Breaking News

ໜ້າຫ່ວງ ພະຍາດໂຄວິດ ກັບມາລະບາດຮອບໃໝ່ຢູ່ ປະເທດຫວຽດນາມ By admin Share

ປັດຈຸບັນ ສປປ ລາວ ຍັງມີຜູ້ຕິດເຊື້ອໂຄວິດ-19 ປິ່ນປົວຕິດຕາມອາການຢູ່ໂຮງໝໍທີ່ກໍານົດໄວ້ ຈໍານວນ 3 ກໍລະນີ, ທັ້ງນີ້ ສັງລວມການກວດວິເຄາະນັບແຕ່ ເດືອນມັງກອນ 2020 ຮອດ ວັນທີ 31 ມັງກອນ 2021 ໄດ້ເກັບຕົວຢ່າງມາກວດທັງໝົດ 103.777 ຕົວຢ່າງ, ກວດພົບເຊື້ອສະສົມ 44 ຄົນ. ດ້ານຄະນະສະເພາະກິດ ຂໍຮຽກຮ້ອງໃຫ້ຜູ້ທີ່ເດີນທາງເຂົ້າມາ ສປປ ລາວ ໃຫ້ການຮ່ວມມື ໃນການຈຳກັດບໍລິເວນຕົນເອງ ຈົນຄົບກຳນົດ 14 ວັນ ພ້ອມທັງປະຕິບັດຕາມຄຳແນະນຳຂອງຄະນະສະເພາະກິດວາງອອກຢ່າງ

ເຄັ່ງຄັດ.ໃນວັນທີ 1 ກຸມພາ 2021, ທີ່ກະຊວງສາທາລະນະສຸກ ທ່ານ ດຣ. ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ໄດ້ລາຍງານສະພາບຂອງພະຍາດໂຄວິດ-19 ໃຫ້ຮູ້ວ່າ: ສະພາບການລະບາດຂອງພະຍາດໂຄວິດ-19 ໃນ ສປປ ລາວ ສາມາດສັງລວມການກວດວິເຄາະ ນັບແຕ່ ເດືອນມັງກອນ 2020 ຮອດ ວັນທີ 31 ມັງກອນ 2021 ໄດ້ເກັບຕົວຢ່າງມາກວດທັງໝົດ 103.777 ຕົວຢ່າງ, ກວດພົບເຊື້ອສະສົມ 44 ຄົນ. ມາຮອດປະຈຸບັນ ຄົນເຈັບຕິດເຊື້ອພະຍາດ

ໂຄວິດ-19 ຈຳນວນ 3 ຄົນ ແມ່ນສືບຕໍ່ນອນປິ່ນປົວຢູ່ໂຮງໝໍທີ່ຖືກກຳນົດໄວ້.ທັ້ງນີ້, ມາຮອດວັນທີ 1 ກຸມພາ 2021, ທົ່ວໂລກມີການລາຍງານການລະບາດ ທັງໝົດ 219 (ປະເທດ/ເຂດ); ຜູ້ຕິດເຊື້ອສະສົມ ມີ 103.500.661 ຄົນ; ເສຍຊິວິດ 2.236.904 ຄົນ ກວມເອົາ 2,16 % ຂອງຜູ້ຕິດເຊື້ອທັງໝົດ; ປິ່ນປົວຫາຍດີ 75.105.985 ຄົນ ກວມເອົາ 72,5 % ຂອງຜູ້ຕິດເຊື້ອທັງໝົດ ເຊິ່ງປະເທດສະຫະລັດອາເມຣິກາ ແມ່ນມີລາຍງານຜູ້ຕິດເຊື້ອ ແລະ ຜູ້ເສຍຊີວິດສູງກວ່າໝູ່.ທ່ານ ຫົວໜ້າ

