Breaking News

ປກສ ເມືອງສິງ ແລະ ປກສ ເມືອງລອງ ທຳລາຍສວນຝິ່ນ 2,5 ເຮັກຕາ

ເຈົ້າໜ້າທີ່ກອງບັນຊາການ ປກສ ເມືອງສິງ ແລະ ປກສ ເມືອງລອງ ແຂວງຫຼວງນໍ້າທາ ປະຕິບັດໜ້າທີ່ໃນການທໍາລາຍສວນຝິ່ນທີ່ປະຊົນລັກລອບປູກຢູ່ 6 ຈຸດ, ມີເນື້ອທີ່ປະມານ ພ້ອມທັງນໍາເອົາຄອບຄົວທີ່ລັກລອບປູກມາສຶກສາອົບຮົມ ແລະ ສ້າງບົດບັນທຶກເພື່ອບໍ່ໃຫ້ກັບຄືນມາປູກຝິ່ນໃນຄັ້ງຕໍ່ໄປ.ພັທ ທອງສີ ທໍາມະໂກດ ຮອງຫົວໜ້າກອງບັນຊາການ ປກສ ເມືອງສິງ ແຂວງຫຼວງນໍ້າທາ ໃຫ້ຮູ້ວ່າ:

ໃນການສະກັດກັ້ນການລັກລອບປູກຝິ່ນ ຢູ່ເມືອງສິງ ແລະ ເມືອງລອງ ທັງ 2 ກອງບັນຊາການໄດ້ປະສານສົມທົບແລກປ່ຽນຂໍ້ມູນຂ່າວສານເຊິ່ງກັນແລະກັນ ໂດຍໄດ້ຕິດຕາມການກວດກາພື້ນທີ່ຫໍ່ຼແຫຼມທີ່ອາດຈະເປັນຈຸດການລັກລອບປູກຝິ່ນ ຈົນກວດພົບໄດ້ວ່າ ຈຸດເຊື່ອມຕໍ່ລະຫວ່າງຊາຍແດນເມືອງສິງ ແລະ ເມືອງລອງ ຍັງມີຄອບຄົວປະຊາຊົນຈໍານວນໜຶ່ງລັກລອບປູກຝິ່ນ. ດັ່ງນັ້ນ, ມາໃນເດືອນມັງກອນ 2021.

ທັງ 2 ກອງບັນຊາການໄດ້ແຕ່ງຕັ້ງພະນັກງານລົງກໍ່ສ້າງຮາກຖານເກັບກໍາບັນດາແຫຼ່ງຂໍ້ມູນການລັກລອບປູກຝິ່ນຂອງປະຊາຊົນຈຳນວນ 6 ຄອບຄົວ ຢູ່ເຂດບ້ານສົມປານໃໝ່, ບ້ານສາມສົບ ເມືອງລອງ ແລະ ບ້ານຈ່າເຂືອນ ເມືອງສິງ ແຂວງຫຼວງນ້ຳທາ ທີ່ລັກລອບປູກຝິ່ນ ຈຳນວນ 6 ຈຸດ ມີເນື້ອທີ່ປະ ມານ 2,5 ເຮັກຕາ ຈຶ່ງໄດ້ນໍາເອົາກໍາລັງທຳລາຍຕົ້ນຝິ່ນ ເພື່ອບໍ່ໃຫ້ເຂົາເຈົ້າສາມາດໄປກີດເອົານໍ້າຢາງຈາກໝາກຝິ່ນ. ພ້ອມດຽວກັນນັ້ນ.

ກໍໄດ້ປະສານກັບ ປກສ ກຸ່ມບ້ານ, ກອງກໍ່ສ້າງຮາກຖານ, ຄະນະພັກຮາກຖານຂັ້ນບ້ານ, ອຳນາດການປົກຄອງບ້ານ ເຊີນເອົາບັນດາຫົວໜ້າຄອບຄົວຜູ້ທີ່ລັກລອບປູກຝິ່ນມາສຶກສາອົບຮົມ ພ້ອມສ້າງບົດບັນທຶກກ່າວເຕືອນ ແລະ ລົງລາຍເຊັນໄວ້ເປັນຫຼັກຖານ ບໍ່ໃຫ້ສືບຕໍ່ເຄື່ອນໄຫວປູກຝິ່ນຕື່ມອີກ.

ໃນການແກ້ໄຂການລັກລອບປູກຝິ່ນໃນໄລຍະຜ່ານມາ ກໍຄືປັດຈຸບັນ, ປກສ ເມືອງສິງ ແລະ ປກສ ເມືອງລອງໄດ້ສຸມໃສ່ໂຄສະນາສຶກສາອົບຮົມໃຫ້ປະຊາຊົນບັນດາເຜົ່າຮັບຮູ້ໄດ້ໄພອັນຕະລາຍທີ່ເກີດຈາກຝິ່ນ, ໂດຍໄດ້ສົ່ງເສີມຫັນຈາກການລັກລອບປູກຝິ່ນຢູ່ເຂດຫ່າງໄກສອກຫຼີກມາເຮັດສ່ວນປູກພຶດລົ້ມລຸກ, ປູກຕົ້ນຢ່າງພາລາ, ລ້ຽງສັດນ້ອຍ-ໃຫຍ່ໃຫ້ກາຍເປັນສິນຄ້າ ຕາມແນວທາງນະໂຍບາຍຂອງພັກ ແລະ ລັດຖະບານ.

ແຕ່ເຖິງຢ່າງໃດກໍຕາມ, ກໍຍັງມີກຸ່ມຄົນບໍ່ດີຈຳນວນໜຶ່ງພະຍາຍາມທຸກວິທີທາງໂດຍການຊັກຊວນເອົາປະຊາຊົນທີ່ຢູ່ຫ່າງໄກຊອກຫຼີກ ເຂດພູສູງລັກລອບປູກຝິ່ນ.

About admin

Check Also

ໃຜໃຈບຸນຊ່ວຍພໍ່ຕູ້ແນ່!.. ຫນາວຫລາຍ!. ພໍ່ຕູ້ບໍ່ມີເສື້ອກັນຫນາວນຸ່ງ..​ທັງບໍ່ສະບາຍແດ່..​

ພໍ່ແມ່ສາມາດລ້ຽງໃຫ້ລູກສະບາຍໄດ້.ແຕ່ລູກບໍ່ສາມາດລ້ຽງພໍ່ໄດ້..​ໃຜຢາກຊວຍເຫລືອພໍ່ເຖົ້າຊື້ເສື້ອກັນໜາວສາມາດຊວຍ ເພີ່ນໄດ້ເດີ ຍາມນີ້ແຮງໜາວ ເຫັນແລ້ວຫົດຫູ່ໃຈ ແຕ່ລູກເປັນຫັຍງລ້ຽງພໍ່ບໍໄດ້ເສົ້າໃຈເດ..​ຄືປະໃຫ້ເພີ່ນເປັນແບບນີ້ ພໍ່ເຖົ້າເພີ່ນໄດ້110ປີ ແລ້ວ ປວຍຢູ່ຄົນດງວຂອງຢູ່ຂອງກີນກໍບໍມີ ເງີນກໍບໍມີເລີຍ ພໍເຖົ້າເພີ່ນຢູ່ວັງວຽງ ໃຜມີນ້ຳຈິດນຳ້ໃຈ ຊ່ວຍເຫລືອ ເພີ່ນຜູ້ລະ5-10ແນ່ ອີ່ຕົນແນ່😪😪 ເພີ່ນປ່ວຍເງີນຊື້ຢາກໍບໍມີ …

Leave a Reply

Your email address will not be published. Required fields are marked *