Breaking News

1 ພາບ​ລ້ານ​ຄວາມ​ໝາຍ ​ບໍ່​ຕ້ອງ​ສົມ​ບູນ​ແບບ​ເທົ່າ​ຄົນ​ອື່ນ ແຕ່​ກໍ​ມີ​ຄວາມ​ສຸກ​ໃນ​ແບບ​ຂອງ​ເຮົາ​ໄດ້ ຊີ​ວິດ​ເກີດ​ມາ​ຕ້ອງ​ສູ້

ບໍ່​ມີ​ໃຜ​ເລືອກ​ເກີດ​ໄດ້ ແລະ ບຸນ​ວາດ​ສະ​ໜາ​ຂອງ​ຄົນ​ເຮົາ​ກໍ​ບໍ່​ທໍ່​ກັນ ບາງ​ຄົນ​ເຮັດ​ວຽກ​ໜ້ອຍ​ດຽວ ເຮັດ​ວຽກ​ຖືກ​ບ່ອນ ເຮັດ​ວຽກ​ຖືກ​ກັບ​ຊິນ​ຕົນ​ເອງ ກໍ​ມັ່ງ​ມີ​ສີ​ສຸກ​ຂຶ້ນ​ໄວ ແຕ່​ບາງ​ຄົນ ສູ້​ຊົນ ເຮັດ​ວຽກ​ໜັກ ແທບ​ບໍ່​ມີ​ເວ​ລາ​ພັກ ແຕ່​ຄ່າ​ແຮງ​ທີ່​ໄດ້ ອາດ​ບໍ່​ພໍ​ໃຊ້​ຈ່າຍ

ແຕ່​ແນວ​ໃດ​ກໍ​ດີ ເກີດ​ມາ​ແລ້ວ ບໍ່​ວ່າ​ຈະ​ເປັນ​ແນວ​ໃດ ກໍ​ຕ້ອງ​ສູ້ ແລະ ໃຊ້​ຊິ​ວິດ​ຕໍ່​ໄປ ແລະ ເຮົາ​ສາ​ມາດ​ມີ​ຄວາມ​ສຸກ​ໄດ້​ສະ​ເໝ​ີ ເຖິງວ່າ​ເຮົາ​ຈະ​ບໍ່​ມີ​ຊີ​ວິດ​ຄື​ຄົນ​ອື່ນ ດັ່ງ​ພາບ​ທີ່​ນຳ​ມາ​ໃຫ້​ເຫັນ​ນີ້

ຄອບ​ຄົວ​ພໍ່​ແມ່​ໄປ​ຮັບ​ໄປ​ສົ່ງ​ລູກ​ໄປ​ໂຮງ​ຮຽນ ດ້ວຍ​ຊາ​ເລັງ ຕາກ​ແດດ​ຕາກ​ລົມ ໃນ​ຂະ​ນະ​ທີ່​ບາງ​ຄົນ ອາດ​ໄດ້​ຂີ່​ລົດ​ດີໆ ບໍ່​ຖືກ​ຝົນ ບໍ່​ຖືກ​ແດດ ສະ​ບາຍ ບໍ່​ລຳ​ບາກ ເຊິ່ງຫຼາຍໆ​ຄົນ​ກໍ​ຕ້ອງ​ການ​ແບບ​ນັ້ນຢູ່​ແລ້ວ

​ແຕ່​ເຮົາ​ເອງ​ສາ​ມາດ​ມີ​ຄວາມ​ສຸກ​ໄດ້ ການ​ໄດ້​ຂີ່​ລົດ​ແບບ​ນີ້ ມີ​ຄອບ​ຄົວ ພໍ່​ແມ່​ລູກ ເອື້ອຍ ອ້າຍ​ນ້ອງ ຂີ່​ລົດ​ໄປ​ນຳ​ກັນ ເຫັນ​ນັ້ນ ເຫັນ​ນີ້ ກໍ​ມີຫຼາຍ​ເລື່ອງ​ລາວ ທີ່​ໄດ້​ບອກ ໄດ້​ສອນ ແນະ​ນຳ​ກັນ​ລະ​ຫວ່າງ​ທາງ ເຊິ່ງ​ນັ້ນ ມັນ​ກໍ​ເປັນ​ຄວາມ​ສຸກ​ອີກ​ແບບ ທີ່​ຄົນ​ອື່ນໆ​ບໍ່​ເຄີຍ​ສຳ​ຜັດ ໄດ້​ເຝິກ​ຄວາມ​ອົດ​ທົນ, ຄຸນຄ່າຂອງຄວາມສຸກ ຂຶ້ນຢູ່ກັບຈິດໃຈ ບໍ່ຈຳເປັນລວຍ ບໍ່ຈຳເປັນເລີດຫລູ ບໍ່ຈຳເປັນມີອຳນາດ

ພາບຊໍານີ້ກໍ່ຍິ່ງໃຫຍ່ ໃຜມີແທ້ ຄຸນຄ່ານີ້ນ່າ ທ່ານເອີ້ຍ!

About admin

Check Also

ເຕືອນໄພດ່ວນ! ເຂື່ອນໄຟຟ້ານ້ຳອູ ມີແຜນຈະລະບາຍນ້ຳ ໃນວັນທີ 23 ກໍລະກົດ 2021

ບໍລິສັດໄຟຟ້ານ້ຳອູຈຳກັດ-ໂຄງການເຂື່ອນໄຟຟ້ານ້ຳອູ1 ມີແຜນຈະລະບາຍນ້ຳ ໃນວັນທີ 23 ກໍລະກົດ 2021 ແລະໄດ້ອອກແຈ້ງການຄວາມປອດໄພ ໃນລະດັບການແຈ້ງເຕືອນສີຟ້າ ເຖິງອົງການປົກຄອງເມືອງປາກອູ ແຂວງຫລວງພະບາງ ທັງພາກລັດ ແລະພໍ່ແມ່ປະຊາຊົນ ທີ່ອາໄສຢູ່ລຸ່ມເຂື່ອນໄຟຟ້ານ້ຳອູ1 ເຊີ່ງທາງເຂື່ອນໄດ້ແຈ້ງເຕືອນໃຫ້ຊາບກ່ຽວກັບສິ່ງທີ່ຄວນລະວັງ ແລະເລື່ອງຄວາມປອດໄພ …

Leave a Reply

Your email address will not be published. Required fields are marked *