Breaking News

3 ລາສີ ວຽກງານ ການເງິນ ຄວາມຮັກ​ດີ​ ດວງເຮັງປີ 2021 ຈະເປັນແນວໃດມາເບິ່ງ

ຄໍລໍາທໍານາຍດວງຊາຕາໃນມື້ນີ້ ຜູ້ຂຽນຂໍນໍາພາທ່ານຜູ້ອ່ານມາສືບຕໍ່ກວດເບິ່ງດວງຊາຕາຂອງແຕ່ລະລາສີເກີດນໍາກັນວ່າ ໃນປີ 2021 ນີ້ ຈະເປັນໄປໃນທິດທາງໃດ ໂດຍມື້ນີ້ຂໍນໍາສະເໜີລາສີກໍລະກົດ, ລາສີສິງ ແລະ ລາສີກັນ; ສ່ວນອາທິດໜ້າຢ່າລືມຕິດຕາມອ່ານດວງຂອງອີກ 3 ລາສີສຸດທ້າຍນໍາກັນວ່າຈະເປັນແນວໃດ ກໍອາດເປັນຄະຕິເຕືອນໃຈໃນການດໍາລົງຊີວິດອີກທາງໜຶ່ງ?.

ລາສີກໍລະກົດ ( ຜູ້ທີ່ເກີດລະຫວ່າງວັນທີ 15 ກໍລະກົດ ຫາ 16 ສິງຫາ ) ດ້ານວຽກງານ: ເປັນປີແຫ່ງການວາງແຜນ ແລະ ໃຫ້ຫຸ້ນສ່ວນຊ່ວຍເຫຼືອ ທີ່ສໍາຄັນຄວນຮອບຄອບກວດລະອຽດຖີ່ຖ້ວນເລື່ອງເອກະສານໃຫ້ຫຼາຍຂຶ້ນ. ດ້ານການເງິນ: ດາວການເງິນຄຶກຄັກຫຼາຍ ມີໂຊກຢ່າງບໍ່ຄາດຝັນ ສິ່ງທີ່ຄິດວ່າຂາຍບໍ່ໄດ້ຈະກັບມາຂາຍໄດ້ ແລະ ອາດໄດ້ເງິນຄືນຈາກລູກໜີ້. ດ້ານຄວາມຮັກ ແລະ ສຸຂະພາບ: ຄວາມຮັກເອົາໄວ້ເປັນເລື່ອງຮອງ ຄວນເອົາໃຈໃສ່ເລື່ອງວຽກເປັນຫຼັກ; ຄົນໂສດ ຖ້າມີຄົນເຂົ້າມາຈະໄດ້ຄູ່ທີ່ເຂົ້າມາຈູ້ຈີ້ມັກຈົ່ມ ຄົນທີ່ເຂົ້າມາມັກຈະແກ່ ກວ່າ ເຕືອນວ່າຢ່າຟ້າວຕົກລົງປົງໃຈ; ສ່ວນສຸຂະພາບ ໃຫ້ລະວັງເລື່ອງລະບົບພາຍໃນບໍ່ວ່າຈະເປັນກະດູກ, ແຂ້ວ, ຄວນກວດສຸຂະພາບແບບຕໍ່ເນື່ອງ.

