Breaking News

5 ຕົ້ນໄມ້ມຸງຄຸນ ທີ່ຄວນມີເທິງໂຕະເຮັດວຽກຂອງທ່ານ

ຄົນເຮົານັ້ນ ມີຄວາມເຊື່ອມາຫລາກຫລາຍກ່ຽວກັບຕົ້ນໄມ້ ຫລື ໄມ້ປະດັບທີ່ຊ່ວຍເລື່ອງຄວາມເປັນສິຮິມຸງຄຸນແກ່ຜູ້ປູກ ທີ່ເຈົ້າສາມາດນຳມາປູນໃນພື້ນທີ່ບ້ານຂອງເຈົ້າເອງ ແຕ່ສຳຫລັບຄົນທີ່ມີພື້ນທີ່ໃຊ້ສອຍໃນບ້ານນ້ອຍ ເຈົ້າສາມາດນຳໄມ້ປະດັບມາໃສ່ກະຖາງປູກວາງເທິງໂຕະເຮັດວຽກໃນບ້ານຫລືອອຟຟິດຂອງເຈົ້າໄດ້ ຊຶ່ງມື້ນີ້ຈະມາແນະນຳໄມ້ປະດັບຂະຫນາດນ້ອຍກະທັດຮັດ ທີ່ມີຕົ້ນກຳເນີດອາດບໍ່ແມ່ນປະເທດບ້ານເຮົາແຕ່ມີຊື່ທີ່ເປັນມຸງຄຸນຢ່າງຫລາຍ

1. ບວງເງິນບວງທອງ

ເປັນຕົ້ນໄມ້ມຸງຄຸນທີ່ມີຊື່ແລະຄວາມຫມາຍດີຫລາຍໆກ່ຽວກັບເລື່ອງເງິນໆທອງໆ ນຳມາປູກເຊື່ອວ່າຈະຕັກຕວງສັບສິນ ມີເງິນທອງໄຫລມາເທມາ ເຮັດໃຫ້ສົ່ງເສີມເລື່ອງການເງິນ ການຄ້າຂາຍ ຮຽກຊັບເຂົ້າບ້ານ ຫາກວາງໄວ້ເທິງໂຕະເຮັດວຽກອາດຈະຮຽກຊັບໄດ້ຢ່າງແນ່ນອນ ຊຶ່ງມີຖິ່ນກຳເນີດມາໃນທະວີບເອເຊຍ ອິນເດຍ ມາເລເຊຍ

2. ວ່ານງາຊ້າງ

ເປັນຕົ້ນໄມ້ທີ່ເຊື່ອວ່າຖ້ານຳມາປູກ ທຳມາຄ້າຂາຍຮຸ່ງເຮືອງ ລ້ຳລວຍ ເສີມສິລິມຸງຄຸນ ເສີມເລື່ອງໂຊກລາບ ຫາກປູ້ໄມ້ເພື່ອປະດັບຕົກແຕ່ງເທິງໂຕະເຮັດວຽກ ຊຶ່ງວ່ານງາຊ້າງນີ້ຈະຊ່ວຍຟອກອາກາດ ອາກາດດີຂຶ້ນ ເປັນໄມ້ມຸງຄຸນແລ້ວຍັງມີປະໂຫຍກອີກດ້ວຍ ຊຶ່ງມີຖິ່ນກຳເນີດຈາກປະເທດ ແຖບເອຟິກາຕະເວັນຕົກ

3. ບັນຈະມາດເງິນ ຫລື ມັງກອນເງິນ

ເປັນຕົ້ນໄມ້ແຫ່ງຄວາມຮຸ່ງເຮືອງ ໂຊກລາບ ລັກສະນະໃບນ້ອຍຮຽງກັນເປັນພຸ່ມ ສີຂຽວປົນຂາວເຮັດໃຫ້ເຕະຕາຫລາຍໆ ເຫມາະກັບວາງໄວ້ເທິງໂຕະເຮັດວຽກຢ່າງຫລາຍເລີຍ ຊຶ່ງມີຖິ່ນກຳເນີດທີ່ປະເທດຍີ່ປຸ່ນ ແລະ ຈີນແຕ່ກໍ່ຍັງປູກໄດ້ທີ່ປະເທດໄທໄດ້ອີກດ້ວຍ

