ປະເທດ ອິນເດຍແຈກວັກຊີນໃຫ້ປະເທດໃກ້ຄຽງ ແຕ່ຄົນໃນປະເທດຊຳ້ພັດບໍ່ກ້າສັກ

ອິນ​ເດຍປະກາດ​ໂຄງການ​ບໍລິຈາກ​ວັກ​ຊີ​ນ ທີ່​ມີ​ຊື່ VaccineMaitr (ວັກ​ຊີ​ນ​ໄມຕຣີ) ຫລື Vaccine friendship ​ໃຫ້​ປະ​ເທດ​ຕ່າງໆ ​ເພື່ອ​ຟື້ນຟູ​ຜົນ​ກະທົບ​ຈາກ​ການລະບາດ​ຂອງ​ໄວຣັສ​ໂຄ​ໂຣນາ ທ່າມກາງ​ກະ​ແສ​ຄວາມ​ເຫລື້ອມລ້ຳ​ໃນ​ການ​ເຂົ້າ​ເຖິງ​ວັກ​ຊີ​ນຂອງ​ປະ​ເທດ​ຮັ່ງມີ​ກັບປະ​ເທດ​ທຸກ​ຍາກ ​ເຊິ່ງ​ໂຄ​ງການ​ນີ້​ເຮັດ​ໃຫ້​ອິນ​ເດຍ​ໄດ້​ຮັບ​ຄວາມ​ຍ້ອງຍໍຈຳນວນ​ຫລາຍ.​ໂດຍ “ວັກ​ຊີ​ນ​ໄມຕຣີ” ທີ່​ບໍລິຈາກ​ໃຫ້​ປະ​ເທດ​ໃກ້​ຄຽງ ​ເປັນ​ວັກ​ຊີ​ນຂອງ AstraZeneca ທີ່​ໂຮງງານ​ຂອງ​ອິນ​ເດຍສາມາດ​ຜະລິດ​ໄດ້​ເອງ ມີ​ການຈັດ​ສົ່ງ​ໃຫ້​ເນ

ປານ, ພູ​ຖານ​, ບັງ​ກະລາ​ເທດ, ມຽນມາ, ມັລດິບ, ມໍຣິ​ເຊຍ ​ແລະ ຊີ​ເຊ​ລ ພ້ອມ​ກຽມ​ຈັດ​ສົ່ງ​ໃຫ້​ສີ​ລັງກາ ​ແລະ ອັບ​ກາ​ນິດ​ສະຖານ​ໃນ​ຮອບ​ຕໍ່​ໄປ.ກະຊວງ​ສາທາລະນະ​ສຸກ​ອິນ​ເດຍ ອະນຸຍາດ​ໃຫ້​ນຳ​ໃຊ້​ວັກ​ຊີ​ນປ້ອງ​ກັນ​ໂຄ​ວິດ-19 ​ໄດ້ 2 ຊະນິດ​ໃນ​ເວລາ​ນີ້ ປະກອບ​ມີ​ວັກ​ຊີ​ນ “​ໂຄ​ວີ​ຊີລ” ຜະລິດ​ໂດຍ​ບໍລິສັດ​ແອ​ສທຣາ​ເຊ​ເນ​ກາ ຈາກ​ປະ​ເທດ​ອັງກິດ ກັບ “​ໂຄ​ແວກ​ຊິນ” ​ເຊິ່ງຜະລິດ​ໂດຍ​ຜູ້​ຜະລິດ​ໃນ​ອິນ​ເດຍ​ເອງ ​ແລະ ຍັງ​ບໍ່​ໄດ້​ຜ່ານ​ການ​ທົດ​ລອງ​ໃນ​ຄົນ​ໄລຍະ​ທີ 3 ​ແຕ່​ຢ່າງ​ໃດ ​ເຊິ່ງກຳລັງ​ເປັນ​ຈຸດ​ໂຕ້​ຖຽງ​ກັນ​ວ່າ: ​ເປັນ​ຫຍັງ​ຈຶ່ງ​ນຳ​ມາ​ໃຊ້

ທັງ​ທີ່​ຍັງ​ບໍ່​ຮູ້​ຜົນ​ຂອງ​ປະສິດທິພາບ​ວັກ​ຊີ​ນ ​ເນື່ອງ​ຈາກ​ການ​ທົດ​ລອງ​ໄລຍະ​ທີ 3 ຍັງ​ບໍ່​ສຳ​ເລັດ ​ແລະ ຕອນ​ນີ້​ສຳນັກ​ຂ່າວ Boomberg ລາຍ​ງານ​ວ່າ: ຢູ່​ອິນ​ເດຍພົບ​ບັນຫາ​ບໍ່​ຄື​ບ່ອນ​ອື່ນ ​ເພາະ​ມີ​ວັກ​ຊີ​ນຫລາຍ ​ແຕ່​ຄົນ​ພັດ​ບໍ່​ກ້າ​ສັກ ​ເພາະ​ກັງວົນ​ເລື່ອງ​ຄວາມ​ປອດ​ໄພ.​ແຕ່​ບໍລິສັດ Bharat Biotech ຂອງ​ອິນ​ເດຍກໍ​ມີ​ປະສົບ​ການ​ໃນ​ການ​ຜະລິ​ດວັກ​ຊີ​ນ

ມາກ​ວ່າ 24 ປີ​ແລ້ວ ຜະລິດ​ມາ​ແລ້ວ 16 ຊະນິດ ​ແລະ ສົ່ງ​ອອກ​ໄປ​ແລ້ວ 123 ປະ​ເທດທົ່ວ​ໂລກ ​ແລະ ຍັງ​ຕັ້ງ​ເປົ້າຜະລິດ​ວັກ​ຊີ​ນ​ໃຫ້​ໄດ້ 700 ລ້ານ​ໂດ​ສ ພາຍ​ໃນ​ປີ 2021 ​ເຊິ່ງຊະນິດ​ທີ່​ໃຊ້​ໃນ​ການ​ແຈກ​ຢາຍ​ໃຫ້​ປະ​ເທດ​ໃກ້​ຄຽງ ​ເປັນ​ວັກ​ຊີ​ນ Covishield ​ເຊິ່ງຜະລິດ​ຢູ່​ອິນ​ເດຍ ​ໂດຍ​ໃຊ້​ສູດ​ດຽວ​ກັບ​ມະຫາວິ​ທະຍາ​ໄລ​ອອກ​ຟອດ (Oxford University) ​ແລະ ບໍລິສັດ AstraZeneca ພັດທະນາ​ຂຶ້ນ.

About admin

Check Also

ເຫັນ​ແລ້ວ​ນໍ້າຕາໄຫລ​ ສົງສານ​ພໍ່ແລະລູກ

ນີ້ເປັນຄິຼບຈາກປະເທດເພື່ອນບ້ານ ປະເທດຫວຽດນາມ, ເຫັນແລ້ວກັ້ນນ້ຳຕາບໍ່ໄດ້. ຍ້ອນໂລກໂຄວິດ ພັດພາກຄົນທີ່ຮັກຈາກລູກກັບຜົວໄປ… ໂດຍບໍ່ມີວັນຈະກັຍຄືນມາໄດ້….😭😭😭 #ຈົ່ງປ້ອງກັນກ່ອນທຸກຢ່າງຈະສາຍເກີນໄປ ບໍ່ຢາກໃຫ້ມັນພາກຊີວິດຂອງໃຜອີກ. ເຮົາຈົ່ງສູ້ໄປພ້ອມກັນ ຊົມຄລິບ ທີ່ມາ

Leave a Reply

Your email address will not be published. Required fields are marked *