ກົມຄວບຄຸມພະຍາດຕິດຕໍ່ ກ່າວຕື່ມວ່າ: ຕໍ່ສະພາບການລະບາດຂອງປະເທດເພື່ອນບ້ານ ກໍຄື ປະເທດຫວຽດນາມ ແມ່ນໜ້າວິຕົກກັງວົນ ເນື່ອງຈາກເກີດມີການລະບາດຮອບໃໝ່ຂຶ້ນ ໂດຍສູນກາງຂອງການລະບາດໃນຄັ້ງນີ້ ແມ່ນຢູ່ແຂວງຫາຍເຊືອງ ທາງພາກເໜືອຂອງປະເທດ ເຊິ່ງພົບຜູ້ຕິດເຊື້ອ ທີ່ເຊື່ອມໂຍງກັບແຂວງຫາຍເຊືອງ 200 ກວ່າຄົນ ຢ່າງໜ້ອຍໃນ 9 ແຂວງ ລວມທັງ ຮາໂນຍ ແລະ ໂຮຈິມິນ ເຊິ່ງຜູ້ຕິດເຊື້ອກໍລະນີທຳອິດໃນແຂວງຫາຍເຊືອງ ແມ່ນມີປະຫວັດສຳຜັດໃກ້ຊິດນຳຄົນຫວຽດນາມ ທີ່ໄດ້ເດີນທາງໄປ

ປະເທດຍີ່ປຸ່ນ ໃນອາທິດທີ່ຜ່ານມາ ແລະ ກວດພົບເຊື້ອໂຄວິດ-19 ສາຍພັນທີ່ກຳລັງລະບາດໃນປະເທດອັງກິດ.ດັ່ງນັ້ນ ຄະນະສະເພາະກິດ ຈຶ່ງຂໍຮຽກຮ້ອງໃຫ້ຜູ້ທີ່ເດີນທາງເຂົ້າມາ ສປປ ລາວ ໃຫ້ການຮ່ວມມື ໃນການຈຳກັດບໍລິເວນຕົນເອງ ຈົນຄົບກຳນົດ 14 ວັນ ພ້ອມທັງປະຕິບັດຕາມຄຳແນະນຳຂອງຄະນະສະເພາະກິດວາງອອກຢ່າງເຄັ່ງຄັດ; ພ້ອມດຽວກັນນັ້ນ ກໍສືບຕໍ່ປະຕິບັດການດຳລົງຊີວິດປົກກະຕິແບບໃໝ່ ໃຫ້ກາຍເປັນຄວາມຊິນເຄີຍ ເປັນຕົ້ນ ແມ່ນ: ອອກຈາກບ້ານເມື່ອມີຄວາມຈຳເປັນ; ໃສ່ຜ້າປິດປາກ-ດັງ

ເວລາອອກຈາກບ້ານ ຫຼື ໄປສະຖານທີ່ ທີ່ມີຄວາມສ່ຽງຕໍ່ການຕິດເຊື້ອ; ລ້າງມືເປັນປະຈຳດ້ວຍນໍ້າສະອາດໃສ່ສະບູ ຫຼື ເຈວລ້າງມືຂ້າເຊື້ອ; ປະຕິບັດຮັກສາໄລຍະຫ່າງ 1-2 ແມັດຂຶ້ນໄປ; ກິນອາຫານທີ່ປຸງແຕ່ງສຸກໃໝ່ໆ; ແຍກຂອງໃຊ້ສ່ວນຕົວ ບໍ່ໃຊ້ຮ່ວມກັບຜູ້ອື່ນ; ເມື່ອກັບຮອດບ້ານ ຄວນອາບນ້ຳ ແລະ ປ່ຽນເສື້ອຜ້າທັນທີ; ການປະຕິບັດທັງໝົດນີ້ ກໍ່ແມ່ນເພື່ອຫຼຸດຜ່ອນ ແລະ ສະກັດກັ້ນການລະບາດບໍ່ໃຫ້ຂະຫຍາຍເປັນວົງກວ້າງ.

About admin

Check Also

ນາງງາມສະຫຍາມ ອາຍຸ 100 ປີ ຊາວເນັດຊື່ນຊົມຍັງງາມ ແລະ ແຂງແຮງ

ເພຈ໌ ດາລາພາບພະຍົນໄທ ໄດ້ໂພສພາບ ສາວງາມ ຂອງ ແມ່ຕູ້ ວະນີ ເລົາກຽດຕິ ອາຍຸ 100 ປີ ນາງສາວສະຫຍາມຄົນທີ 2 ໃນປີ ພສ …

Leave a Reply

Your email address will not be published. Required fields are marked *