4. ໄຜ່ກວນອິນ

ເປັນໄມ້ມຸງຄຸນທີ່ນິຍົມປູກກັນຫລາຍເພາະສາມາດນຳມາປູກລ້ຽງເບິ່ງແຍງງ່າຍ ຄົນບູຮານເຊື່ອວ່າໄຜ່ກວນອິນຈະນຳພາຄວາມລ້ຳລວຍ ເຮັດໃຫ້ບັງເກີດໂຊກລາບ ທຳການຄ້າຂາຍສິ່ງໃດກໍ່ຈະຮຸ່ງເຮືອງ ເຫມາະກັບການນຳມາລ້ຽງໄວ້ເທິງໂຕະເຮັດວຽກຫລາຍເລີຍຈ່ະ ໄຜ່ກວນອິນ ມີຖິ່ນກຳເນີດທີ່ທະວີບເອຟິກາເຊິ່ງພູອາກາດໃກ້ຄຽງປະເທດເຮົາອີກດ້ວຍ

5. ເສດຖີເຮືອນນອກ

ເປັນໄມ້ມຸງຄຸນທີ່ໄວ້ເຕືອນໄພ ແລະ ຍັງເຊື່ອວ່າເປັນໄມ້ປະດັບທີ່ຮຽກຊັບເຮັດໃຫ້ຄ້າຂາຍລ້ຳລວຍ ທຳມາຄ້າຂຶ້ນ ມີຄວາມຮຸ່ງເຮືອງຕາມຈຳນນດອກຂອງຕົ້ນເສດຖີເຮືອນນອກເຊິ່ງມີຖິ່ນກຳເນີດໃນເອຟິກາໃຕ້

( ບົດຄວາມນີ້ແມ່ນມາຈາກປະເທດເພື່ອບ້ານ ປະເທດໄທ ທີ່ແອັດນຳມານຳສະເຫນີນີ້ແມ່ນໄດ້ເຫັນເຖິງຄວາມງາມແລະເປັນສິລິມຸງຄຸນ ບວກກັບທີ່ວ່າຄົນລາວເຮົາສ່ວນຫລາຍກໍ່ມັກໃນເລື່ອງຂອງດວງແລະໂຊກຊະຕາ ສິ່ງຂອງທີ່ນຳມາເສີມບຸນບາລະມີ ແອັດມິນເລີຍຈະນຳເອົາມາສະເຫນີໃຫ້ທຸກຄົນໄດ້ຮູ້ໄປພ້ອມໆກັນ )

About admin

Check Also

ຢຸດເຜີຍແຜ່ ຢຸດແຊຣ໌ຄລິບ ໂ ປ້ ມັນເຊື່ອມເສຍຄອບຄົວອັບອາຍຂາຍໜ້າ ແລະ ຍັງຜິດກົດໝາຍ ມາດຕາ 168 ແລະ ມາດຕາ 169

ທ່ານຮູ້ຫລືບໍ່ວ່າການເອົາຄລິບໂປ້ລົງເຟສບຸກ, ວອ໋ດແອບ ຫລື ລະບົບຄອມພິມເຕີອຶ່ນໆ ນັ້ນແມ່ນເປັນການກະທຳຜິດກົດໝາຍອາຍາ ອິງຕາມ ມາດຕາ 168 (ການສ້າງຄວາມເສຍຫາຍຜ່ານສື່ສັງຄົມອອນລາຍ) ແລະ ມາດຕາ 169 (ການເຜີຍແຜ່ສິ່ງລາມົກຜ່ານລະບົບຄອມພິວເຕີ) ສຳລັບການແຊຣ໌ການສົ່ງຕໍ່ທີ່ເປັນການສ້າງຄວາມເສື່ອມເສຍກຽດສັກສີ ຫລື …

Leave a Reply

Your email address will not be published. Required fields are marked *