Breaking News

ການຄ້າເມືອງນ້ຳບາກ ທຳລາຍຢາງພາລາທີ່ມີສິ່ງປົນເປື້ອນຫຼາຍຢ່າງ​ ທີ່ປະຊາຊົນນຳມາຂາຍໃຫ້ນັກທຸລະກິດ

ການຄ້າເມືອງນ້ຳບາກ ທຳລາຍຢາງພາລາທີ່ມີສິ່ງປົນເປື້ອນຫຼາຍຢ່າງ​ ທີ່ປະຊາຊົນນຳມາຂາຍໃຫ້ນັກທຸລະກິດ ວັນທີ 19 ມັງກອນ 2021 ຜ່ານມານີ້ ຫ້ອງການອຸດສາຫະກຳ ແລະ ການຄ້າເມືອງ ຮ່ວມກັບ​ ບໍລິສັດຊີໂນ ລາວຈີລັນ ພັດທະນາ​ ຈຳກັດ ໄດ້ຈັດພິທີທຳລາຍສີນຄ້າ ປະເພດຢາງພາລາກ້ອນ ທີ່ມີສິ່ງປົນເປື້ອນຫຼາຍຢ່າງຂຶ້ນ

ໂດຍມີ​ ທ່່ານ ຫຸມເພັງ ໂທທິທຳ ປະທານກວດກາພັກ-ລັດເມືອງ, ມີຫົວໜ້າ-ຮອງຫົວໜ້າຫ້ອງການທີ່ກຽ່ວຂ້ອງ,​ ມີທ່ານນາຍບ້ານ, ບໍລິສັດເກັບຊື້ ແລະ ເຈົ້າຂອງສວນຢາງພາລາເຂົ້າຮວ່ມ.ເພື່ອເປັນການຈັດຕັ້ງປະຕິບັດໃຫ້ຖືກຕ້ອງ ແລະ ສອດຄ່ອງຕາມລະບຽບກົດໝາຍ, ຮັບປະກັນໃຫ້ພາກທຸລະກິດ ບໍລິສັດທີ່ເກັບຊື້ນ້ຳຢາງພາລາພາຍໃນເມືອງນ້ຳບາກ ໃຫ້

ເກັບຊື້ໄດ້ສິນຄ້າທີ່ມີຄຸນນະພາບ, ສິນຄ້າໄດ້ມາດຕະຖານ. ໃນລະຫວ່າງວັນທີ 7 ຫາວັນທີ 14 ທັນວາ 2020 ຜ່ານມາ ຫ້ອງການອຸດສາຫະກຳ ແລະ ການຄ້າເມືອງ ໄດ້ລົງກວດກາການເກັບຊື້, ການຂາຍຢາງພາລາກ້ອນ ລະຫວ່າງບໍລິສັດເກັບຊື້ ແລະ ຊາວສວນຢາງພາຍໃນເມືອງ ໄດ້ພົບເຫັນຢາງພາລາຈຳນວນຫຼາຍ ທີ່ຊາວສວນນຳມາຂາຍ ແມ່ນ

ມີສານປົນເປື້ອນ ແລະ ຂີ້ເສດຂີ້ເຫຍື້ອປົນມານຳ ເປັນຕົ້ນແມ່ນມີກ້ອນຫີນ, ຂີ້ແຮ່, ຂີ້ຊາຍ, ເປືອກຂອງຕົ້ນຢາງພາລາ ແລະ ສີ່ງເສດເຫຼືອອື່ນຯ ເຮັດໃຫ້ກ້ອນຢາງດັ່ງກ່າວບໍ່ໄດ້ມາດຕະຖານ, ເຊື່ອມຄຸນນະພາບ, ບໍ່ສາມາດນຳເຂົ້າໂຮງງານຜະລິດຕາມຂັ້ນຕອນ ແລະ ໄດ້ຍຶດຂອງກາງໄວ້ເປັນຂອງລັດ.ພ້ອມນັ້ນ,​ ພາກສວ່ນທີ່ກຽ່ວຂ້ອງໄດ້ສຶກສາ

ອົບຮົມ ແລະ ເຮັດບົດບັນທຶກນຳຊາວສວນຈຳນວນ 8 ຄອບຄົວ, ຫຼາຍກວ່າໝູ່ແມ່ນຢູ່ກຸ່ມບ້ານນ້ຳຖວ້ມ ເຊີ່ງໄດ້ເຮັດໃຫ້ຊື່ສຽງ ແລະ ຜົນຜະລິດສິນຄ້າສົ່ງອອກຂອງເມືອງບໍ່ໄດ້ມາດຕະຖານ.​ ດັ່ງນັ້ນ,​ ຈຶ່ງໄດ້ຈັດພີທີທຳລາຍຖີ້ມ ລວມມູນຄ່າການເສຍຫາຍທັງໝົດ ມີຢາງພາລາກ້ອນ 5.078 ກິໂລ ຄິດເປັນມູນຄ່າ 34 ລ້ານກວ່າກີບ.

About admin

Check Also

ຂ່າວດ່ວນ ມື້ນີ້ີ້ ສປປ ລາວ​ ກວດພົບຜູ້ຕິດ​ເຊື້ອ​ ເພີ່ມໃໝ່ອີກ​ 280 ຄົນ

ຈາກການຖະແຫຼ່ງຂ່າວໂຄວິດ – 19 ຂອງຄະນະສະເພາະກິດ ປະຈຳວັນທີ່ 28 ກໍລະກົດ​ 2021 ພົບວ່າມີຜູ້ຕິດເຊື້ອໂຄວິດເພີ່ມໃໝ່ 280 ຄົນ ນະຄອນຫຼວງ​ 46 ຄົນ​(ນຳເຂົ້າ 45 …

Leave a Reply

Your email address will not be published. Required fields are marked *