຂ້າງເທິງເປັນເຫດການທີ່ເກີດຂຶ້ນຢູ່ປະເທດໄທ ແຕ່ແອັດຢາກຍົກມາເປັນສິ່ງເຕືອນໃຈ ຫຼື ເຕືອນສະຕິໃຫ້ກັບຄົນທີ່ກໍາລັງສູ້ຊີວິດ ຫຼື ກໍາລັງທໍ້ຖອຍນ້ອຍໃຈໃນໂຊກຊະຕາຂອງຕົນເອງ ໃຫ້ລຸກຂຶ້ນສູ້ ຫາທາງແກ້ໄຂພັກດັນໂຕເອງໃຫ້ໄປສູ່ຄວາມສຸກສະບາຍ ແຕ່ກໍ່ຕ້ອງຫາໃນທາງທີ່ຖືກຕ້ອງບໍ່ຜິດກົດໝາຍ ບໍ່ສ້າງຄວາມເດືອດຮ້ອນໃຫ້ຕົນເອງ ຫຼື ຄົນອື່ນ.

ແນ່ນອນວ່າການຫາທາງສູ້ຊີວິດຂອງແຕ່ລະຄົນມັນບໍ່ຄືກັນ ແຕ່ກັບກໍລະນີຂອງຊາຍໜຸ່ມຄົນນີ້ ແອັດເຂົ້າໃຈໄດ້ວ່າຜູ້ກ່ຽວອາດໝົດຫົນທາງແລ້ວ ຈົນເຖິງຂັ້ນປະກາດຂາຍໝາກໄຂ່ຫຼັງຕົນເອງ ແຕ່ທັ້ງນີ້ ສິ່ງທີ່ລາວເຮັດລົງໄປກໍ່ເພື່ອຄວາມຢູ່ລອດຂອງຄອບຄົວ ແຕ່ມັນກໍ່ບໍ່ແມ່ນທາງອອກທີ່ດີ ແລະ ແອັດເອງກໍ່ບໍ່ຂໍແນະນໍາ.

ແນວໃດກໍ່ຕາມ ແອັດຂໍລົງລາຍລະອຽດກາຽວກັບເລື່ອງນີ້ເລັກນ້ອຍ ໂດຍເຫດເກີດຈາກຜູ້ໃຊ້ເຟສບຸກຊື່ “Poramet Misomphop”  ໄດ້ມີການໂພສຂໍ້ຄວາມຂອງເດັກນ້ອຍໄວ 14ປີ ທັກແຊັດຂໍ້ຄວາມມາຫາຂໍຄວາມຊ່ວຍເຫຼືອ, ເຊິ່ງເນື້ອໃນລະບຸວ່າ: ຂໍເງິນ 50ບາດ ເພື່ອຊື້ເຂົ້າໃຫ້ແມ່ກັບນ້ອງ ແລະ ຂໍຊ່ວຍໃຫ້ປະກາດຂາຍໄຕ ໝາກໄຂ່ຫຼັງ 1ຂ້າງ ເພື່ອຫາເງິນມາຈຸນເຈືອຄອບຄົວ ເຊິ່ງເລື່ອງລາວກັ່ງກ່າວສ້າງຄວາມຕົກໃຈໃຫ້ກັບທຸກຄົນໃນໂລກອອນລາຍເປັນຈໍານວນຫຼາຍ.

ແນວໃດກໍ່ຕາມ ຫຼັງຜູ້ໂພສຂໍ້ຄວາມດັ່ງກ່າວໄປບໍ່ດົນຜູ້ກ່ຽວກໍ່ລົງພື້ນທີ່ຕົວຈິງ ໄປຊ່ວຍເບື້ອງຕົ້ນ ເຮັດໃຫ້ເຫັນໄດ້ວ່າຊີວິດຂອງເດັກນ້ອຍຄົນນີ້ລໍາບາກແທ້ ຕ້ອງອອກໄປເກັບຂີ້ເຫຍື້ອມາຂາຍກັບນ້ອງຊາຍ ໄດ້ມື້ລະ 29ບາດເທົ່ານັ້ນ ເຊິ່ງເງິນທີ່ໄດ້ກໍ່ຈະນໍາມາຊື້ເຂົ້າ 1ຫໍ່ ແບ່ງກັນກິນ 3ຄົນແມ່ລູກ.

ທັ້ງນີ້, ຜູ້ໂພສເຟສບຸກຍັງໄດ້ປະກາດຂໍຄວາມຊ່ວຍເຫຼືອ ລະດົມທຶນລະດົມເຄື່ອງຊ່ວຍເຫຼືອເພື່ອໄປມອບໃຫ່ກັບ 3ແມ່ລູກນີ້ແລ້ວ.

About admin

Check Also

ມູນຄ່າການນໍາເຂົ້າ ແລະ ສົ່ງອອກ ລະຫວ່າງ ສປປ ລາວ ແລະ ຣັດເຊຍ ລວມໄດ້ 27.5 ລ້ານໂດລາສະຫະລັດ.

ໄລຍະ 5 ປີ ຜ່ານມາ ມູນຄ່າການນໍາເຂົ້າ ແລະ ສົ່ງອອກ ລະຫວ່າງ ສປປ ລາວ ແລະ ຣັດເຊຍ ລວມໄດ້ 27.5 ລ້ານໂດລາສະຫະລັດ. …

Leave a Reply

Your email address will not be published. Required fields are marked *