ລາສີສິງ ( ຜູ້ທີ່ເກີດລະຫວ່າງວັນທີ 17 ສິງຫາ ຫາ 16 ກັນຍາ ) ດ້ານວຽກງານ: ຜົນປະໂຫຍດເລື່ອງວຽກຈາກເຄີຍໄດ້ 100% ອາດໄດ້ຜົນປະໂຫຍດຫຼຸດລົງ ແນະນໍາໃຫ້ເຮັດໄປກ່ອນ ລໍຖ້າຈັງຫວະດີໆປີ້ນີ້ມີເຂົ້າມາແນ່ນອນ.ດ້ານການເງິນ: ການເງິນມີຄວາມແປຜັນໄປໜ້າຖອຍຫຼັງ ເປັນປົກກະຕິ ໄດ້ມາຈ່າຍໄປ ໃຜທີ່ເຮັດເລື່ອງກູ້ຢືມເງິນຢູ່ກໍຈະໄດ້ຮັບການອະນຸມັດ. ດ້ານຄວາມຮັກ ແລະ ສຸຂະພາບ: ອາດໄດ້ຮ່ວມງານກັບຄົນຮັກ ຫຼື ຄົນຮັກຊ່ວຍເຫຼືອເລື່ອງວຽກ; ສ່ວນຄົນໂສດຈະມີຄົນມາສົນໃຈ ແຕ່ລະວັງໃຫ້ດີລາວອາດມີເຈົ້າຂອງແລ້ວ; ສ່ວນສຸຂະພາບ ລະວັງອາການເຈັບປ່ວຍຊໍ້າເຮື້ອ, ໄຂມັນ, ຄວາມຄຽດ ທີ່ສະສົມໄວ້ຫຼາຍອາດສົ່ງຜົນກະທົບຕໍ່ສຸຂະພາບ.

ລາສີກັນ ( ຜູ້ທີ່ເກີດລະຫວ່າງວັນທີ 17 ກັນຍາ ຫາ 16 ຕຸລາ ) ດ້ານວຽກງານ: ການເຈລະຈາໂອ້ລົມຍັງບໍ່ແມ່ນຈັງຫວະທີ່ໂດດເດັ່ນຫຼາຍ ຄວນສຶກສາກົນລະຍຸດໃໝ່ໆໃນການຄ້າຂາຍ.ດ້ານການເງິນ: ມີໂອກາດໄດ້ມາແບບບໍ່ໄດ້ຕັ້ງຕົວ ລົງທຶນໜ້ອຍແຕ່ໄດ້ກໍາໄລຫຼາຍຖືເປັນປີທີ່ສະພາບຄ່ອງທາງການເງິນດີ. ດ້ານຄວາມຮັກ ແລະ ສຸຂະພາບ: ຄູ່ຮັກຢູ່ໃນໄລຍະສ້າງເນື້ອສ້າງຕົວ, ຄົນໂສດຢ່າຟ້າວຮີບຮ້ອນ ໃຫ້ສຶກສາເບິ່ງໃຈກັນໄປກ່ອນ ຢ່າຟ້າວຕົກລົງປົງໃຈ; ສ່ວນສຸຂະພາບແມ່ນແຂງແຮງດີ ແຕ່ຕ້ອງຮູ້ຈັກເບິ່ງແຍງສຸຂະພາບໃຈ ບາງຄົນຄິດຫຼາຍ ວິຕົກກັງວົນເກີນເຫດ.

About admin

Check Also

ຢຸດເຜີຍແຜ່ ຢຸດແຊຣ໌ຄລິບ ໂ ປ້ ມັນເຊື່ອມເສຍຄອບຄົວອັບອາຍຂາຍໜ້າ ແລະ ຍັງຜິດກົດໝາຍ ມາດຕາ 168 ແລະ ມາດຕາ 169

ທ່ານຮູ້ຫລືບໍ່ວ່າການເອົາຄລິບໂປ້ລົງເຟສບຸກ, ວອ໋ດແອບ ຫລື ລະບົບຄອມພິມເຕີອຶ່ນໆ ນັ້ນແມ່ນເປັນການກະທຳຜິດກົດໝາຍອາຍາ ອິງຕາມ ມາດຕາ 168 (ການສ້າງຄວາມເສຍຫາຍຜ່ານສື່ສັງຄົມອອນລາຍ) ແລະ ມາດຕາ 169 (ການເຜີຍແຜ່ສິ່ງລາມົກຜ່ານລະບົບຄອມພິວເຕີ) ສຳລັບການແຊຣ໌ການສົ່ງຕໍ່ທີ່ເປັນການສ້າງຄວາມເສື່ອມເສຍກຽດສັກສີ ຫລື …

Leave a Reply

Your email address will not be published. Required fields are marked *