ແຈ້ງການ: ການໂຈະການສອບເສັງແຂ່ງຂັນນັກຮຽນເກັ່ງ

ແຈ້ງການ: ການໂຈະການສອບເສັງແຂ່ງຂັນນັກຮຽນເກັ່ງຊັ້ນມັດທະຍົມສຶກສາລະດັບຊາດປະຈໍາສົກຮຽນ2020-2021.

ຫ້ອງການກະຊວງສຶກສາທິການ ແລະ ກິລາຂໍຖືເປັນກຽດແຈ້ງມາຍັງທ່ານຊາບວ່າ: ຕາມແຜນວຽກຈຸດສຸມ ແລະ ບູລິມະສິດຂອງກົມສາມັນສຶກສາ ໃນລະຫວ່າງ ວັນທີ 23-26 ມີນາ 2021 ຈະໄດ້ມີການຈັດຕັ້ງການສອບເສັງ ແຂ່ງຂັນນັກຮຽນເກັ່ງລະດັບຊາດປະຈໍາສົກຮຽນ 2020-2021

ແຕ່ເນື່ອງຈາກວ່າມີການແຜ່ລະບາດຂອງພະຍາດອັກ ເສບປອດຈາກເຊື້ອຈຸລະໂລກສາຍພັນໃຫມ່ coVID-19 ທີ່ກໍາລັງລະບາດ ໃນພາກພື້ນ ແລະ ແຜ່ຂະຫຍາຍຫຼາຍປະ ເຫດໃນໂລກ, ເພື່ອເປັນການປ້ອງກັນ, ຄວບຄຸມ ພະຍາດດັ່ງກ່າວ ກະຊວງສຶກສາທິການ ແລະ ກິລາ ຈຶ່ງໄດ້ໂຈະການ ສອບເສັງແຂ່ງຂັນນັກຮຽນເກັ່ງຊັ້ນມັດທະຍົມສຶກສາ ລະດັບຊາດ ປະຈໍາສົກຮຽນ 2020-2011 ນີ້ແລະ ສະເຫນີໃຫ້ ທ່ານ ປະຕິບັດດັ່ງລຸ່ມນີ້:

1. ໃຫ້ຈັດຕັ້ງສອບເສັງແຂ່ງຂັນນັກຮຽນເກັ່ງຊັ້ນມັດທະຍົມສຶກສາພາຍໃນ ແຂວງ ຂອງຕົນ.

2. ປະຕິບັດນະໂຍບາຍຕໍ່ ນັກຮຽນເກັ່ງລະດັບແຂວງ ຕາມລະບຽບທີ່ກໍານົດຄື:• ມອບໃບຍ້ອງຍໍ, ໃບຢັ້ງຢືນ, ເງິນລາງວັນ, ທຶນການສຶກສາ ແລະ ອື່ນໆ ຕາມຄວາມເຫມາະສົມ. • ສັບຊ້ອນນັກຮຽນເກັ່ງຊັ້ນ ມ.4 ເຂົ້າຮຽນຊັ້ນມັດທະຍົມສຶກສາຕອນປາຍຫ້ອງພອນສະຫວັນ, ໂຮງຮຽນມັດທະຍົມສົມບູນພອນສະຫວັນ ຂອງແຂວງ, ມັດທະຍົມສົມບູນສັນຕິພາບ ແຂວງ ຫຼວງພະບາງ, ມັດທະຍົມສົມບູນວຽງຈັນ ນະຄອນຫຼວງ ວຽງຈັນ ,

– ສັບຊ້ອນນັກຮຽນເກັ່ງ ມ.7 ເຂົ້າຮຽນມະຫາວິທະຍາໄລ ໃນທຶນການສຶກສາຕາມການແບ່ງປັນຂອງແຂວງ.

3. ລາຍງານຜົນການສອບເສັງໃຫ້ກົມສາມັນສຶກສາຕາມເວລາອັນເຫມາະສົມ.ດັ່ງນັ້ນ, ຈິ່ງແຈ້ງມາຍັງທ່ານເພື່ອຮັບຊາບ ແລະ ປະຕິບັດຕາມແຈ້ງການສະບັບນີ້ດ້ວຍ.

About admin

Check Also

ແຊຣ໌ຕໍ່ໆ ແຈ້ງການ​ດ່ວນ​ ​ໃຫ້ກະກຽມເຄື່ອງໃຊ້ຈຳເປັນ​

ກຽມລ໋ອກດາວຂັ້ນສູງ! ຫ້ອງວ່າການແຂວງສາລະວັນ ແຈ້ງໃຫ້ກະກຽມເຄື່ອງໃຊ້ຈຳເປັນ ເພື່ອກຽມເປີດການລ໋ອກດາວ ຫ້ອງວ່າການແຂວງສາລະວັນ ໄດ້ໃຫ້ຮູ້ວ່າ: ເນື່ອງຈາກປັດຈຸບັນ ສະພາບການແຜ່ລະບາດຂອງພະຍາດໂຄວິດ-19 ຢູ່ແຂວງສາລະວັນ ມີທ່າອ່ຽງຮຸນເເຮງຂຶ້ນ ໂດຍສະເພາະການລະບາດໃນຊຸມຊົນ ເພິ່ນຈຶ່ງໄດ້ອອກແຈ້ງການໃຫ້ກຽມພ້ອມໃນການລ໋ອກດາວ ໃຫ້ກະກຽມຈັດຊື້ສະບຽງອາຫານ ແລະເຄື່ອງໃຊ້ທີ່ຈໍາເປັນ ເພື່ອແຮໄວ້ໃຊ້ໃນຊ້ວງໄລຍະການລ໋ອກດາວແຂວງຂັ້ນສູງ …

Leave a Reply

Your email address will not be published. Required fields are marked *