Breaking News

15 ຄ່ຳເດືອນ 3 ລາວ “ບຸນ​ເຂົ້າ​ຈີ່” ສາ​ທຸໆ ໂຊກ​ໝານ​ລ້ຳ​ລວຍ

ມື້ນີ້ຂຶ້ນ15 ຄ່ຳເດືອນ 3 ລາວແມ່ນມື້ບຸນເຂົ້າຈີ່ ຂໍນຳສະເໜີ​ຂໍ້ມູນກ່ຽວກັບຕຳນານບຸນເຂົ້າຈີ່ມາຝາກ, ຕຳນານເລົ່າຂານດັ່ງກ່າວມີດັ່ງນີ້

ປາງກ່ອນມີຍິງຄົນໜຶ່ງຊື່ : ປຸນນະທາສີ ເປັນຄົນທຸກໄຮ້ເຂັນໃຈ ແລະ ເປັນຄົນຮັບໃຊ້ເສດຖີຄົນໜຶ່ງ ຢູ່ໃນເມືອງຣາຊະຄຶ,​ ວັນໜຶ່ງເສດຖີແຕ່ງໃຫ້ນາງໄປຕຳເຂົ້າແຕ່ເຊົ້າເທົ້າຄ່ຳ,​ ນາງໄດ້ຮັບຄວາມອິດເມື່ືອຍຫຼາຍ,​ ຫລັງຈາກຕຳເຂົ້າຮຽບຮ້ອຍແລ້ວນາງໄດ້ເອົາຮຳເຂົ້າປັ້ນເປັນກ້ອນຈີ່ໄຟໃຫ້ສຸກແລ້ວເອົາໃສ່ໃນຖົງຂອງຕົນເພື່ອຈະບໍລິໂພກເຂົ້າຈີ່ນັ້ນເປັນອາຫານໃນເວລາໄປຕັກນ້ຳ.

ພໍເມື່ອຍ່າງໄປຕາມທາງ,​ ນາງໄດ້ພົບເຫັນພຣະພຸດທະເຈົ້າກຳລັງສະເດັດບິນທະບາດເລີຍເກີດຄວາມເຫຼື່ອມໃສສັດທາຢາກຖວາຍທານ ໂດຍຄິດວ່າຕົນເປັນຄົນທຸກຍາກໄຮ້ໃນຊາດນີ້ຍ້ອນບໍ່ໄດ້ທຳບຸນໃຫ້ທານໄວ້ໃນຊາດກ່ອນ ແລະ ຊາດນີ້ກໍ່ບໍ່ເຄີຍໄດ້ທຳບຸນຫຍັງເລີຍ,​ ນາງຄິດແນວນັ້ນເລິຍຄິດເອົາເຂົ້າຈີ່ທີ່ຕົນໄດ້ເຮັດດ້ວຍຮຳນັ້ນເຂົ້າໄປຖວາຍແກ່ພຣະພຸດທະເຈົ້າ ເມື່ອພຣະອົງຊົງຮັບແລ້ວກໍ່ນັ່ງສະເຫວີຍເຂົ້າຈີ່ນັ້ນຕໍ່ໜ້ານາງ,​ ເມື່ອສະເຫວີຍແລ້ວກໍ່ໄດ້ຕັດອະນຸໂມທະນາຄາຖາໂຜດນາງຈົນສຳເລັດໂສດາປະຕິຜົນເປັນອະຣິຍະບຸກຄົນໃນພະພຸດທະສາສະໜາເມື່ອນາງຕາຍໄປກໍ່ໄປເກີດໃນສະຫວັນ ສະເຫວີຍສົມບັດໃນວິມານຄຳມີນາງຟ້າໜຶ່ງພັນນາງເປັນບໍລິວານ.

ຂໍຂອບໃຈຂໍ້ມູນແລະຮູບພາບໂດຍ : ທ້າວ ລັດຖະເທວາ ພຸດທະວົງ.ວາລະສານເທວາ TAVA Magazine

About admin

Check Also

ຢຸດເຜີຍແຜ່ ຢຸດແຊຣ໌ຄລິບ ໂ ປ້ ມັນເຊື່ອມເສຍຄອບຄົວອັບອາຍຂາຍໜ້າ ແລະ ຍັງຜິດກົດໝາຍ ມາດຕາ 168 ແລະ ມາດຕາ 169

ທ່ານຮູ້ຫລືບໍ່ວ່າການເອົາຄລິບໂປ້ລົງເຟສບຸກ, ວອ໋ດແອບ ຫລື ລະບົບຄອມພິມເຕີອຶ່ນໆ ນັ້ນແມ່ນເປັນການກະທຳຜິດກົດໝາຍອາຍາ ອິງຕາມ ມາດຕາ 168 (ການສ້າງຄວາມເສຍຫາຍຜ່ານສື່ສັງຄົມອອນລາຍ) ແລະ ມາດຕາ 169 (ການເຜີຍແຜ່ສິ່ງລາມົກຜ່ານລະບົບຄອມພິວເຕີ) ສຳລັບການແຊຣ໌ການສົ່ງຕໍ່ທີ່ເປັນການສ້າງຄວາມເສື່ອມເສຍກຽດສັກສີ ຫລື …

Leave a Reply

Your email address will not be published. Required fields are marked *